Tekang Kbuten 12:4 - Udél Dwata: Gna Kesfasad ne Lomi Kesfasad

⁴ Bè yóm kewót Abram bè yó, deng hitu folò limu ne halayen. Tódô lemwót, tebelen yóm syudad Haran lómón yóm deng mon Dwata mò du ne mung du Lat.

Tekang Kbuten 12:4 Iomraidhean Croise

Tekang Kbuten 11:27

Ni se yó kem kun sfu Tira, yóm mà le Abram ne Nahor ne Haran. Yóm Haran, du se mà Lat.

Tekang Kbuten 11:31

Bè yóm kdaw yó, yó nmò Tira nwiten Abram yóm ngaen logi, ne Lat yóm téméen, ne Saray yóm towuhen yehen Abram. Tebelen yóm syudad Ur snakuf Babilun, tô mógów etu bè Kanan. Ngang le mò du mógów efet le kól bè yóm syudad boluyen Haran ne bè yó gónó le henek nô.

Tekang Kbuten 13:5

Lemwót ke Lat kun, tey wen ubihahen ne kambingen ne safien. Ne wen se kem fes lówóhen ne kem tau mò nmò béléen.

Tekang Kbuten 16:16

Deng wolu folò nem ne halay Abram bè yóm ksut Ismaél.

Tekang Kbuten 16:3

Tahu se, hedwey Saray ke Abram Hagar. Yóm kedwey Abram ni, deng sfolò halayen ne nô bè Kanan.

Tekang Kbuten 25:7

Deng tey gsengel ne ktuha Abraham bè yóm katayen. Yó kegenen tau, botong lematu bud hitu folò limu halayen.

Tekang Kbuten 28:10

Kewót Jakub bè yó bè yóm kun benwu bè Birsiba, mógów etu ebè Haran.

Kul Nmò 7:4

Ne tahu se, mdó bè yó Abraham, ne mili ebè Haran. Kogol yóm katay maen, yó he bud khili Dwata du ebè nim benwu gónó tekuy nô ni.

Hibru 11:8

Dalang se ke Abraham ekni. Lemwót bè yóm kehtahuhen bè Dwata, yó gónón tódô mimón yóm ktaba Dwata du ebè yóm benwu deng fasaden du. Tódô tnagaken yóm kun benwu, balù yóm là ketngónen du gónón seblà yóm benwu deng fasad Dwata du.

Hibru 6:15

Ne tahu se, là kóen tmakas Abraham mangat du efet gutahen yóm deng fasad Dwata du yó.