Tekang Kbuten 14:20 - Udél Dwata: Gna Kesfasad ne Lomi Kesfasad

²⁰ Hol megdóyón he yóm Dwata hol geta bè kdéen, yóm deng hatù kóm bè yó kem hohonem.” Omin Abram bemlay du ke Mélkésédék yóm gesfolò yó kem kimu deng bud niten mulék, yóm deng negef yóm fat kem tau hol geta.

Tekang Kbuten 14:20 Iomraidhean Croise

Tekang Kbuten 14:21

Yó monen mò ke Abram yóm tau hol geta bè Sodom semlong du yó koni, “Kóm du ne yó kem kimu deng bud nitem mulék yó, okóm hol hulékem dou yó du kem dou tau.”

Tekang Kbuten 24:27

yó monen, “Tey kdóyónu kóm, Dwata yóm gónó mogot yóm gónóhu mogot Abraham. Deng dnohoem yóm fasadem bè yóm gónóhu mogot. Tódô hekteng nalakem ou ebè yóm hol kun kwen yóm gónóhu mogot.”

Tekang Kbuten 28:22

Nim botu deng hdau eta ni mò gel heftulón du bè nawahu yóm deng kehegfanem béléu bè yóm benwu ni. Ne bè ni se angat gónóhu bud tmaba ebéléem. Ne kdê yó kem blayem dou, bud blayu kóm yóm gesfoloen.”

Tekang Kbuten 47:24

Ke sok bang ye muta, nbad ye Faro bad limu. Yóm dù tebel bélê ye mò bnék ye ne mò ken ye dalang se yó kem fes lówó ye.”

Tekang Kbuten 47:26

Duhen yó, wen udin nmò Jusif bè klamangen Idyip, duhen yóm keblay le du bè Faro yóm glimu yóm gel nuta le. Nim udin nmoen ni, là kóen lana efet nim kmoen ni. Són tonok là gfun Faro du, són yóm kul tonok yó kem tau gel demsù ebè yóm kul dwata kéng bè yó bè Idyip.

Tekang Kbuten 9:26

Hol dóyón kuy Dwata, yóm gónón mogot Sém. Kanan se angat heseken.

2 Samwél 18:28

Omin Ahimaas tmaba ebè yóm tau hol geta igoen mlóy, monen, “Deng menek ne yóm kdéen.” Ominen hegdufok ebè tonok bè solu yóm tau hol geta, monen, “Hol dóyón tekuy yóm kóm Dwata hol gónó mogot. Deng hegmoen uu bè yó kem hohonem matù kóm.”

2 Tutul Israél 31:12

Yóm kdê yó kem basa le ke Dwata ne yó kem bad le du, gotu nwit le ebè yó bè Gónô Dwata. Yóm sfu Libay boluyen Kunanaya fen geta mogot du, smugung béléen yóm twolihen Simi.

Kem Lingón 144:1

Tey kdóyónu ke Dwata, lómón ke du yóm botu bong gónów gel heklung. Toloken o mit sgida, ne wen kenhulung mit sfatay blayen do.

Kem Lingón 44:3

Ke mlan bè sudeng yó kem fù me, là kô guta le du yóm tonok yó. Yóm kegmò le, là lemwóten bè kekgis le, okóm mlan bè yóm tey kegbekem. Yó gónó le gemmò, hol lemwót bè yóm kbong nawahem kul ne bè yóm kehyu nawahem ebélê le.

Kem Lingón 68:19

Hol dóyón tekuy Dwata. Hol dóyón tekuy yóm Dwata deng lemwà tekuy. Tódô ket kdawen tmóbóng tekuy bè yó kem blat nô ta tekuy.

Kehewà 18:10

botong monen, “Hol dóyón tekuy yóm Dwata deng lemwà kóm lem tdok Faro ne yó kem tauhen. Hol dóyón tekuy yóm Dwata deng lemwà yó kem tauhen bè yóm gónó le ghesek.

Amus 4:4

Yó ne, henlel ye mógów ebè Bétél anì bud ye mò salà. Ne bud ye mógów ebè Gilgal anì bud temnù yóm kegsalà ye béléu. Ket hlafus ye demsù ditu ne ket blóngen tlu kdaw nwit ye yóm gesfoloen gel bad ye.

Malakay 3:10

Hensulék nwit ye ebè dou Gónô dé yóm gesfoloen gel bad ye dou anì tendo wen ken lem yóm dou Gónô. Hol na ye tilów ou dé,” mon yóm Dwata laen dù là gbeken du, “ngem kà tódô hennasu du yó kem tembó beng bè longit ne tódô ludusu ebélê ye yó kem tóbóng, botong laen kô dù bud gónó ye hemsù du.

Malakay 3:8

Bnalà Dwata, monen, “Hyu kô ke wen gel hennagaw le bè Dwata yó kem tau? Là kóen hyu. Bede ewenem sana gel knagaw ye béléu.” Okóm yó bud mon ye, “Tedu de kmò knagaw me béléem du?” Bud bnalà Dwata, monen, “Là kóen sikof yóm gel bad ye dou ne yó kem dumu gel blay ye do.

Kun Snulat Luk 18:12

Béléu dou,’ monen, ‘sal gel lewu kdawu bè yóm sotu fedyan gel fasting. Ne là kô sen-gafasu du yóm gesfoloen gel ólólu kóm bè yó kem gel gutahu.’

Sulat Pol Ebè Yó Kem Tau Hemtahu Bè Rom 15:16

Yó hmoen do, henbalingen ou tau mò hógów Jisas Krays ebè kem tau là Ju le. Bè yóm kwitu du ebélê le yóm Tulón Hyu lemwót gu bè Dwata, lómón ke ou yóm tau gel demsù ebè Dwata. Yó henged dsù blayu du, duhen yó kem tau là Ju le deng hemtahu bè Jisas. Ne henmóyô Dwata snéen yóm dsuu yó, abay se deng nfunen lu yóm Tulus Dwata.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Dwata 12:17

Okóm yó kem ógóf gel dsù ye ebè Dwata, hol bê ye abay ken bè yó kem benwu gónó ye nô. Balù yóm bad ye ke Dwata bè yó kem halay ye ne bè yóm tifas grép gel ninum ye kkólen bè hnolo ulib ye, hol bê ye abay ken bè yó kem benwu gónó ye nô. Ne balù yóm tanay ngà yó kem safì ye ne tanay ngà yó kem ubiha ye, hol bê ye abay ken bè yó. Ne yó kem dumu basa deng fasad ye ke Dwata ne yó kem basa tódô kuy nawa du ne kihu yó kem dumu gel basa ye du, hol bê ye abay ken bè yóm kuy benwu.