Tekang Kbuten 15:1 - Udél Dwata: Gna Kesfasad ne Lomi Kesfasad

¹ Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 15:1 Iomraidhean Croise

Tekang Kbuten 15:2

Okóm yó balà Abram du, monen, “Ó Dwata yóm hol dandónen geta, tedu se tô muhu du yóm ofol blayem dou yó ke laen dù ngau? Tek són angat gemfun du yó kem kendengenu, són Ilisér yóm tau lemwót bè Damaskus.

Tekang Kbuten 15:4

Bud gungol Abram yóm udél Dwata ebéléen, monen, “Yóm tau tóbóng lówóhem yó, là kô angat gfunen du kun yó kem kendengenem. Hol kóm ngà logi yóm angat mfun du.”

Tekang Kbuten 21:17

Ne bud mkik se kun yóm ngaen ne gungol Dwata. Ne wen hógów Dwata mudél ebè Hagar gu bè longit, monen, “Ó Hagar, moen de ke sbeweg kehedemem? Béi hlikò. Deng gungol Dwata yóm kkik ngaem.

Tekang Kbuten 22:1

Kogolen bè yó, tnilów Dwata Abraham ke tahu yóm kimónen du, tnabahen, monen, “Ó Abraham.” Mon Abraham se, “Hó. Ni ou.”

Tekang Kbuten 22:20

Kogolen bè yó, gungol Abraham deng wolu ne kem ngà Milka logi, yóm yehen yóm dumun sulil-lem boluyen Nahor.

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Tekang Kbuten 31:7

Ewenem yó, mom snukaten ou ne botong sfolò duléken tendo temles yóm kmò ksukéyen dou. Okóm là hlus Dwata du béléen ke hensideken ou.

2 Samwél 22:3

Dwata se do gónó heklung, gónóhu e mlo. Du se dou klung, kun kgis hewà do ne hbegel do. Dwata se gónóhu hofin, gónóhu gewà. Deng hewaen ou lem tdok yó kem tau mò sidek.

2 Bok Kem Tau Hol Geta 1:15

Ominen wen hógów Dwata gu bè longit mudél ebè Ilaydya, monen mò du, “Yó ne, mungi du, béi abay hlikò.” Tahu se, mung du Ilaydya mógów ebè yóm tau hol geta.

1 Tutul Israél 28:20

Yó bud udél Dabid ebè yóm ngaen Selumun, monen, “Hol hotuhem gelem, ne hfólem nawam, hol nmoem yóm hmò Dwata kóm. Béi abay hlikò, ne béi se abay htakas balù yóm tey kbong yóm hmò Dwata kóm. Abay se yóm Dwata yóm sana Dwata hol dou gónó mogot, tendo nô béléem. Là kô bayaen kóm, ne là se kô tnagaken kóm efet gotu gdengem yóm kdê wen muhen bè yóm ktaba ye ebè Dwata lem yóm Gónô Dwata hefdaem.

Kem Lingón 115:10

Yu kem gel demsù ebè Dwata sfu Aron, hol ye smalig bè Dwata se kuy. Gbeken tmóbóng kuy, ne gbeken mofin kuy.

Kem Lingón 119:114

Uu se yóm dou gónó e hles ne dou gónó heklung. Són udélem yóm tendo gónón mefet nawahu.

Kem Lingón 142:5

Ominu htóbóng béléem, Dwata. Monu mò kóm, “Tek són uu mò gónóhu heklung. Sónen uu yóm hol bong muhen bè klowilu.

Kem Lingón 18:2

Dwata se dou botu gónó heklung, gónóhu hofin, ne du se lemwà dou. Dwata se yóm dou botu gónó e mlo. Du se gónów heklung, kun kgis hewà dou, ne du se dou gónó hofin hol mbegel.

Kem Lingón 27:1

Dwata se henged layagu, ne du se lemwà dou. Yó gónóm mon, laen dù bang knikou. Tendo kenlungen ou bè yó kem gfà, yó gónóhu là bud likò.

Kem Lingón 3:3

Okóm, Dwata, uu se kemlung hmilol dou, uu se hegmò dou, bud uu se tendo hfól nawahu.

Kem Lingón 3:4

Denge hkodu bè Dwata, ne kendel bnalaen ou lemwót ditu bè yóm bulul gónóhen gel nô.

Kem Lingón 5:12

Yakà tey któbóngem kul, Dwata, yó kem tau tedeng kmò le. Yóm kbong nawahem kul yó se mò kemlung kul.

Kem Lingón 58:11

Yó angat mon yó kem tau, “Tahu se, wen ofol blay Dwata kul yó kem tau tedeng kmò le. Bè ktahuhen, Dwata se fen mit du yóm kukum tedeng bè yó kem tau talak tonok.”

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Kem Lingón 84:9

Hol knudungem, Dwata, yóm tau hol geta bélê me, yóm geta deng kóm nélék.

Kem Lingón 91:4

Yó kmoen kóm, lómón ke onuk, lenambungen uu laan hafaken, ne laen kô dù hemenem. Yóm là konol nawahen ebéléem, yó se mò ofinen kóm ne mò klungen kóm.

Kehewà 14:13

Bnalà Musis se, monen, “Bê ye abay hlikò. Hgel ye nawa ye dé. Tódô ton ye kemdaw ni yóm lan Dwata lemwà kuy. Yó kem tau Idyip kemtes tekuy yóó là kô bud ton ye kul ne.

Kem Udél Hlalak Tehe Selumun 11:18

Là kóen tahà kmuhen du yóm gutahen yóm tau gel mò sidek, okóm yóm tau gel mò yóm tedeng, gutahen yóm ofol laen tul sónen.

