Tekang Kbuten 14:10 - Udél Dwata: Gna Kesfasad ne Lomi Kesfasad

¹⁰ Yóm Datal Sidim, tey wen kem sol nelemen, hono hitok alì miket yóm lemen, yóm hitok boluyen aspaltu. Bè yóm kesgida le, là gemmò le yó kem tau hol geta lemwót bè Sodom ne Gomora, gotu le mlóy yó kem sendalù le. Wen se bélê le btang elem yó kem sol yó koni ne fen le mlóy etu lem bulul yó kem dumu.

Tekang Kbuten 14:10 Iomraidhean Croise

Tekang Kbuten 11:3

Yó sentulón le, mon le, “Lemwót tekuy ne. Na tekuy mò ngom gónô lemwót bè tonok miket, hékéng tekuy bè ofi anì hol mgemel.” Tahu se, wen ngom gónô nmò le, ne wen dket le du anì hol tilob kesedket le.

Tekang Kbuten 14:11

Yó nmò yóm fat kem tau hol geta matù yó koni, hlós le ebè Sodom ne Gomora, gotu nuku le kdéen kendengen bè yó kem benwu yó, gomong yó kem gel ken le, omin le bud lemwót.

Tekang Kbuten 14:17

Bè yóm kulék Abram bè yóm katuen bè le Sidurlamér, yó nmò yóm tau hol geta bè Sodom, senlongen Abram bè Datal Syabi. Yó bud boluy le du yóm datal yó, Datal yóm Tau Geta.

Tekang Kbuten 14:21

Yó monen mò ke Abram yóm tau hol geta bè Sodom semlong du yó koni, “Kóm du ne yó kem kimu deng bud nitem mulék yó, okóm hol hulékem dou yó du kem dou tau.”

Tekang Kbuten 14:3

Nim limu kem tau hol geta ni, deng ssotu atul le sofin, ne gotu sentifun le lu bè datal Sidim yó kem sendalù le. Yó boluy le du ni kmoen ni yóm datal yó, Mohin Héét.

Tekang Kbuten 14:9

yóm fat kem tau hol geta lemwót bè Ilam ne bè Guyim ne bè Babilun ne bè Ilasar. Limu le yó kem tau hol geta lemebet yóm fat kem tau hol geta yó.

Tekang Kbuten 19:17

Ominen wen sotu bè yó kem hógów Dwata mon du mò kul, “Hol ye hetlasik mlóy anì là matay ye. Hol bê ye abay temngel semfulék ne hol bê ye abay tlek hegsud bè yó bè datal. Géhél ye mlóy etu lem bulul anì là matay ye.”

Tekang Kbuten 19:30

Lemwót bè yóm klikò Lat nô bè Sur, yó gónón mneged elem bulul, mung du yóm lewu kem ngaen libun anì na le e nô bè yóm sotu kilib bè yó.

Kem Lingón 83:10

Deng genlaem lu bè benwu Indor, gotu le lagas bè yó mò habù tonok.

Juswa 8:24

Gotu hnatay kem sendalù Israél yó kem hohon le kemtes kul bè yóm benwu laen hol wen tauhen. Omin le bud semfulék ebè Ay ne gotu hnatay le yó kem dù tau tebel bè yó.