Tekang Kbuten 12:8 - Udél Dwata: Gna Kesfasad ne Lomi Kesfasad

⁸ Kogolen bè yó, ominen mili fi leged bè yóm benwu wen kem bululen fi dmata kdaw yóm syudad Bétél. Bè yó gónón kmamfù, bè gónón sóól Bétél ne Ay, tofi dmata kdaw yóm Bétél ne tofi desdef yóm benwu Ay. Bè yó bud gónón semsodò botu mò gónón demsù ebè Dwata ne bud tmaba ebè Dwata bè yó.

Tekang Kbuten 12:8 Iomraidhean Croise

Tekang Kbuten 13:18

Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Tekang Kbuten 13:3

Bè yóm kewóten bè yó, tódô henlelen mógów na le na gel kmamfù gu bè lan, hlós le ebè benwu Bétél. Ngangen mógów efet le bud gefet bè yóm tehe gna gónón kmamfù bè gónón sóól Bétél ne Ay,

Tekang Kbuten 13:4

bè yóm benwu tehe gna gónón semsodò yó kem botu mò gónón demsù ebè yóm sana Dwata hol gónó mogot. Yóm kkólen bè yó, bud tmaba ebè Dwata.

Tekang Kbuten 21:33

Ominen wen sotu koyu boluyen tamaris hulu Abraham bè yó bè Birsiba ne tmaba ebè Dwata bè yó, yóm Dwata laen dù tul sónen.

Tekang Kbuten 22:9

Timbow le kól bè yóm benwu deng tulón Dwata ke Abraham, omin Abraham semsodò yóm botu mò gónón demsù, ne senfótólen tahen yó kem koyu nwiten. Ominen mfét ke Isak ne hlasaen ta yó kem koyu deng senfótólen yó.

Tekang Kbuten 26:25

Omin Isak yó semsodò botu mò gónón demsù ebè Dwata ne tmaba ebéléen. Ne bè yó gónón bud kmamfù ne bud le mokol kokol bè yó se yó kem tau tóbóng lówóhen.

Tekang Kbuten 28:19

Yó boluyen du yóm benwu yó, Bétél. Yó tehe boluyen yóm benwu yó, Lus.

Tekang Kbuten 31:25

Bong ke Jakub kun, deng kmamfù bè yóm sotu bulul bè yó bè Gilyad ne fen kmamfù bè yó kem dumu bulul lemnek bè yó le Laban, mung du yó kem dumuhen.

Tekang Kbuten 33:20

Omin Jakub semsodò botu bè yó mò gónón demsù ebè Dwata. Yó boluyen du yóm gónón demsù yó, Él Élohi Israél. Yó lanen, “Alì gembek yóm kun Dwata Israél.”

Tekang Kbuten 35:3

Mdó tekuy bè ni,” mon Jakub, “ne mógów tekuy etu bè Bétél. Bè yó gónóhu mò du yóm mò gónó demsù ebè Dwata, yóm Dwata tehe tmóbóng dou bè yóm tehe kwen gfau, ne deng eles tendo nô béléu snéen kihu gónóhu e solu.”

Tekang Kbuten 35:7

Omin Jakub semsodò botu bè yó mò gónón demsù ebè Dwata ne yó boluyen du yóm benwu yó, “Bétél, kun benwu Dwata,” abay se bè yó tehe gónó Dwata hegfan béléen bè yóm tehe kehlóyen hlayuk bè twoguhen.

Tekang Kbuten 4:26

Bud mngà se ke Sét, duhen Inus. Bè yóm kdaw yó, nbut le ne tmaba ebè Dwata yó kem tau.

Tekang Kbuten 8:20

Tikóng le deng gotu hewà, wen botu sensodò Nuwa mò gónón demsù ebè Dwata. Ne wen nwahen bè ket kay yó kem ógóf ne onuk koyu gel henmóyô Dwata mò dsù le ebéléen ne hkekeben ta yóm gónó demsù yó.

Kem Lingón 116:4

Ominu yó tmaba ebè Dwata, yó monu, “Ó Dwata, hkoduhe béléem, hol lenwaem ou.”

Kehewà 17:15

Ne wen botu sensodò Musis mò gónón demsù ne yó boluyen du, “Yóm sana kum Dwata hol gónó mogot fen hegmò kum.”

Juwél 2:32

Yó se htóbóng bè boluy yóm sana Dwata hol gónó mogot angat gewà. Angat wen gewà bè yó kem tau nô bè Bulul Sayun bè Jirusalim, lómón yóm deng tehe mon Dwata. Yó kem tau gewà yó, lu se yó kem tau deng kun nélék Dwata.”

Kul Nmò 2:21

Duhen yó, kihu tau htóbóng bè yóm gónó tekuy mogot, angat gewà gu lem hatay.’ ”

1 Kurin 1:2

Smulate ebélê ye, yu kem tau deng hemtahu bè Dwata bè syudad Kurin. Deng tnaba Dwata yu mò baling hol kun tau laen dù belenen. Deng nfunen yu hlanen bè yóm deng kessotu ye bè Krays Jisas. Deng ye gotu gomong ne bè yó kem kdéen tau bè dumu benwu deng gel tmaba bè yóm gónó tekuy mogot Jisas Krays.

Hibru 11:9

Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.

Juswa 7:2

Bè yóm knô le Juswa bè Jiriku, yó nmoen wen kem tau dóken hemkana yóm syudad Ay. Nim Ay ni, nô fi dmata kdaw Bétél moni bè Bitabin. Bè yóm deng bud kkól yó kem tau hemkana dók Juswa yó koni,

Juswa 8:12

Wen dô limu libu sendalù deng eles hebnos ditu fi desdef yóm syudad yó bè blóng Ay bè Bétél.

Juswa 8:17

ne tódô mngal yóm syudad le, balù sotu tau ke wen mentey du.

Juswa 8:3

Tahu se, htifes le Juswa ne yóm kdê sendaluen bè yóm na le e kundug ebè Ay. Wen tlu folò libu sendalù néléken hono kem sendalù deng hónô layam bè sfatay. Yó hmoen kul mò fen hógówen kifu

Juswa 8:30

Bè yóm deng kgefet le bè Bulul Ibal le Juswa ne yó kem tau Israél, yó nmò Juswa wen gónó le demsù hdaen bè yó mò gónó le demsù ebè yóm kul Dwata hol gónó mogot yó kem tau Israél.

Juswa 8:9

Tahu se, gna le lemwót yó kem sendalù hógów Juswa yó ne hlós le ebè yóm gónó le e hebnos fi desdef, bè blóng Ay ne Bétél. Okóm kul le Juswa, fen le tebel bè yó bè kamfù le yóm kifu yó.

Kmukum 6:24

Omin Gidyun semsodò botu bè yó mò gónóhen demsù ebè Dwata ne yó boluyen du, “Lemwót bè Dwata yóm kenek nawa.” Efet ni kmoen ni sana knóen bè yó bè Ufra yóm gónô demsù yó, nfun yó kem kun ból Abisér.

1 Samwél 30:27

Yó bud henwiten, duhen yó kem tau malak bè yó kem benwu deng gónó Dabid mlan duhen yóm benwu Bétél ne Ramut-négéb ne Jatir