Tekang Kbuten 14:19 - Udél Dwata: Gna Kesfasad ne Lomi Kesfasad

¹⁹ Bè yóm keston le, ominen mni ke Abram bè Dwata, monen, “Yó hem Dwata hol geta bè kdéen, yóm Dwata tehe mò longit ne tonok, tendo tmóbóng kóm, Abram.

Tekang Kbuten 14:19 Iomraidhean Croise

Tekang Kbuten 14:22

Bnalà Abram se, monen, “Smafae ebè yóm Dwata hol geta bè kdéen, yóm Dwata tehe mò longit ne tonok,

Tekang Kbuten 24:3

Móyóe ke smafai mlan bè boluy yóm dou gónó mogot, yóm Dwata mò longit ne tonok. Hol safaem dou yóm là kebelem mò yehen yóm ngau bè ni kem libun Kanan.

Tekang Kbuten 27:4

Tnógóhem dou yóm utón alì mnóm béléu, ominem mit du edini béléu. Ke deng deng kkenu du, wen oluhu kóm gu laanu là deng matay.”

Tekang Kbuten 47:10

Omin Jakub mbal lemwót, bud monen mò ke Faro, “Dwata he hol tmóbóng kóm.”

Tekang Kbuten 47:7

Omin Jusif hdilô ke maen bè Faro. Yóm kdà Jakub bè yó, yó monen mò ke Faro, “Dwata he hol tmóbóng kóm.”

Tekang Kbuten 49:28

Ni se yó kem tau gónó le gu semfu yó kem sfolò lewu but tau bè Israél. Ni se yóm hol són udél tebel mà le bélê le yóm ket kul ne sotu bè yóm koluhen kul.

2 Samwél 2:5

yó gónón mdók tau ebélê le, wen udél hwiten kul, monen, “Dwata he hol muyag kuy lemwót bè yóm kehegfan ye yóm là konol nawa ye bè Sol, yóm tau hol geta bélê ye, botong lebeng ye.

1 Tutul Israél 29:11

Uu se, Dwata, yóm hol geta, laen dù là gbekem du. Bud uu se yóm alì knóón, yóm gel gemmò bè kem hmohon kóm. Uu se yóm hol dandónen geta. Yóm kdê nô bè longit ne te tonok hono kóm funen, Dwata. Uu se kmamal yóm klamangen. Bud uu se yóm hol dandónen geta senta yóm kdéen.

2 Tutul Israél 31:8

Tikóng ton Hisikaya ne yó kem genlalen yóm tey luduk bong yó, tey keslamat le bè Dwata ne bè yó kem kun tau Israél.

Kem Lingón 115:15

Dwata he hol tmóbóng kuy. Yóm Dwata tehe mò longit ne tonok.

Kem Lingón 115:16

Yóm longit, ke Dwata funen, okóm yóm tonok, fen blayen bè tau.

Kem Lingón 24:1

Dwata se mfun du yóm klamangen benwu ne yóm kdéen nô lemen. Ne kdéen tau nô tahen, hono kun.

Kem Lingón 50:10

Yakà dou fun le yóm kdéen ógóf lem dlag, ne bud dou fun le yó kem safì mótób ta yó kem lemibu bulul lemnek.

Mika 6:6

Bè yóm bud ktaba tekuy ebè Dwata yóm Dwata bè longit, tedu se tô nwit tekuy ebéléen du mò blay tekuy du bè yó kem sidek deng gel nmò tekuy? Nwit tekuy ebéléen kô yóm ngà safì hanà sfalayen alì hyu bè kdéen mò hkekeb te ebéléen?

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

Mark 10:16

Omin Jisas smiwi yó kem ngà, ket kul na sotu, ne nenoken lu, ne mni bélê le bè Dwata.

Kun Snulat Luk 10:21

Bè yóm keseyón le yó, tey kehefligalen ke Jisas yóm Tulus Dwata, yó monen, “Ó Mà, uu se yóm mogot longit ne tonok. Bong kdóyónu kóm, abay se deng wen hegfanem bè yó kem tau laen dù hennagien, okóm bè yó kem tau wen hennagien, là kô heglilebem du bélê le. Duhen yó se, Mà, yóm deng kóm kóyô kehlan du.”

Kul Nmò 16:17

Bè yóm igò me mógów, tódô mensag huli kum, yó udélen, monen, “Ni se kem tau tóbóng lówó yóm Dwata hol geta bè kdéen. Yó nógów le ni,” monen, “na le e tulón kuy yóm gónó ye gewà gu lem hatay.”

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Ifisus 1:6

Hol dóyón tekuy dé Dwata lemwót bè yóm tey któbóngen tekuy hlanen bè Krays, yóm hol kun Ngà kenbong nawa. Yóm tóbóng yó, là kô benli du.

Dwata 10:14

Ngem yóm longit hol geta ke Dwata funen. Ne bud kun snéen yóm tonok ne yóm kentihen nô tahen.

Rut 3:10

Omin Buas mon du, “Dwata he hol kmudung kóm. Bè nim nmoem ni, hol gónón gfan yóm kbong nawahem ke tuónem ne yó kem tehe fes lówóhen senta yóm tehe nmoem béléen. Là móngóhen béléem ke deng wen dumu logi là dengen tuha hnebelem mò yehenem, kihu ke wen kendengenen duhen ke là. Okóm là kem dog nmoem du.

1 Samwél 15:13

Omin Samwél kemtes ke Sol, ne yó mon Sol mò du, “Dwata he muyag kóm. Deng nmou yó kem hlolò Dwata do.”