Tekang Kbuten 13:15 - Udél Dwata: Gna Kesfasad ne Lomi Kesfasad

¹⁵ Yó se gónón e són matahem blayu kóm ne bè yó kem semfu gu béléem. Laen sónen yóm kfunem du.

Tekang Kbuten 13:15 Iomraidhean Croise

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Tekang Kbuten 13:17

Yó ne, lemwóti, bniwelem klamang nim tonok ni abay se gotu blayu kóm yóm klamangen.”

Tekang Kbuten 15:18

Bè yóm igoen mton du yóm yó koni, tódô gungol Abram yóm fasad Dwata du, monen, “Yó fasadu kóm, angat blayu bè yó kem bólem yóm klamang yóm tonok ni, lenwóten ditu bè kilil Idyip efet kól ditu bè Él Yufratis,

Tekang Kbuten 15:7

Ne yó bud mon Dwata mò du, “Ou se yóm Dwata hol gónó mogot. Ou se yóm deng semgalak kóm gu bè Ur, yóm benwu snakuf Babilun, nitu uu ebè nim benwu ni mò hol kóm nfun.”

Tekang Kbuten 18:18

Blaem yó kem angat lugoden, baling le sotu but tau alì mbegel kbenwu le ne angat mlan béléen gónóhu tmóbóng yóm kdê kay but tau talak tonok.

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Tekang Kbuten 28:14

Tey angat kehwenu kul yó kem sfuhem yó, lómón kwen le kfung te tonok. Angat tey kehlamang le du yóm kbenwu le, gbek le hlamang du fi e desdef ne fi e dmata kdaw ne fi edebwak ne fi eleged. Hlanu béléem ne bè yó kem sfuhem yóm angat któbóngu yóm kdéen but tau bè klamangen benwu.

Tekang Kbuten 28:4

Dwata he hol tmóbóng kóm kkólen bè yó kem angat lugodem, lómón yóm tehe któbóngen ke téméem Abraham. Yóm benwu Kanan gónóm lemnok ni, uu he angat gemwa du, yakà tehe blay Dwata du ke téméem Abraham ekni.”

Tekang Kbuten 35:12

Yóm benwu ni, deng tehe hfunu ke téméem Abraham ne maem Isak, ne ni bud hfunu kóm snéen dalang se yó kem angat semfu gu béléem.”

Tekang Kbuten 48:4

Yó udélen ebéléu, monen, ‘Angat hwenu ngaem anì dê but tau semfu gu bélê le. Nim tonok ni, blayu kul ne laen dù tul sónen yóm kfun le du.’ ”

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

1 Tutul Israél 16:18

Yó tehe fasaden kul, monen, “Blayu kuy yóm benwu Kanan mò hol kuy nfun.”

2 Tutul Israél 20:7

Ó Dwata yóm hol kum Dwata, deng tehe gotu lohem lu yó kem tau tehe fun nim tonok ni bè yóm tehe kegdek yó kem kóm tau. Ne deng blayem bè yó kem sfu Abraham yóm weem, nim tonok ni ne laen kô dù tul sónen yóm keblayem du kul.

Kem Lingón 37:22

Yó kem tau tnóbóng Dwata, gotu gfun le yóm tonok tehe fasaden kul. Okóm yó kem tau tnuleden, tódô hdó le lu ta yóm tonok yó.

Kem Lingón 37:29

Yó tles mfun du, yó kem tau tedeng kmò le, ne laen dù sónen yóm knô le tahen.

Kehewà 32:13

Hendemem dé yóm tehe fasad mget nmoem bè yó kem tau tehe tóbóng lówóhem ekni le Abraham ne Isak ne Jakub. Yó tehe fasadem kul, laen dù tul sónen yóm keblayem kul ból lómó kwen le blotik bè longit ne yóm angat keblayem du bè yó kem ból le yóm tonok mò hlós nfun le.”

Kehewà 33:1

Sotu kdaw, yó bud mon Dwata mò ke Musis, “Tnagakem ne nim benwu ni, nwitem yó kem tau deng nitem hewà gu bè Idyip, hlós ye ebè yóm benwu deng tehe fasadu ke Abraham ne Isak ne Jakub ne yó kem lugod le.

Isaya 63:18

Mi se yó kem tau deng hetfingem mò kóm nfun. Okóm deng lo le mi gu bè kum benwu yó kem hohon me. Tek likót me mfun du yóm Gónóem. Okóm ni, deng gotu genbà yó kem hohon me.

Matyu 5:5

Tey kehyuhen bélê le kul yó kem tau ke là hegeta le knô le bè kem dumu le, abay se angat guta le yóm deng fasad Dwata kul.

Kul Nmò 7:5

Okóm yóm benwu gónó Dwata e hili ke Abraham ni,” mon Stéfén, “balù udì ke wen tonok blayen du ke mò hol kun. Okóm deng fasad Dwata du yóm klamangen, dalang se yó kem semfu gu béléen. Okóm yóm kdaw kfasad Dwata du ke Abraham nim ni, laen kô deng ngà Abraham he.

Dwata 34:4

Omin Dwata mon du mò ke Musis, “Ni se yóm tonok tehe fasadu ke Abraham ne Isak ne Jakub mò angat blayu bè yó kem sfu le. Olohu hton du kóm tahen yóm tonok tu okóm là heflósu kóm etu.”

Dwata 9:5

Là kô yó du gónó Dwata hemlus du kuy nim tonok ni ke mlan bè kehyu kmò ye ne bè kmò ye yóm tedeng. Yó dé gónón mlo kul lemwót bè yóm tendo kmò le sidek ne lemwót bè yóm tehe fasaden yó kem tehe fù ye le Abraham ne Isak ne Jakub.