Tekang Kbuten 14:14 - Udél Dwata: Gna Kesfasad ne Lomi Kesfasad

¹⁴ Timbow gungol Abram yóm deng kegef le ke Lat, gotu htabahen yó kem kun kwen hulung mit sfatay bè yó bè kamfuen. Yó kwen le, tlu latu bud sfolò wolu. Ne omin le kemtes yóm fat kem tau hol geta megef ke Lat. Ngang le kemtes kul efet le gefet ditu bè benwu Dan.

Tekang Kbuten 14:14 Iomraidhean Croise

Tekang Kbuten 12:16

Lemwót bè Saray gónón alì hyu knawa Faro ebè Abram. Yó gónón bemlay du yó kem tey ubiha ne yó kem kambing ne yó kem safì ne yó kem kudà asnu ne yó kem hesek ne yó kem kamél.

Tekang Kbuten 12:5

Bè yóm kewót Abram yó, nwiten Saray yóm yehenen, ne Lat yóm ngà twoguhen ne kdê yó kem kendengen le, ne kdê yó kem hesek deng nwa le bè Haran. Tódô le lemwót, mógów le etu bè yóm benwu boluyen Kanan. Timbow le kól ditu bè Kanan,

Tekang Kbuten 13:8

Ne yó gónó Abram mon du mò ke Lat, “Ó ngà, là hyuhen bè yó kem tau te ke sfatay le abay se tey mget kesdumu te kut.

Tekang Kbuten 14:12

Bè yóm kdê deng negef le yó, gomong lemen Lat, yóm ngà twoli Abram nô bè Sodom ne kdê yó kem kimuhen.

Tekang Kbuten 14:16

Ne gotu nwa Abram yóm kdê deng negef yóm fat kem tau hol geta yó. Bud niten mulék Lat snéen, yóm ngà twolihen ne kdê yó kem kimuhen. Gotu bud niten lu mulék se yó kem libun ne yó kem dumu tau negef le.

Tekang Kbuten 15:3

Laen kô dù ngà blayem dou. Yó gónóm mon, angat sotu bè yó kem tau tóbóng lówóhu fen gemfun du yó kem dou kendengen.”

Tekang Kbuten 17:23

Bè yóm kdaw yó, tódô henmung nimón Abraham Dwata, tnulien Ismaél yóm ngaen ne kdê yó kem logi nô béléen.

Tekang Kbuten 17:27

gomong yóm kdê hesek Abraham logi, yó kem sut lem gónóen ne yó kem deng benlihen.

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Tekang Kbuten 23:6

“Bè kum kehedem du, là kói olo tau hkawang, uu se yóm hol datù sensadat. Tey hyu nawa me ke tódô lebengem bè yóm gónó lembeng hol knóón bélê me yóm tuha libunem.”

1 Bok Kem Tau Hol Geta 15:20

Tahu se, henmóyô Bin-hadad yóm hni Asa béléen, ne ominen hemwit yó kem tey sendaluen anì na le e nundug yó kem syudad glem lem Israél. Gotu gled le yó kem benwu fi bwak snakuf Israél, duhen yóm benwu Idyon, ne benwu Dan, ne benwu Abél-bit-maaka, ne kdéen benwu tau Kinirayt, ne yóm kdéen benwu snakuf Niftali.

Kem Lingón 68:12

Gotu le mlóy yó kem tau hol geta hohon me, mung kul yó kem sendalù nalak le. Ne yó kem libun bè Israél, gotu sensólól le yó kem kimu deng negef yó kem sendalù le.

Kem Udél Hlalak Tehe Selumun 17:17

Yóm tau swè, són mò le sbong nawa ne hol lómón kestóbóng le ke wen hlayam sut bélê le lómón ke sesotu sut le.

Jirimaya 41:12

gotu nwit le yó kem sendalù nogot le anì ktes le lu. Ton le Ismaél bè busung Gibyun.

Dwata 34:1

Kewót Musis bè yó bè Datal Muab mneged eta yóm Bulul Nibu, hlós etu ta tfusù yóm Bulul Pisga fi dmata kdaw yóm syudad Jiriku. Bè yó gónó Dwata tmolok du béléen yóm klamang benwu Kanan. Toloken du yóm klamang Gilyad efet kól bè tonok Dan, yóm hol fi debwak.

1 Jan 2:18

Ó kem ngà, deng móyónen gesón ne nim benwu ni. Deng eles gungol ye ne yóm ksut yóm hmohon ke Jisas. Balù nim kmoen ni, deng dê ne yóm sut hmohon du. Yó se mò ilô tekuy du yóm móyón kegesón nim benwu ni.

1 Samwél 30:19

Laen dù lana udì duhen bong, ngà logi duhen ngà libun. Yóm kdéen deng negef le gotu bud nwit Dabid mulék.