Tekang Kbuten 13:9 - Udél Dwata: Gna Kesfasad ne Lomi Kesfasad

⁹ Yó hyu ke slayuk te. Méléki mahi du nóyô gónóm menwu. Ke nóyóem fi bè iwóng, dou fi bè kwanan. Ke nóyóem fi bè kwanan, dou fi bè iwóng.”

Tekang Kbuten 13:9 Iomraidhean Croise

Tekang Kbuten 13:10

Tahu se, temngel gu hilol Lat, tonen yóm klamang datal él Jurdan, tey wen él mlel bè yó efet kól bè Sur, skél bè yóm tehe hungul koyu Dwata ne bud skél bè benwu Idyip snéen. (Nim kestulón le Abram ne Lat ni, là deng genlà Dwata du he yó kem syudad Sodom ne Gomora.)

Tekang Kbuten 13:8

Ne yó gónó Abram mon du mò ke Lat, “Ó ngà, là hyuhen bè yó kem tau te ke sfatay le abay se tey mget kesdumu te kut.

Tekang Kbuten 20:15

Yó mon Abimélék mò ke Abraham, “Tenngelem yóm klamang benwu nogotu. Méléki nô kihu nóyô gónóm nô.”

Tekang Kbuten 34:10

Gbek ye menwu lem blóng me, balù kihu benwu nóyô ye. Menwu ye dini, ne gbek ye mò udél swa bélê me snéen, ne gbek ye ma tonok bélê me.”

Kem Lingón 120:7

Ke yó dou udél gbak bè kenek kbenwu, mom yó kul, mit le sgida.

Jirimaya 40:4

Ni kóhu béléem yóm fét kedina bè henmuem anì gliwai. Ke móyói mung do ebè Babilun, mungi ne ou he semgifà kóm ditu. Okóm ke là móyói mung, tódói tebel bè ni. Kihu kóm nóyô gónó e solu bè klamangen nim benwu ni.

Sulat Pol Ebè Yó Kem Tau Hemtahu Bè Rom 12:18

Hol tilów ye són gel ye anì laen dù gónó ye mit sfatay bè kem dumu ye tau.

1 Kurin 6:7

Bè yóm keskukum ye yó, olo ye mom hemyak knô ye. Mom hyu he ke tódô henbala ye ke wen gel lemugi kuy, dalang se ke wen gel mnagaw kimu ye.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.