Tekang Kbuten 13:8 - Udél Dwata: Gna Kesfasad ne Lomi Kesfasad

⁸ Ne yó gónó Abram mon du mò ke Lat, “Ó ngà, là hyuhen bè yó kem tau te ke sfatay le abay se tey mget kesdumu te kut.

Tekang Kbuten 13:8 Iomraidhean Croise

Tekang Kbuten 13:9

Yó hyu ke slayuk te. Méléki mahi du nóyô gónóm menwu. Ke nóyóem fi bè iwóng, dou fi bè kwanan. Ke nóyóem fi bè kwanan, dou fi bè iwóng.”

Tekang Kbuten 14:14

Timbow gungol Abram yóm deng kegef le ke Lat, gotu htabahen yó kem kun kwen hulung mit sfatay bè yó bè kamfuen. Yó kwen le, tlu latu bud sfolò wolu. Ne omin le kemtes yóm fat kem tau hol geta megef ke Lat. Ngang le kemtes kul efet le gefet ditu bè benwu Dan.

Tekang Kbuten 45:24

Omin Jusif yó gotu hewót yó kem dumuhen setwoli ne yó monen mò kul, “Bê ye abay ssel bè lan.”

Tekang Kbuten 46:34

hol tulón ye du, semgyok ógóf yóm kuy sana gel nmò lómón yó kem tehe fù ye ekni anì yó, suen yu bè ni bè Gusén.” Yó gónó Jusif mò du yóm yó abay se yó kem tau Idyip gel kenhisik le yó kem tau semgyok ógóf.

Kem Lingón 133:1

Tey minggel gemnóm du yóm kessotu nawa yó kem tau Dwata.

Kehewà 2:13

Hayahen bè yó, bud nauyen yó kem dumu Hibru ne wen tonen lewu kem tau Hibru sfatay honon lu. Yó monen bè yóm tau wen salaen, “Moen du ke hendesem yóm kóm dumu Hibru?”

Kem Udél Hlalak Tehe Selumun 15:1

Hebóhen kebut tau yóm balà ganag, okóm yóm udél des mom hebuten tau.

Kem Udél Hlalak Tehe Selumun 15:18

Yóm tau sunget són moen mit sbólów bè kem dumu tau, okóm yóm tau là mahilen lembut fen gel senfyuhen yó kem tau sbólów.

Kem Udél Hlalak Tehe Selumun 20:3

Megdóyón yóm tau là miten sbólów, okóm sok fes tau book sal gel mit sgés.

Matyu 5:9

Tey kehyuhen bélê le kul yó kem tau ke hulung le semfyu kem dumu le, abay se angat bnoluy Dwata lu kem kun ngà.

Kul Nmò 7:26

Tikóng deng bud hayahen bè yó, bud wen ton Musis lewu tau sfatay hono tau Israél. Yó nmò Musis kun, fen tô senfyuhen lu, yó monen, ‘Bê ye mom sfatay igoen honon yu.’

Sulat Pol Ebè Yó Kem Tau Hemtahu Bè Rom 12:10

Kdê ye deng hemtahu, hol ye sbong nawa. Hol ye gel sadat.

Flipay 2:14

Ke wen nmò ye, tódô hentedeng ye mò du. Béen abay dê udél ye, ne bê ye abay gel skaf mon,

1 Tisalunika 4:9

Bong bè yó dum kesbong nawa ye bè yó kem dumu ye deng hemtahu, baluen ke là bud snulatu du bélê ye ne, abay se deng tolok Dwata kuy ne yóm kmò kesbong nawa.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

Hibru 13:1

Hol bê ye abay nmò sónen yóm kuy kesbong nawa, yakà deng ye baling setwoli ne lemwót bè kehtahu ye.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

1 Pitér 2:17

Hol nadat ye kdéen tau. Hol kenbong ye nawa yó kem dumu ye deng hemtahu. Hol knikò ye Dwata. Hol nadat ye yóm tau hol geta bélê ye.

1 Pitér 3:8

Duhen ni, hol sensotu ye nawa ye ne hol ye skodu, ne hol ye sbong nawa ne hen-ganag ye nawa ye. Hol heglaan ye knô ye bè kem dumu ye.

1 Pitér 4:8

Yó bong muhen bè kdéen, hol ye sbong nawa. Ke sbong nawa ye botong gbek ye tódô hmifót du yóm dê gemsalà bélê ye.

2 Pitér 1:7

Ne bè yóm kgulit ye yó, hol bud hmung ye du yóm kbong nawa ye kem dumu ye hemtahu. Ne bè yóm kbong nawa ye kem dumu ye hemtahu, hol homong ye yóm kdéen tau.

1 Jan 4:7

Hol tekuy gel sbong nawa, kem weu do dumu sogot nawa, yakà bè Dwata du gónón lemwót yóm kesbong nawa. Yóm tau kenbongen nawa yó kem dumuhen, yó se yóm tau deng baling ngà Dwata, ne deng tngónen Dwata.