Tekang Kbuten 13:7 - Udél Dwata: Gna Kesfasad ne Lomi Kesfasad

⁷ Yó se gónó le gel sfatay yó kem tau mentey ógóf Abram ne yó kem tau mentey ógóf Lat. Bè yóm kdaw yó, tolo le menwu bè yó he yó kem tau Kanan ne yó kem tau Pirisayt.

Tekang Kbuten 13:7 Iomraidhean Croise

Tekang Kbuten 12:6

tódô henlós Abram mógów lem yóm benwu yó efet gefet bè yóm tey koyu bong bè Muri yóm benwu moni bè syudad Sékém. Bè yóm kdaw yó, tolo le nô bè yóm benwu yó kem tau Kanan.

Tekang Kbuten 21:25

Omin Abraham kmamo du bè Abimélék yóm deng kled kem tau semgyok ógóf Abimélék du yóm sotu kokol deng hokolen yó kem tau tóbóng lówóhen.

Tekang Kbuten 26:20

Lemwót yó kem tau gel mentey ógóf bè yó bè Girar nit le segled yó kem tau gel mentey ógóf Isak, mon le, “Kum funen nim kokol ni.” Ne yó boluy Isak du yóm kokol yó, “Sen-gled.”

Tekang Kbuten 34:30

Bè yóm ketngón Jakub du yóm deng nmò le Simyun ne Libay, yó monen mò kul, “Olo ye mit dou sbeweg lem nim benwu ni. Nim nmò ye ni, lómón ke ou yóm nmò ye boo bolok bè yó kem tau bè nim benwu ni bè kem tau Kanan ne bè kem tau Pirisayt. Ke ssotu nawa le mundug tekuy, ngem kà gotu hnatay le tekuy igò tekuy là hol wen.”

Tekang Kbuten 46:34

hol tulón ye du, semgyok ógóf yóm kuy sana gel nmò lómón yó kem tehe fù ye ekni anì yó, suen yu bè ni bè Gusén.” Yó gónó Jusif mò du yóm yó abay se yó kem tau Idyip gel kenhisik le yó kem tau semgyok ógóf.

Kehewà 2:17

Okóm wen kem dumu tau semgyok ubiha kól bè yó, deng mom gotu hdó le lu bè yó yó kem ngà libun yó. Omin Musis mógów ebélê le, nofinen lu ne tnóbóngen lu hinum yó kem ógóf le.

Kem Udél Hlalak Tehe Selumun 20:3

Megdóyón yóm tau là miten sbólów, okóm sok fes tau book sal gel mit sgés.

Mark 3:25

Senged se ke wen sotu gmónô, ke là ssotu nawa le ne ke sónmò le sfatay, kaem angat le meglà.

1 Kurin 3:3

Abay se monem sana tolo klolò ye du yóm kul kmò yó kem tau là hemtahuhen. Yó gónóhu mon du yóm yó, abay se tolo wen bélê ye gel sélés nawa, ne gel skaf mon. Yó se gónón gfan yóm tolo klolò ye du yóm kul kmò yó kem tau là hemtahuhen.

Glasya 5:20

Ne lel le hemtahu bè dwata kéng, ne tey ksalig le bè imò le. Sónmò le sfohon ne sfatay. Gel le sélés nawa ne sefebut, ne tey dê sen-galu nawa le. Tey alì mahil mesgólól kehedem le.

Kulasi 4:5

Hol ye hfulung mò du yóm hyu bè yó kem tau là dengen hemtahu. Eles tnana ye ke wen lan ye mò du.

1 Tisalunika 4:12

Ke ni se nmò ye, nadat le yu yó kem dumu tau là dengen hemtahu he, ne sotuhen, là salig ye du bè kem dumu ye yóm kuy klowil.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Sulat Jim 3:16

Ke wen tau gónó tekuy mton du yóm sélés nawa ne yóm nawa seglom, yó se gónó ye mton du yóm alì sidek kesbewegen, mung du yóm kdéen nmò sidek.

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.