Kem Udél Hlalak Tehe Selumun 30:5

Ket yóm fasad Dwata sal gel tahu ne du gel kemlung yó kem tau mlo ebéléen.

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Isaya 40:10

Móyónen kól ne yóm Dwata hol dandónen geta gónó tekuy mogot ne ya tey kfasangen bè yóm kogoten. Angat gotu nwiten yó kem tau deng lenwaen.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Isaya 43:1

Yu kem tau Israél, ni udél yóm Dwata tehe mò kuy, monen, “Hol bê ye abay hlikò, angat lenwau yu. Deng tnabahu boluy ye, yu se yóm dou tau nfun.

Isaya 43:5

Hol bê ye abay hlikò, tendohe nô bélê ye. Angat bud huléku yó kem kuy dumu deng sekla ebè yóm hol kuy benwu. Bè yóm angat kulék le yó, wen se bélê le lemwót bè doli benwu ditu fi dmata kdaw ne doli benwu ditu fi desdef.

Isaya 44:2

Ou se yóm Dwata tehe mifil kuy. Tódô lemwót bè ksut ye yóm tendo któbóngu kuy. Hol bê ye abay hlikò, yakà yu du yóm tóbóng lówóhu. Yu se kem tau deng tehe néléku, kem tau kenbong nawahu.

Isaya 44:8

Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

Jirimaya 39:17

Okóm kóm du Ibid-mélék, fen hewau uu bè yó kem tau alì knikoem.

Lanu Jirimaya 3:24

Yó mon nawahu, “Tek són Dwata se yóm là lanahen béléu. Yó gónóm mon, du se nefet nawahu.”

Isikél 1:1

Bè yóm deng tlu folò ne halayu wen hton Dwata do. Htonen do bè yóm glimuhen kdaw bè yóm gfaten bulón bè yóm halay yó bè yóm knóu lem blóng yó kem dumuhu negef lemwót bè Juda nô bè kilil Él Kibar bè Babilun. Bè yóm kdaw yó tódô tonu hnas longit ne hton Dwata do yóm kun kmò.

Isikél 3:4

Ominen bud mon du mò do, “Yó ne, Tau Tonok, mógówi ebè yó kem tau Israél nam e tulón kul yóm udélu ebélê le.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Lista 24:4

ne mdengen klinguhen mungol du yóm udél Dwata. Bè yóm igou teneng temngel tódô wen hton Dwata do, yóm Dwata alì gembek. Tódóe mugod bè yóm igou tolo temngel.

Matyu 28:5

Ne mudél yóm hógów Dwata ebè yó kem libun, monen, “Bê ye abay hlikò. Tngónu hnebel ye Jisas, yóm lomi tnutuk le bè kros.

Matyu 8:26

Bnalà Jisas se lu, monen, “Mò ye kat alì likò ni du? Tey udì yóm kehtahu ye.” Ominen yó tódô hboluk btik, ne mudél ebè yóm lenos ne yóm tey lewók, monen, “Botongen ne.” Ne tahu se, tódô sen-gengen se menek gu talak lanaw.

Kun Snulat Luk 1:13

Okóm yó mon yóm hógów Dwata mò du, “Béi hlikò, Sekariya. Deng gefet bè Dwata yóm gel knihem béléen. Angat mngà logi yóm tuha libunem. Yó angat boluyem du Jan.

Kun Snulat Luk 1:30

Ne bud mudél ebéléen yóm hógów Dwata, monen, “Béi mom tô hlikò, Midi, abay se tey kehyu nawahen ebéléem Dwata.

Kun Snulat Luk 12:32

“Yu kem tau lemolò do,” mon Jisas, “balù yóm là kwen ye, bê ye abay hlikò. Abay se yóm Mà tekuy bè longit yó, tey kehyu nawahen bè yóm khomongen kuy bè yó kem tau nogoten.

Kul Nmò 10:22

Mon le se, “Hógów Kfitan Kurnilyus mi edini. Tey hyu kmoen yóm kfitan tu, tau hemtahu bè Dwata, ne tey kadat le du kdê yó kem Ju. Deng wen hógów Dwata gu bè longit sut béléen, hfangayen uu ne anì gungolen yóm tulón gel nwitem.”

Dwata 18:2

Yó kem sfu Libay laen dù tonok le kul, là lómón du yó kem dumu le Israél. Yó kul ólól yó kem sfu Libay, duhen yóm keseblóng le tau ebè Dwata lómón yóm deng fasad Dwata kul.

Dwata 31:6

Hol ye eles htigel ne hol hfól ye nawa ye. Bê ye abay hlikò bélê le. Kaem yóm sana kuy Dwata hol gónó mogot tendo nô bélê ye. Là kô tnagaken kuy ne là se bayaen kuy.”

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

Deng Hegfan 1:17

Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.

Rut 2:12

Dwata he hol bemlay kóm ofol bè nim deng nmoem ni. Yó hem Dwata yó kem tau Israél, yóm Dwata gónóm deng hofin, hol bemlay kóm yóm ofol là deng sulék tonem du.”

1 Samwél 15:10

Ominen wen udél Dwata ebè Samwél, monen,

1 Samwél 9:9

(Bè yóm kdaw yó bè kem tau Israél, ke wen tô snólóken bè Dwata yóm sotu tau, yó gel monen, “Lemwót tekuy, mógów tekuy ebè yóm tau gel wen hton Dwata du.” Yó se tehe gel taba le yóm tau tugod Dwata.)