Tekang Kbuten 12:6 - Udél Dwata: Gna Kesfasad ne Lomi Kesfasad

⁶ tódô henlós Abram mógów lem yóm benwu yó efet gefet bè yóm tey koyu bong bè Muri yóm benwu moni bè syudad Sékém. Bè yóm kdaw yó, tolo le nô bè yóm benwu yó kem tau Kanan.

Tekang Kbuten 12:6 Iomraidhean Croise

Tekang Kbuten 13:7

Yó se gónó le gel sfatay yó kem tau mentey ógóf Abram ne yó kem tau mentey ógóf Lat. Bè yóm kdaw yó, tolo le menwu bè yó he yó kem tau Kanan ne yó kem tau Pirisayt.

Tekang Kbuten 33:18

Bè yóm kulék Jakub gu bè Misuputamya yó ne efet bè yóm kkólen bè syudad Sékém bè benwu Kanan, laen kô dù hemenen. Ne yó gónón kmamfù moni bè yóm syudad Sékém.

Tekang Kbuten 34:2

Tikóng ton Sékém yóm ngà Hamor, yóm tau hol geta bè yó kem tau Hibayt tódô kenfóen, ominen gmaga semtungô du.

Tekang Kbuten 34:30

Bè yóm ketngón Jakub du yóm deng nmò le Simyun ne Libay, yó monen mò kul, “Olo ye mit dou sbeweg lem nim benwu ni. Nim nmò ye ni, lómón ke ou yóm nmò ye boo bolok bè yó kem tau bè nim benwu ni bè kem tau Kanan ne bè kem tau Pirisayt. Ke ssotu nawa le mundug tekuy, ngem kà gotu hnatay le tekuy igò tekuy là hol wen.”

Tekang Kbuten 35:4

Tahu se, gotu blay le ke Jakub kdéen dwata lennged nô bélê le lemwót bè tólóng benwu ne kdê yó kem tdé le, gotu lebeng Jakub lu laan yóm koyu boluyen ok moni bè Sékém.

1 Bok Kem Tau Hol Geta 12:1

Lemwót Rihubuam, mógów ebè Sékém bè yóm gónó le deng gotu stifun yóm kdéen tau Israél mò hembaling du tau hol geta.

1 Bok Kem Tau Hol Geta 12:25

Omin Jirubuam hbegel du yóm benwu Sékém yóm benwu lem yó kem bulul lemnek snakuf Ifraim, ne nahen na nô bè yó. Kogolen bè yó, bud tnagaken, ne bud hbegelen yóm benwu Pinwél.

Kem Lingón 60:6

Bè yó bè Gónô Dwata, yó udél Dwata, monen, “Bè yóm kegmou, angat nólólu bè yó kem dou tau yóm benwu Sékém ne yóm datal bè Sukut.

Husiya 6:9

Yó nmò yó kem tau blóng ebéléu, deng le mom baling tau temmón mnagaw, sónmò le hmékét tau mò hnatay le bè yóm lan ebè Sékém, gónó le gel tmaba ebéléu.

Kun Snulat Jan 4:5

Ngangen mógów efet kól bè Sikar, yóm sotu benwu udì snakuf Samarya. Nim Sikar ni, moni bè yóm tonok tehe blay Jakub yóm ngaen Jusif ekni.

Kul Nmò 7:16

Okóm,” mon Stéfén, “là hlós lebeng le kul bè yó. Bud na le e lebeng lu ditu bè Sékém, bè yóm benwu tehe fasad Dwata ke Abraham. Sù le lu ebè yóm kilib tehe benli Abraham filak bè yó kem tehe ngà Hamur mò gónó lembeng.

Hibru 11:9

Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.

Juswa 24:32

Yóm tiol Jusif tehe nwit le gu bè Idyip yó kem tau Israél, lebeng le bè yó bè Sékém bè yóm tonok udì tehe benli Jakub ekni. Yó tehe blihen du, lematu botù blówón bukay bè yó kem ngà Hamor logi yóm Hamor mà Sékém. Nim tonok ni, hlós nfun yó kem sfu Jusif.

Kmukum 7:1

Hol hlafus bè yó, tódô temkifu btik Gidyun ne kdê yó kem tauhen na le e kmamfù klohok Sfut Harod. Lemwót kul yó kem tau Midyan fen le kmamfù fi debwak le bè yóm gónón wen datalen bè Bulul Udì Muri.

Kmukum 9:1

Sotu kdaw lemwót Abimélék yóm ngà Gidyun logi, mógów ebè Sékém yóm benwu gónóhen nô yéen ne yó kem mà dien.