Tekang Kbuten 14:13 - Udél Dwata: Gna Kesfasad ne Lomi Kesfasad

¹³ Okóm wen sotu tau lemwót bè yó mlóy etu bè Abram ne gotu tulónen du yóm kdéen. Yóm Abram ni tau Hibru, yóm menwu moni bè yó kem koyu lembang nfun Mamri yóm tau Amurayt. Yóm Mamri ni, wen lewu dumuhen setwoli logi boluy le Iskol ne Anér, hono kem kun dumu sofin Abram.

Tekang Kbuten 14:13 Iomraidhean Croise

Tekang Kbuten 13:18

Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Tekang Kbuten 14:24

Laen kô dù nwahu du ke mò dou. Són là huléku du ebéléem, són yóm deng ken yó kem dou tau. Okóm nam hol hélék kul le Anér ne Iskol ne Mamri, yó kem tau dumuhu sofin, yóm mò kul ólól.”

Tekang Kbuten 18:1

Bè yóm knô Abraham bè yóm benwu moni bè yó kem koyu lembang nfun Mamri, bud hegfan béléen Dwata. Bè yóm kehegfanen béléen yó, deng gtungu kdaw ne tolo myón bè bak dólen.

Tekang Kbuten 21:24

Mon Abraham se, “El. Smafae béléem.”

Tekang Kbuten 21:27

Ominen yó, wen kem ubiha ne kem safì blay Abraham ke Abimélék, mò hemblat du yóm deng kesfasad le.

Tekang Kbuten 21:32

Timbow deng yóm kesfasad le bè yó bè Birsiba, omin le Abimélék ne Fikol mulék ebè yóm sana kul benwu bè Flistin.

Tekang Kbuten 39:14

tódô kendel tnabahen yó kem dumu tau gel mò nmò bè yó, monen mò kul, “Hnénég ye dé. Yóm tau Hibru nwit tuha logihu ebè ni, tey kehyaken tekuy. Tódô noloen ou ditu lem dfél, bede laen kô dù gmoen abay se tey klangatu.

Tekang Kbuten 40:15

Bè ktahuhen, tódô hnugus kenfô le ou bè kum benwu yó kem tau Hibru ne balù bè ni bè Idyip, tódô knukub le ou hkawang.”

Tekang Kbuten 41:12

Bè yó lem gónô blanggù, wen logi Hibru lomi lemnok dumu me geblanggù. Du se hesek yóm kfitan bè yó kem tau gel mentey kóm. Tulón me du yóm kna me, gotu tulónen kum se yó kem lanen.

Tekang Kbuten 43:32

Henken le bè sotu lemisa kun ke Jusif ne fen tólóng lemisa gónó le hemken yó kem twoguhen. Yó kem tau Idyip gel mken bè yó, bud tólóng lemisa se kul gónó mken abay se bè kul adat kenhisik le ke slomong le mken bè yó kem tau Hibru.

Job 1:15

tódô le kento sut yó kem tau Sabiyan, gotu nwa le yóm kdê ógófem ne gotu hnatay tnibó le yó kem tau mò nmò béléem. Tek són o là matayen. Tódóe mlóy edini naw e tulón kóm.”

Kehewà 2:11

Timbow deng mtétél knawa Musis, yó nmoen nauyen yó kem kun dumu Hibru bè yó bè Idyip. Ne tonen yóm alì kdanda kehmò le kul yó kem nmò alì blat. Tonen snéen yóm kfes yóm sotu tau Idyip du yóm kun dumu Hibru.

Kehewà 2:6

Ne tahu se. Bè yóm kkólen béléen, tnukéhen yóm kfilù yó, tódô tonen se yóm ngà logi hanà udì nô lemen bede mkik. Tey kkoduhen du. Yó monen, “Ngà logi Hibru nim ni.”

Kehewà 3:18

Angat hnungol le u yó kem tau malak bè yó kem tau Israél. Ne ominem mógów ebè Faro bè Idyip, mung kóm yó kem tau gónó le mogot yó kem tau Israél ne yó udélem ebéléen, monem, ‘Deng hegfan bélê me yóm sana kum Dwata mi kem tau Hibru, yóm sana kum Dwata hol gónó mogot. Ke yó dum hyu béléem, hógówem mi tlu kdaw elem yóm benwu laen hol wen tauhen anì ne me e demsù ebéléen bè yó, yóm sana kum Dwata hol gónó mogot.’ ”

Juna 1:9

Bnalà Juna lu, monen, “Tauhe Hibru se do. Yó do gónó hemtahu bè yóm Dwata nô bè longit. Du se tehe dmimun tonok ne mohin.”

Lista 13:23

Tikóng le kól bè Datal Iskol, senfék le sotu kanguy grép. Tódô sfungu bunguhen nô du ne tey bong, botong le lewu semtihang du. Bud wen se kem dumu bungu koyu boluyen pumigrinit ne fig nwit le mulék.

Lista 21:21

Bud wen kem tau hógów yó kem tau Israél ebè Sihun yóm tau hol geta bè yó kem tau Amurayt. Yó udél hwit le kul, mon le,

2 Kurin 11:22

Ke gel mon yó kem tau heklabak yó, tau le Hibru, bude tau Hibru se dou. Ke mon le tau le Israél, bude tau Israél se dou. Ke mon le semfu le gu bè Abraham, ou snéen fù Abraham.

Flipay 2:5

Yake lómón yóm tehe kun kehedem Krays Jisas yóm kuy kehedem:

1 Samwél 29:3

Yó mon yó kem kmandér bè yó kem sendalù Flistin, “Tedu nmò le bè ni se kul ni kem Hibru nii?” Ne tulón Akis kul, monen, “Du se Dabid, mlóy gu bè Sol bè Israél. Deng mukas sfalayen ne nô béléu ne lenwóten bè yóm ktagaken ke Sol efet ni, laen dù sidek tonu béléen.”

1 Samwél 4:12

Bè yóm kdaw yó, wen sotu tau semfu gu bè Bindyamin mlóy ebè Silu gu bè yóm gida yó, song gefet bè yó deng kimel. Gotu kenséen nesen ne bnulusen kfung ta kuluhen mò gónón hegfan du yóm tey sidek klangagen.