Tekang Kbuten 14:17 - Udél Dwata: Gna Kesfasad ne Lomi Kesfasad

¹⁷ Bè yóm kulék Abram bè yóm katuen bè le Sidurlamér, yó nmò yóm tau hol geta bè Sodom, senlongen Abram bè Datal Syabi. Yó bud boluy le du yóm datal yó, Datal yóm Tau Geta.

Tekang Kbuten 14:17 Iomraidhean Croise

Tekang Kbuten 14:1

Wen fat kem tau hol geta mogot benwu na a mit sgida bè yóm limu kem tau hol geta. Yó boluy yó kem fat tau hol geta yó, Amrafél yóm tau hol geta mogot yóm benwu Babilun, ne Ariyok yóm tau hol geta mogot benwu Ilasar, ne Sidurlamér yóm tau hol geta mogot benwu Ilam, ne Tidal yóm tau hol geta mogot benwu Guyim. Yó nmò le, na le e gnida yó kem limu dumu tau hol geta. Yó boluy le, Bira yóm tau hol geta mogot benwu Sodom, ne Birsa yóm tau hol geta mogot benwu Gomora, ne Sinab yóm tau hol geta mogot benwu Adma, ne Simébér yóm tau hol geta mogot benwu Sibuyim, ne yóm tau hol geta mogot benwu bè Bila, yóm benwu bud bnoluy le Sur.

Tekang Kbuten 14:10

Yóm Datal Sidim, tey wen kem sol nelemen, hono hitok alì miket yóm lemen, yóm hitok boluyen aspaltu. Bè yóm kesgida le, là gemmò le yó kem tau hol geta lemwót bè Sodom ne Gomora, gotu le mlóy yó kem sendalù le. Wen se bélê le btang elem yó kem sol yó koni ne fen le mlóy etu lem bulul yó kem dumu.

Tekang Kbuten 14:5

Bè yóm gesfoloen fat halay, yó nmò yóm tau hol geta natù le yó, gotu nwiten yóm tlu kem tau hol geta dumun sofin ne yó kem sendalù le na le e gmida. Ne matù le bè yó kem tau Rifaim bè benwu Astirot Karnaim ne bè yó kem tau Susim bè benwu Ham ne bè yó kem tau Imim bè Datal Kiriyatim

2 Samwél 18:18

Bè yóm hanà tolo klowil Absalum, wen kun ilô hdà bè Datal Tau Geta, yó monen, “Laen dù ngau logi mò mit du yóm dou boluy mò hentulón nawa le.” Boluy yóm hehek yó yóm kun boluy. Efet nim kmoen ni, yó taba le du Hehek Absalum.

Kem Udél Hlalak Tehe Selumun 14:20

Yóm tau élél balù kem dumun sebét gotu hmisik du, okóm yóm tau wen kendengenen tey dê ween.

Kem Udél Hlalak Tehe Selumun 19:4

Yóm kbong kendengen yóm tau mit du dê dumun swè, okóm yóm tau élél mom hnayuk yóm dumuhen.

Hibru 7:1

Nim Mélkésédék monu ni koni, tehe tau hol geta mogot yóm benwu boluyen Salim, ne lelen du he yóm fen semblóng kem tau ebè Dwata, yóm hol geta bè kdéen. Bè yóm tehe kulék Abraham bè yóm katuen bè yó kem fat tau hol geta hmohon du, bè yóm hanà tolo knóen bè lan, senlong Mélkésédék. Yó nmò Mélkésédék mni béléen bè Dwata ne wen oluhen du.

1 Samwél 18:6

Bè yóm sotu kulék le gu bè gida yó kem sendalù Israél bè yóm khatay le yó kem Flistin, senlong le Sol bè lan yó kem libun bè ket benwu bè Israél, ya tey kehligal le semngal lel le madal, nuni le yóm tamburin ne yó kem dumu gel nuni le.