Tekang Kbuten 14:1 - Udél Dwata: Gna Kesfasad ne Lomi Kesfasad

^1-2 Wen fat kem tau hol geta mogot benwu na a mit sgida bè yóm limu kem tau hol geta. Yó boluy yó kem fat tau hol geta yó, Amrafél yóm tau hol geta mogot yóm benwu Babilun, ne Ariyok yóm tau hol geta mogot benwu Ilasar, ne Sidurlamér yóm tau hol geta mogot benwu Ilam, ne Tidal yóm tau hol geta mogot benwu Guyim. Yó nmò le, na le e gnida yó kem limu dumu tau hol geta. Yó boluy le, Bira yóm tau hol geta mogot benwu Sodom, ne Birsa yóm tau hol geta mogot benwu Gomora, ne Sinab yóm tau hol geta mogot benwu Adma, ne Simébér yóm tau hol geta mogot benwu Sibuyim, ne yóm tau hol geta mogot benwu bè Bila, yóm benwu bud bnoluy le Sur.

Tekang Kbuten 14:1 Iomraidhean Croise

Tekang Kbuten 11:2

Tódô le menwu mógów lan le fi dmata kdaw efet le gefet bè yóm tey datal lamang bè Babilun, ne bè yó gónó le menwu.

Tekang Kbuten 14:9

yóm fat kem tau hol geta lemwót bè Ilam ne bè Guyim ne bè Babilun ne bè Ilasar. Limu le yó kem tau hol geta lemebet yóm fat kem tau hol geta yó.

Isaya 37:12

Ngem yó kem tehe fuu, lu se tehe gembà yó kem syudad boluy le Gusan ne Haran ne Réséf. Ne bud lu se tehe hmatay yó kem tau Bét-édén, kem tau nô bè Til-asar ne là kô na a gbek yó kem dwata le lemwà kul.

Danyél 1:2

Yó nmò Dwata, blayen Jihuyakim elem hólól Nibukadnisar. Yóm kulék Nibukadnisar ebè Babilun wen nwiten bè yó kem kimu mebtes nô lem Gónô Dwata, kem kimu deng hetfing le ebè Dwata ne suen lem gónô yóm kun dwata hentahu bè Babilun, bè yóm gónó le gel hemyu yó kem alì mebtes.

Danyél 8:2

Bè yóm ktonu du, ditu kun gónóhu nô bè Susa yóm hol yéen syudad bong bè prubinsya Ilam, bede mdae bè tubé Él Ulay.

Sikaraya 5:11

Bnalaen ou, monen, “Nwit le ebè Babilun na le e hemdà béléen gónô ditu. Ke deng kehdà le du yóm gónóen, wen gónó le hemyón du bè yó lemen yóm abì yó ne bè yó hlós gónón nô.”