Tekang Kbuten 14:18 - Udél Dwata: Gna Kesfasad ne Lomi Kesfasad

¹⁸ Ne bud semlong se kun ke Mélkésédék, yóm tau hol geta bè Salim. Du se bud gel blóng le ebè yóm Dwata hol geta bè kdéen. Wen mambang slongen ke Abram mung du yóm tifas grép gel ninum le.

Tekang Kbuten 14:18 Iomraidhean Croise

2 Samwél 2:5

yó gónón mdók tau ebélê le, wen udél hwiten kul, monen, “Dwata he hol muyag kuy lemwót bè yóm kehegfan ye yóm là konol nawa ye bè Sol, yóm tau hol geta bélê ye, botong lebeng ye.

Kem Lingón 104:15

Wen se mò gónó le ma tifas grép mò ninum le mò hefligal kul. Ne wen se gónó le ma hnolo ulib mò lunol le bè lówó le. Ne wen se mò gónó le ma ken mò hekgis kul.

Kem Lingón 110:4

Deng wen safà Dwata, ne là kô nan e bud hulék du lem baken, monen, “Uu se mò blóng tau ebéléu kól bè laen kô dù tul sónen lómón yóm tehe keseblóng Mélkisédék tau ebéléu.”

Kem Lingón 50:14

Yó hol hnebelu bélê ye ke tahu duhen yóm keslamat ye béléu, ne ke hol dnohò ye yóm deng fasad ye dou yóm Dwata hol dandónen geta.

Kem Lingón 57:2

Hole hkodu ebè yóm Dwata hol Dandónen Geta, yóm Dwata angat hdohò du yóm kun kóyô béléu.

Kem Lingón 7:17

Slamate ebè Dwata lemwót bè yóm tey ktedengen. Sngalu yóm sngal dmóyón ke Dwata yóm Dwata hol Dandónen Geta.

Kem Lingón 76:2

Bè Jirusalim gónóhen nô, nô ta bè bulul Sayun gónóen.

Kem Lingón 76:3

Bè yó gónón gotu temfok du hanak yó kem hohonen, kkólen bè klung le ne kem sudeng le, dalang se yó kem dumu ngom le sfatay, gotu tenfoken bè yó.

Danyél 4:31

Yóm igoen tolo mudél, gungolen se yóm mudél gu bè longit, monen, “Ó Nibukadnisar, wen tulónu kóm. Là bud uu du ne mogot du yóm benwu nogotem.

Mika 6:6

Bè yóm bud ktaba tekuy ebè Dwata yóm Dwata bè longit, tedu se tô nwit tekuy ebéléen du mò blay tekuy du bè yó kem sidek deng gel nmò tekuy? Nwit tekuy ebéléen kô yóm ngà safì hanà sfalayen alì hyu bè kdéen mò hkekeb te ebéléen?

Lista 24:16

ne mdengen klinguhen mungol du yóm mon Dwata ne hulung temnef du yóm hetngónen du yóm Dwata hol dandónen geta bè kdéen. Bè yóm igou tódô teneng temngel wen hton Dwata dou, yóm Dwata alì gembek.

Kul Nmò 16:17

Bè yóm igò me mógów, tódô mensag huli kum, yó udélen, monen, “Ni se kem tau tóbóng lówó yóm Dwata hol geta bè kdéen. Yó nógów le ni,” monen, “na le e tulón kuy yóm gónó ye gewà gu lem hatay.”

Kul Nmò 7:48

Okóm,” mon Stéfén, “là kóen nô lem gónô nmò tau yóm Dwata, yóm hol geta bè kdéen. Wen tehe hsulaten yóm sotu tehe tugoden ekni, monen,

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Hibru 5:10

Yó boluy Dwata du tau mò blóng ebéléen, lómón yóm tehe kun keseblóng tau Mélkésédék.

Hibru 5:6

Sotu tehe bud mon Dwata mò du, yó monen, “Uu se yóm mò blóng tau ebéléu, ne laen kô tul sónen yóm kmoem du, hol lómón yóm tehe keseblóng Mélkésédék yó kem tau ebéléu ekni.”

Hibru 6:20

Deng du se hol tukô gna tekuy, ne du se yóm hol blóng tekuy ebè Dwata, ne laen kô tul sónen yóm keseblóngen tekuy yó, hol lómón yóm tehe keseblóng Mélkésédék yó kem tau gnan ebè Dwata ekni.

Hibru 7:1

Nim Mélkésédék monu ni koni, tehe tau hol geta mogot yóm benwu boluyen Salim, ne lelen du he yóm fen semblóng kem tau ebè Dwata, yóm hol geta bè kdéen. Bè yóm tehe kulék Abraham bè yóm katuen bè yó kem fat tau hol geta hmohon du, bè yóm hanà tolo knóen bè lan, senlong Mélkésédék. Yó nmò Mélkésédék mni béléen bè Dwata ne wen oluhen du.

Rut 3:10

Omin Buas mon du, “Dwata he hol kmudung kóm. Bè nim nmoem ni, hol gónón gfan yóm kbong nawahem ke tuónem ne yó kem tehe fes lówóhen senta yóm tehe nmoem béléen. Là móngóhen béléem ke deng wen dumu logi là dengen tuha hnebelem mò yehenem, kihu ke wen kendengenen duhen ke là. Okóm là kem dog nmoem du.