Tekang Kbuten 12:5 - Udél Dwata: Gna Kesfasad ne Lomi Kesfasad

⁵ Bè yóm kewót Abram yó, nwiten Saray yóm yehenen, ne Lat yóm ngà twoguhen ne kdê yó kem kendengen le, ne kdê yó kem hesek deng nwa le bè Haran. Tódô le lemwót, mógów le etu bè yóm benwu boluyen Kanan. Timbow le kól ditu bè Kanan,

Tekang Kbuten 12:5 Iomraidhean Croise

Tekang Kbuten 11:27

Ni se yó kem kun sfu Tira, yóm mà le Abram ne Nahor ne Haran. Yóm Haran, du se mà Lat.

Tekang Kbuten 11:31

Bè yóm kdaw yó, yó nmò Tira nwiten Abram yóm ngaen logi, ne Lat yóm téméen, ne Saray yóm towuhen yehen Abram. Tebelen yóm syudad Ur snakuf Babilun, tô mógów etu bè Kanan. Ngang le mò du mógów efet le kól bè yóm syudad boluyen Haran ne bè yó gónó le henek nô.

Tekang Kbuten 13:5

Lemwót ke Lat kun, tey wen ubihahen ne kambingen ne safien. Ne wen se kem fes lówóhen ne kem tau mò nmò béléen.

Tekang Kbuten 13:6

Yó gónóm mon, laen hol gónó le hótób ógóf le ke hlós keslomong le yóm lewu le, abay se tódô sket kul genged ógóf le.

Tekang Kbuten 14:14

Timbow gungol Abram yóm deng kegef le ke Lat, gotu htabahen yó kem kun kwen hulung mit sfatay bè yó bè kamfuen. Yó kwen le, tlu latu bud sfolò wolu. Ne omin le kemtes yóm fat kem tau hol geta megef ke Lat. Ngang le kemtes kul efet le gefet ditu bè benwu Dan.

Tekang Kbuten 14:21

Yó monen mò ke Abram yóm tau hol geta bè Sodom semlong du yó koni, “Kóm du ne yó kem kimu deng bud nitem mulék yó, okóm hol hulékem dou yó du kem dou tau.”

Tekang Kbuten 28:10

Kewót Jakub bè yó bè yóm kun benwu bè Birsiba, mógów etu ebè Haran.

Tekang Kbuten 36:6

Kewót Iso bè yó, hlayuk bè Jakub yóm dumun setwoli bè mà, gotu nwiten yó kem yehenen ne kem ngaen, ne kdê yó kem tóbóng lówóhen nô lem gónóen, kem ógófen ne kdê kendengenen deng gutahen bè Kanan, gotu nwiten lu.

Kul Nmò 7:4

Ne tahu se, mdó bè yó Abraham, ne mili ebè Haran. Kogol yóm katay maen, yó he bud khili Dwata du ebè nim benwu gónó tekuy nô ni.