Tekang Kbuten 13:16 - Udél Dwata: Gna Kesfasad ne Lomi Kesfasad

¹⁶ Angat hol hwenu bólem, laen kô dù gembek msó kul yóm kdê le, lómón ke nsóhem kfung te tonok.

Tekang Kbuten 13:16 Iomraidhean Croise

Tekang Kbuten 15:5

Omin Dwata mit du hewà, ne monen mò du, “Temngeli ebè longit dé bè yó kem blotik, tilów nsóhem lu. Yóm alì kwen le yó, hol lómón yó se angat kwen yó kem semfu gu béléem.”

Tekang Kbuten 16:10

Bud mon yóm hógów Dwata, “Angat tey kehwen Dwata bólem, laen kô tau gembek msó kul.

Tekang Kbuten 17:16

Angat tey któbóngu du ne mlan béléen yóm ngà logi blayu kóm. Angat tey któbóngu du ne du yê yó kem tey dê kay but tau talak tonok. Ne wen se bè yó kem bólen baling tau hol geta.”

Tekang Kbuten 17:2

Ni, wen senfasad te yóm lewu te. Yó fasadu kóm, hol hwenu yó kem bólem.”

Tekang Kbuten 17:20

Deng gungolu yóm hnihem gbak ebè Ismaél. Yó gónóm mon, nuyagu ne bud hwenu se kun ngà ne yó kem angat semfu gu béléen. Angat du mà yóm sfolò lewu kem tau mogot benwu ne yó kem semfu gu béléen bud nmou sotu but tau alì mbegel.

Tekang Kbuten 17:6

Angat tey kehbólu kóm ne wen bè yó kem bólem yó baling tau hol geta. Ne tey kbólem efet tey dê kay but tau semfu gu béléem.

Tekang Kbuten 18:18

Blaem yó kem angat lugoden, baling le sotu but tau alì mbegel kbenwu le ne angat mlan béléen gónóhu tmóbóng yóm kdê kay but tau talak tonok.

Tekang Kbuten 21:13

Senged snéen yóm kun ngà yóm libun hesek, angat tey kehbólu du ne yó kem bólen yó angat le baling sotu but tau se kul. Yakà ngaem du se kun.”

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 26:4

Angat hwenu bólem, lómón kwen le blotik bè longit. Angat gotu blayu kul yóm klamang yóm benwu Kanan ni. Ne angat mlan bélê le gónóhu tmóbóng yóm kdéen but tau bè klamangen benwu.

Tekang Kbuten 28:14

Tey angat kehwenu kul yó kem sfuhem yó, lómón kwen le kfung te tonok. Angat tey kehlamang le du yóm kbenwu le, gbek le hlamang du fi e desdef ne fi e dmata kdaw ne fi edebwak ne fi eleged. Hlanu béléem ne bè yó kem sfuhem yóm angat któbóngu yóm kdéen but tau bè klamangen benwu.

Tekang Kbuten 28:3

Yóm Dwata laen dù là gbeken du he hol tmóbóng kóm bè kebelem yehenem ne hol hwenen he bólem, anì yó angati baling mà yóm dê but tau talak tonok.

Tekang Kbuten 32:12

Hol béem klifót yóm deng kfasadem du dou yóm klaen dù hemenu bè yóm bud kuléku ne yóm kehwenem bólu là gbek tau msó kul, lómón kwen le helek bè kilil mohin.”

Tekang Kbuten 32:13

Tódô suloy Jakub buteng nô bè yó. Timbow hlafus, wen néléken bè yó kem ógófen mò slongen ke twoguhen Iso. Yó néléken mò blayen du, 200 kambing libun ne 20 kambing logi, 200 ubiha libun ne 20 ubiha logi ne 30 kamél libun hono malak nati, 40 safì libun ne 10 safì tudu, 20 kudà asnu libun ne 10 kudà asnu logi.

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

1 Bok Kem Tau Hol Geta 3:8

Ni ou, nóe lem blóng yó kem tau deng nélékem, tey kem tau wen, là kô gbekem msó kul.

