Tekang Kbuten 15:16 - Udél Dwata: Gna Kesfasad ne Lomi Kesfasad

¹⁶ Okóm yó kem sfuhem yó, yó he kulék le edini bè yóm benwu ni ke deng fat bud lugod le bè yó, abay se là tagad hdóhu kul he yó kem tau Amurayt menwu bè yóm benwu ni. Yó he kehdóhu kul ke sok deng gulé yóm sidek nmò le, ne là gbeku du ke là tnafaku kul.”

Tekang Kbuten 15:16 Iomraidhean Croise

Tekang Kbuten 15:13

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Tekang Kbuten 48:21

Omin Jakub mon du mò ke Jusif, “Tódô tonem se yóm móyón katayu lem blóng ye, okóm tendo eles nô bélê ye Dwata ne angat niten yu semfulék ebè tum tonok tehe fù ye.

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

1 Bok Kem Tau Hol Geta 21:26

Tey kmoen du yóm nmò alì kenyak mlan bè ktabahen ebè yó kem dwata kéng, lómón yóm kul tehe nmò yó kem tau Amurayt yó kem tau tehe lo Dwata tukô gna yó kem tau Israél.

2 Bok Kem Tau Hol Geta 21:11

“Deng nmò Manasi yóm tau hol geta bè Juda yó kem nmò alì kenbê, nmoen yóm alì sidek senta yó kem sidek tehe nmò yó kem tau Amurayt, yó kem tau tehe gna nô ta nim tonok ni gu laanu là deng bemlay du bè yó kem tau Israél. Deng niten tmaba ebè dwata kéng yó kem tau bè Juda.

Kem Lingón 105:43

Duhen yó, gotu niten lu hewà gu bè Idyip yó kem tau deng kun nélék. Ya tey kligal le, lel tey hensag le ne tey kesngal le.

Kehewà 12:40

Yó kegen le menwu bè Idyip yó kem tau Israél, botong fat latu tlu folò halayen.

Danyél 8:23

Ke deng moni yóm hol són yóm kul kyón yó kem tau hol geta yó ne ke deng gulé yó kem salà gel nmò le, wen sotu tau hol geta alì lóbô bud sut, yóm tau hol geta alì hulung smukat, du bud tles myón.

Dwata 9:4

Ke deng gotu lo Dwata lu bélê ye yó kem tau yó, hol bê ye abay tô hendem ke yó gónó Dwata mit kuy ebè yóm tonok yó nan e hfun kuy lemwót bè yóm tey ktedeng nmò ye. Là kô yó du. Kaem yó gónó Dwata mlo kul yó kem tau yó abay se hono kem tau mò sidek.

Dwata 9:5

Là kô yó du gónó Dwata hemlus du kuy nim tonok ni ke mlan bè kehyu kmò ye ne bè kmò ye yóm tedeng. Yó dé gónón mlo kul lemwót bè yóm tendo kmò le sidek ne lemwót bè yóm tehe fasaden yó kem tehe fù ye le Abraham ne Isak ne Jakub.

1 Tisalunika 2:16

Bud lu se hemseng kum bè yóm gel ktolok me bè yó kem dumu tau là Ju le yóm lan le gewà gu lem hatay. Bè nim nmò le ni gónón deng tmakas Dwata. Ne ni, deng nô ta le ne yóm ktafaken kul.