Tekang Kbuten 13:17 - Udél Dwata: Gna Kesfasad ne Lomi Kesfasad

¹⁷ Yó ne, lemwóti, bniwelem klamang nim tonok ni abay se gotu blayu kóm yóm klamangen.”

Tekang Kbuten 13:17 Iomraidhean Croise

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Tekang Kbuten 13:15

Yó se gónón e són matahem blayu kóm ne bè yó kem semfu gu béléem. Laen sónen yóm kfunem du.

Tekang Kbuten 15:7

Ne yó bud mon Dwata mò du, “Ou se yóm Dwata hol gónó mogot. Ou se yóm deng semgalak kóm gu bè Ur, yóm benwu snakuf Babilun, nitu uu ebè nim benwu ni mò hol kóm nfun.”

Tekang Kbuten 17:8

Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

2 Bok Kem Tau Hol Geta 13:23

Okóm yóm Dwata, tey kkoduhen kul yó kem tau Israél, ne yó gónó le là gotu meglà. Knoduhen lu lemwót bè yóm deng kesfasad le Dwata Abraham ne Isak ne Jakub. Efet ni kmoen ni, là kô sulék genlaen kul yó kem tauhen, ne là se kô tebelen kul.