Tekang Kbuten 13:13 - Udél Dwata: Gna Kesfasad ne Lomi Kesfasad

¹³ Yó kem tau bè Sodom yó, hol kem tau gónón smala sidek, kem tau alì gemsalà bè Dwata.

Tekang Kbuten 13:13 Iomraidhean Croise

Tekang Kbuten 15:16

Okóm yó kem sfuhem yó, yó he kulék le edini bè yóm benwu ni ke deng fat bud lugod le bè yó, abay se là tagad hdóhu kul he yó kem tau Amurayt menwu bè yóm benwu ni. Yó he kehdóhu kul ke sok deng gulé yóm sidek nmò le, ne là gbeku du ke là tnafaku kul.”

Tekang Kbuten 18:20

Omin Dwata mon du mò ke Abraham, “Tey sidek yóm gel tifù le kul yó kem tau bè Sodom ne Gomora. Alì sidek bè kdéen yó kem salà nmò le.

Tekang Kbuten 19:13

abay se genlà me ne nim syudad ni. Deng gungol Dwata yóm sidek tifù le kul ni kem tau nô bè ni, yó gónón hógów kum anì ne me e genbà nim syudad Sodom ni.”

Tekang Kbuten 38:7

Okóm yóm Ir, nmoen yóm tey sidek bè kton Dwata du, ne yó gónó Dwata ma klowilen.

Tekang Kbuten 39:9

Yóm kwalisen bè ni lem gónô, lómón yó se yóm dou kwalis, ne laen dù nalihen béléu, tek són uu yóm tuha libunen. Là kô gbeku du yóm sidek monem yó, tey salà bè Dwata yóm yó.”

Tekang Kbuten 6:11

Bede yó kem dumu tau, laen kô dù hyu ton Dwata bélê le. Kihu gónó le nô, sónmò le hemsidek kem dumu le.

Isaya 1:9

Ke là lemwóten bè Dwata yóm Dwata laen dù là gbeken du, deng gotu genbà le ne Jirusalim, balù udì ke wen dù tebel du hol lómón yóm tehe kegbà yó kem syudad Sodom ne Gomora.

Jirimaya 23:14

Okóm nim kmoen ni, milud he ksideken yóm kul gel nmò yó kem tugodu bè Jirusalim. Ndà le yehen le ne deng knalam le yóm kmò le kéng. Deng mom genduf le yó kem tau gel mò sidek anì là tenflok le du yóm kmò le sidek. Yóm ksidek nmò le yó mkél bè yóm tehe kul ksidek nmò yó kem tau bè Sodom ne Gmura.”

Jirimaya 23:24

Laen kô dù tau gbek hembnos dou,” mon Dwata. “Tódô tfengu longit gónóhu nô ne tódô tfengu tonok.

Lista 32:23

Okóm ke là dnohò ye du yóm fasad ye ni, eles tulónu kuy bè Dwata gónó ye gemsalà. Là hewuhem du, Dwata angat tmafak kuy lemwót bè yóm salà ye yó.

Matyu 9:10

Bè yóm igò le Jisas ne yó kem gel lemolò du mken bè gónô Matyu, tey dê bè yó kem dumu tau gel mtuk bwis dalang se yó kem dumu tau gemsalà, gbót seyón kul mken bè yó.

Matyu 9:13

Hol hennagì ye dé lanen yóm sotu monen bè Sulat Dwata, ‘Keskodu dé yóm hol nóyóu bélê ye,’ mon Dwata, ‘là kô dsù du.’ Duhen ni se yóm nógówu edini ni,” mon Jisas, “là kô tnabahu kul yó du kem tau tedeng kmò le. Okóm yó tnabahu, yó kem tau gemsalà.”

Kun Snulat Jan 9:24

Ne bud tnaba yó kem Farisi bè gewuhen dulék yóm tau tehe butô yó koni, mon le mò du, “Hol tulónem ktahuhen dé, abay se wen Dwata. Tngón me tau gemsalà tum tau hton kóm tu.”

Kun Snulat Jan 9:31

Hónô tngón tekuy là kô hnungol Dwata du yóm tau gemsalà. Són olo hnungolen, són yóm tau madat du ne mimón du yóm kun kóyô.

Sulat Pol Ebè Yó Kem Tau Hemtahu Bè Rom 1:27

Lómón yó se nmò kem dumu logi, deng tódô kenbê le yóm tahu klanen bè kesyehen. Deng mom yó henlom nawa le yó kem kul dumu logi, ne nmò le yóm nmò alì kenyak. Yó uléken yóm nmò le yó, tódô gnóm le bè lówó le yóm ktafak Dwata kul.

Hibru 4:13

Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

2 Pitér 2:10

Hol néen yó kem tau tódô lolò le yóm sidek knóyô lówó le, ne gel natù le Dwata. Ni kem tau tmolok sekban ni, laen kô dù nadat le, ne tey kehegmón le. Balù yó kem alì mfasang gel nô bè longit, sana kehnê le kul.

Sulat Jud 1:7

Ne hentulón ye nawa yó kem tau tehe menwu bè yó kem syudad Sodom ne Gomora ne yó kem benwu hmilol kul. Tódô nmò le yóm tehe kul nmò yó kem hógów Dwata monu yó koni bè yóm kmò le samuk. Là són du bè kem libun gónó le mò du, balù bè kem kul dumu logi snéen sana kmò le du. Yó kmò Dwata kul, gotu tnafaken lu bè yóm ofi laen kô dù sónen. Ni se yóm eles hetngónen bélê tekuy anì là nmò tekuy du yóm sidek.

1 Samwél 15:18

Ne deng wen hmò Dwata kóm, monen mò kóm, ‘Lemwóti nam e gotu genlà lu yó kem tau Amalikayt tendo gel mò sidek, efet deng gotu hnatayem yó kem kdê le.’

1 Samwél 2:17

Ni se yóm salà yó kem ngà Ili logi alì sidek bè solu Dwata abay se là kô dog nadat le du yóm dsù le ebè Dwata.