1 Bok Kem Tau Hol Geta 4:20

Yóm kwen yó kem tau bè Juda ne kem tau bè Israél, hol lómón kwen le yó kem helek bè kilil mohin. Tey gsengel nawa le du yóm klowil le, abay se laen dù gónó le élél bè ken.

2 Bok Kem Tau Hol Geta 13:23

Okóm yóm Dwata, tey kkoduhen kul yó kem tau Israél, ne yó gónó le là gotu meglà. Knoduhen lu lemwót bè yóm deng kesfasad le Dwata Abraham ne Isak ne Jakub. Efet ni kmoen ni, là kô sulék genlaen kul yó kem tauhen, ne là se kô tebelen kul.

1 Tutul Israél 21:5

Gotu tulón Juab ke Dabid yóm kdê tau lista le. Bè klamangen benwu Israél, yó kwen kem logi deng gembek mogot sudeng, botong skati bud lematu libuhen, ne bè Juda, botong fat latu hitu folò libu.

2 Tutul Israél 1:9

Duhen ni, Dwata yóm Dwata hol gónó mogot, hol hdohoem yóm deng fasadem ke Dabid yóm dou mà, yakà deng nmoen ou tau hol geta bè yó kem tey tau wen, hol lómón kwen le kfung talak tonok.

Job 5:25

Yó kem ngaem angat tey kwen le. Ne yó kem semfu gu béléem, lómón angat kwen le lómón yó kem bnes gónó ye gel hótób ógóf.

Kehewà 1:7

Okóm yó kem sfu le, yóm bnoluy le kem tau Israél sónmò le mból. Tey kwen le ne tey le kemgis. Botong tô gotu lengeb le yóm benwu Idyip.

Kehewà 32:13

Hendemem dé yóm tehe fasad mget nmoem bè yó kem tau tehe tóbóng lówóhem ekni le Abraham ne Isak ne Jakub. Yó tehe fasadem kul, laen dù tul sónen yóm keblayem kul ból lómó kwen le blotik bè longit ne yóm angat keblayem du bè yó kem ból le yóm tonok mò hlós nfun le.”

Jirimaya 33:22

Angat hbólu yó kem sfu Dabid yóm tau tóbóng lówóhu, dalang se yó kem sfu Libay mò blóng ebéléu. Yóm kmò kehbólu kul, hol lómó kwen le blotik bè longit ne lómón kwen le helek bè kilil mohin, là kô gbek msó kul.”

Lista 23:10

Yóm kul sfu yó kem tau Israél, hol lómón kwen le kfung. Tey kwen le, botong là gbekem msó kul. Ke hgesónem yóm dou klowil, Dwata, yake heskélem bè kgesón klowil yó kem kóm tau. Uu he hol bemlay do kenek nawa bè yóm katayu lómón yóm katay yó kem tau tedeng nmò le.”

Hibru 11:12

Balù yóm deng ktuha Abraham, lómón ke là bud gbeken du mngà, okóm deng mom du yóm alì mobung bólen. Yó kwen le, lómón blotik bè longit, ne lómón helek bè kilil mohin, là gbekem msó kul.

Deng Hegfan 7:9

Kogolen bè yó, bud nkayu ketngelu, ne tódô tonu se yóm tey genged tau. Ya tey kwen le, laen kô gembek msó kul. Lemwót le gu bè klamangen benwu, bè ket but tau, ne bè ket ból tau, ne bè ket udél tau. Gotu le mdà bè solu yóm gónón myón yóm fen kmamal lewu le yóm Ngà Ubiha. Gotu le mnes bukay, ne sket kul mogot doun koyu.

Kmukum 6:3

Ket kmò le hulu yó kem tau Israél kulel gel kundug le kul yó kem tau Midyan, mung kul yó kem tau Amélék ne yó kem dumu tau gel nô bè yóm benwu laen hol wen tauhen fi dmata kdaw Él Jurdan.

Kmukum 6:5

Bè yóm ksut le, gotu nwit le yó kem ógóf le ne yó kem kamfù le. Ya tey kwen le lómón ksut tlangas. Yó kem kamél gel snakay le, là kô gbekem msó kul. Ngang le nô bè yó efet gotu mekfung hulu yó kem tau Israél.