Tekang Kbuten 14:7 - Udél Dwata: Gna Kesfasad ne Lomi Kesfasad

⁷ Omin le bud semfulék ebè Kadis, yóm benwu bnoluy le Inmispat. Gotu gwa le klamang tonok yó kem tau Amalikayt, ne deng le bud matù bè yó kem tau Amurayt nô bè Hasasun Tamar.

Tekang Kbuten 14:7 Iomraidhean Croise

Tekang Kbuten 16:14

Yó gónóm mon, yó boluy kem tau du yóm kokol yó, “Kokol yóm Dwata mowil, yóm mton dou.” Yóm kokol yó, nô bè blóng benwu Kadis ne benwu Béréd.

Tekang Kbuten 20:1

Kewót Abraham bè yó, subô ebè Négéb, ne nahen hlun nô bè yó bè yóm benwu boluyen Girar, yóm benwu nô bè blóng benwu Kadis ne yóm benwu Sur.

Tekang Kbuten 36:12

Bud wen ngà Ilifas logi bè yóm libun nmuhen boluyen Timna, duhen Amélék. Ni kem ngà ni, hono kun ból Ada yehen Iso.

Tekang Kbuten 36:16

ne tbong Kura ne tbong Gatam ne tbong Amélék. Yó kem tbong nô bè benwu Idom yó, hono le semfu gu bè Ilifas yóm ngà Iso logi bè Ada.

2 Tutul Israél 20:2

Wen kem tau mit tulón ebè Jihusafat, tulón le du, mon le, “Tey sendalù wen lemwót bè Idom mundug kóm hesut le gu sentu Mohin Héét. Deng le kól bè Hasason-tamar ne.” (Yó se sotu boluy le yóm benwu In-gidi)

Isikél 47:10

Yó kem tau gel hmuket, angat le gotu sedà hilol kilil yóm Mohin Héét ni. Lemwót bè In-gidi tau mdà efet kól etu fi bwak bè yóm benwu In-iglaim, tódô sotu kun mbot byalahen. Angat tódô hnok byala mngal bè kdaw hilol kilil yóm mohin yó. Tódô ket kay utón angat nô lemen, lómón yóm alì kwen utón lem Mohin Miditiranyan.

Lista 13:26

ebè le Musis ne Aron ne ebè yóm kdéen tau Israél tolo kmamfù bè Kadis glem lem Paran, yóm benwu laen hol wen tauhen. Gotu tulón le yóm kdê deng ton le ne gotu tolok le se yó kem bungu koyu nwit le mulék.

Lista 14:43

Kesok ye sgida bè yó kem tau Amalikayt ne bè yó kem tau Kanan, matay ye bélê le. Là kóen na a mung kuy Dwata abay se là móyô ye lemolò du.”

Lista 14:45

Lemwót yó kem tau Amalikayt ne yó kem tau Kanan menwu lem bulul, gotu nuluk le yó kem tau Israél ne là kô le gemmò bélê le yó kem tau Israél. Ngang le kemtes kul yó kem hohon le efet le kól bè Hurma. Là gomongen bè nili yóm tsaptér 15. Yó tulónen yóm hlolò Dwata yó kem tau Israél bè yóm kmò kedsù le ebéléen.

Lista 20:1

Bè yóm tanay bulón, lemwót yó kem tau Israél gefet le bè yóm sotu benwu laen hol wen tauhen boluyen Dsin ne kmamfù le bè yó bè yóm sotu benwu lemen boluyen Kadis. Bè yóm benwu yó gónó Miryam matay ne bè yó snéen gónó le lembeng du.

Lista 24:20

Bud hton Dwata bè Balaam snéen yó kem tau Amalikayt ne tulón Balaam yóm htugod Dwata du, monen, “Hol lemyu senta yó kem dumu but tau yó kem tau Amalikayt. Okóm yó hol són le, gotu le meglà.”