Tekang Kbuten 15:13 - Udél Dwata: Gna Kesfasad ne Lomi Kesfasad

¹³ Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Tekang Kbuten 15:13 Iomraidhean Croise

Tekang Kbuten 15:16

Okóm yó kem sfuhem yó, yó he kulék le edini bè yóm benwu ni ke deng fat bud lugod le bè yó, abay se là tagad hdóhu kul he yó kem tau Amurayt menwu bè yóm benwu ni. Yó he kehdóhu kul ke sok deng gulé yóm sidek nmò le, ne là gbeku du ke là tnafaku kul.”

Tekang Kbuten 17:8

Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Tekang Kbuten 47:4

Hlun me mógów edini abay se tey bitil bong bè yóm kum benwu bè Kanan. Laen dù gónó me hótób yó kem ógóf me. Ke yó yóm hyu béléem, suem mi bè Gusén.”

Kem Lingón 105:42

Abay se là kô klifóten du yóm deng fasad mget tehe nmoen bè Abraham yóm kun tau tóbóng lówó.

Kehewà 1:11

Tahu se, yó nmò yó kem tau Idyip, wen tau snigang le mò fen gel dmanda mdók kul yó kem tau Israél, ne tey sidek keblaten yóm gel hmò le kul, anì laen dù bud gónóhen e mefet nawa le. Hefdà le kul yóm syudad Pitum ne syudad Ramisis mò gónóhen gel semtifun ken yó kem tau Faro bè Idyip.

Kehewà 1:13

Ya tey kehlayam le kul mlan bè alì kdanda kdók le kul. Hefdà le lu yó kem gónô lembang ne hmò le lu nmò bè yó kem dnadu. Balù udì ke wen kodu le kul.

Kehewà 2:24

Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub.

Kehewà 3:10

Duhen ni, hógówu u ebè Faro bè Idyip anì nitem lu hewà gu bè yóm kun benwu yó kem dou tau.”

Kehewà 3:17

Deng eles natulu ne yóm kwitu kul hewà gu bè Idyip, yóm benwu alì gónó le glayam. Nitu lu ebè yóm tonok alì hyu mò du hulu, yóm benwu yó kem tau Kanan ne kem tau Hitayt ne yó kem tau Amurayt ne yó kem tau Pirisayt ne yó kem tau Hibayt ne yó kem tau Jibusayt.

Kehewà 3:8

Ne ni, denge mnaul elaan anì naw e lenwà lu lem tdok yó kem tau Idyip, nitu lu hewà gu bè yó. Nitu lu ebè yóm tonok hyu ne lamang, yóm tonok alì hyu mò du hulu ne angat tey wen tbasen. Ni kmoen ni, hanà le tolo menwu tahen yó kem tau Kanan ne kem tau Hitayt ne yó kem tau Amurayt ne kem tau Pirisayt ne kem tau Hibayt ne yó kem tau Jibusayt.Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Hlolò 19:34

Hol lómón kmò ye kul lómón ke kuy dumu Israél, ne hol kenbong nawa ye lu lómón kbong nawa ye yóm kuy knô. Hol hentulón nawa ye yóm tehe któlóng ye tau bè Idyip se kuy. Ou se yóm sana kuy Dwata hol gónó mogot.

Lista 20:15

Deng tngónem snéen yóm tehe kógów le ebè Idyip yó kem tehe fù me ne tey kegenen yóm knô me ditu. Yó kem tau Idyip, tey khesek le yó kem tehe fù me dalang se mi kem ból le.

Kul Nmò 7:17

Bè yóm deng klonihen bè yóm kdaw kehto yóm tehe fasad Dwata ke Abraham bè yóm kehewaen kul gu bè Idyip,” mon Stéfén, “deng le tey wen ne yó kem tehe fù tekuy yó.

Glasya 3:17

Yó hol lemen yóm monu. Yóm deng tehe fasad Dwata ke Abraham là kô bud nilihen du. Là kô yó du tles Dwata du yóm hlau tehe hsulaten ke Musis bè yóm fat latu bud tlu folò halay kogol yóm kfasaden du yó. Là kô gbeken du yóm hlau snulat Musis ke tô genbaen yóm deng fasad Dwata.

Dwata 10:19

Duhen yó bélê ye se kuy, hol kenbong nawa ye yó kem tólóng tau menwu lem blóng ye, yakà tehe ye tólóng tau menwu bè Idyip se kuy.

Dwata 5:15

Hentulón ye nawa tehe ye ghesek bè Idyip se kuy. Yóm kehewà ye gu bè yóm benwu yó lemwót béléu yóm sana kuy Dwata hol gónó mogot, ne mlan bè yóm tey kegbeku ne kgisu. Yó se gónóhu hol hlolò du kuy yóm hlau bè Kdaw Kehegnô.