Tekang Kbuten 12:9 - Udél Dwata: Gna Kesfasad ne Lomi Kesfasad

⁹ Ominen yó tendo mili yóm gónón kmamfù hlós tofi leged lem yóm benwu Kanan.

Tekang Kbuten 12:9 Iomraidhean Croise

Tekang Kbuten 13:1

Omin Abram lemwót bè yó bè Idyip, lanen mool efet kól bè lem Kanan fi leged, mung du yehenen ne Lat snéen, ne kdê yó kem deng nfunen.

Tekang Kbuten 13:3

Bè yóm kewóten bè yó, tódô henlelen mógów na le na gel kmamfù gu bè lan, hlós le ebè benwu Bétél. Ngangen mógów efet le bud gefet bè yóm tehe gna gónón kmamfù bè gónón sóól Bétél ne Ay,

Tekang Kbuten 20:1

Kewót Abraham bè yó, subô ebè Négéb, ne nahen hlun nô bè yó bè yóm benwu boluyen Girar, yóm benwu nô bè blóng benwu Kadis ne yóm benwu Sur.

Tekang Kbuten 20:13

Bè yóm tehe kdók Dwata dou, anì hlayuke bè gónô mà, yó monu mò ke Sara, “Yó gónón gfan yóm kbong nawahem dou, balù kihu gónó te e solu, hol monem setwoli te.”

Tekang Kbuten 24:62

Bong ke Isak kun, deng kól bè yóm benwu laen hol wen tauhen moni bè yóm kokol boluyen “Kokol yóm Dwata mowil yóm mton dou.” Ne bè yó gónón nô fi leged bè yóm benwu Kanan.

Kem Lingón 105:13

Tey dê benwu gónó le e semdakit menwu, sal stólóng yó kem tau mogot du.

Isaya 30:6

Ni se udél Dwata gbak ebè yó kem ógóf lóbô lem bnes bè yóm benwu fi leged là hyu menwu du, monen, “Yó kem tau hógów le mò na a mni tóbóng yó, mlan le bè yóm benwu gónó le nô yó kem ógóf lóbô, yóm gónó le nô yó kem liyun ne yó kem ulal malas ne yó kem swaga móyóng. Gotu lenulón le yó kem tey mebtes yó kem kudà ne yó kem kamél le, mò blay le bè Idyip yóm benwu là gbeken du tmóbóng kul.

Lista 13:17

Bè yóm kehewót Musis kul yó kem tau hemkana yó koni, yó monen mò kul, “Bè yóm kógów ye ni, lenwót ye bè ni lan ye e mool efet ye gefet ditu bè bulul yóm benwu Kanan, omin ye hlós etu elem bululen.

Dwata 1:7

Lenkas ye kamfù ye ne bud ye lemwót. Mógów ye etu bè tu kem bulul lemnek bè benwu yó kem tau Amurayt ne etu bè tu kem benwu hmilol kul, bè Datal Jurdan ne bè yó kem bulul lemnek bè yóm benwu yó ne bè yó kem datalen. Mógów ye etu fi legeden ne etu bè kilil Mohin Miditiranyan. Mógów ye etu bè klamang benwu Kanan efet kól ditu sentu yó kem bulul bè Libanun, efet ye kól ditu bè yóm él bong boluyen Yufratis.