Tekang Kbuten 14:3 - Udél Dwata: Gna Kesfasad ne Lomi Kesfasad

³ Nim limu kem tau hol geta ni, deng ssotu atul le sofin, ne gotu sentifun le lu bè datal Sidim yó kem sendalù le. Yó boluy le du ni kmoen ni yóm datal yó, Mohin Héét.

Tekang Kbuten 14:3 Iomraidhean Croise

Tekang Kbuten 14:10

Yóm Datal Sidim, tey wen kem sol nelemen, hono hitok alì miket yóm lemen, yóm hitok boluyen aspaltu. Bè yóm kesgida le, là gemmò le yó kem tau hol geta lemwót bè Sodom ne Gomora, gotu le mlóy yó kem sendalù le. Wen se bélê le btang elem yó kem sol yó koni ne fen le mlóy etu lem bulul yó kem dumu.

Tekang Kbuten 14:4

Yó gónó le mò gida, abay se deng sfolò lewu halayen ne yóm knô le lem tdok yóm tau hol geta boluyen Sidurlamér. Okóm bè yóm gesfoloen tlu halay, deng mom natù le.

Tekang Kbuten 14:8

Duhen yó, bè yóm kungol le du yóm yó, yóm limu kem tau hol geta lemwót bè Sodom ne Gomora ne bè Adma ne Sibuyim ne Bila, yó nmò le gotu sentifun le yó kem sendalù le bè Datal Sidim anì bè yó gónó le semlong

Tekang Kbuten 19:24

Omin Dwata yó hkulón du ofi nbol kbuda eta Sodom ne Gomora.

Kem Lingón 107:34

Ne yóm tonok hyu mò hulu tahen, deng henbalingen tonok laen dù bud hulu tmowok du. Yó gónón mò du yóm yó, lemwót bè yóm sidek nmò yó kem tau nô tahen.

Juswa 3:16

tódô teflok se lel yóm él yó ne tódô segbusung eta ditu fi leged yóm syudad boluyen Adam yóm syudad klohok Saritan. Bong yó dum lelen e mool ebè Mohin Héét, gotu kti ne gbek le mifal moni bè Jiriku yó kem tau Israél.