Tekang Kbuten 15:17 - Udél Dwata: Gna Kesfasad ne Lomi Kesfasad

¹⁷ Timbow deng lemneb kdaw ne deng kifu, tódô ton Abram yóm kkuleng ofi tendo kmebel ne wen solok mung du mlan gu lem blóng yó kem ógóf sendolol hlasaen bè yó.

Tekang Kbuten 15:17 Iomraidhean Croise

Tekang Kbuten 15:10

Tahu se, gotu nit Abram ebè Dwata yó kem ógóf hnihen yó koni, ne omin Abram hmatay kul, sket hensóól sendolihen lu, ominen bud semdolol hmasà kul, lewu ktolen du. Okóm yó kem onuk koyu, là dog sendolihen kul.

2 Samwél 22:9

Hol lómón ke wen kebel semfut gu lem ilungen, ne lómón ke wen ofi msut gu lem baken, mung du bala ofi kemyóngón.

1 Bok Kem Tau Hol Geta 18:38

Sen-gengen se wen ofi hwit Dwata gu bè longit, gotu kenen yóm dsù Ilaydya, ne yóm koyu snuken, ne yó kem botu ne yóm tonok. Ne bud gotu hektihen se yóm él leminu lem kanal.

1 Tutul Israél 21:26

Hdà Dabid bè yó yóm gónó demsù ebè Dwata, ominen demsù yóm dsù hkekeb ne yóm dsù mit sefyu ebè Dwata. Ominen mni bè Dwata, ne bnalà Dwata yóm hnihen hlanen bè yóm tey ofi hwiten gu bè longit mò hmekeb yóm dsù eles nô ta yóm gónó demsù.

Kehewà 19:18

Yóm Bulul Sinay, tódô tfeng kebel abay se mnaul elaan Dwata mung bè ofi. Yóm kebel yó, hol lómón ke kebel ofi alì hitem kmò kboben etta ne ya tey sidek kegsinsigen yóm bulul yó.

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Jirimaya 11:4

Yó tehe senfasad me yó kem tehe fù ye bè yóm kwitu kul hewà gu bè Idyip, yóm benwu gónó le ghesek,’ monu, ‘Ke nimón ye ou ne ke gotu lolò ye yóm kdê hlolou kuy, baling ye mò dou tau ne ou se mò Dwata ye.

Dwata 4:20

Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

Kmukum 13:20

Yóm igoen dmilóf eta yóm ofi lemwót bè yóm gónô Manu demsù, tódô ton le Manu ne yehenen yóm hógów Dwata yó koni haway etta bè longit, mung bè dilóf ofi efet tódô lana lem mata le. Timbow tngón le hógów Dwata gu bè longit yóm tau yó koni, tódô le hegluduk bè tonok lewu le yehenen. Ne là bud ton le du ne yóm hógów Dwata yó.

Kmukum 6:21

Omin yóm hógów Dwata mdù du bè yóm utón yó ne yóm mambang yóm tukô tugeden. Tódô sen-gengen se yóm tey dilóf ofi hesut gu lem yóm botu yó, gotu mkekeb yóm utón ne yóm mambang. Ne sen-gengen se tódô lana yóm hógów Dwata yó koni.