Tekang Kbuten 12:2 - Udél Dwata: Gna Kesfasad ne Lomi Kesfasad

² Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 12:2 Iomraidhean Croise

Tekang Kbuten 13:16

Angat hol hwenu bólem, laen kô dù gembek msó kul yóm kdê le, lómón ke nsóhem kfung te tonok.

Tekang Kbuten 15:5

Omin Dwata mit du hewà, ne monen mò du, “Temngeli ebè longit dé bè yó kem blotik, tilów nsóhem lu. Yóm alì kwen le yó, hol lómón yó se angat kwen yó kem semfu gu béléem.”

Tekang Kbuten 17:20

Deng gungolu yóm hnihem gbak ebè Ismaél. Yó gónóm mon, nuyagu ne bud hwenu se kun ngà ne yó kem angat semfu gu béléen. Angat du mà yóm sfolò lewu kem tau mogot benwu ne yó kem semfu gu béléen bud nmou sotu but tau alì mbegel.

Tekang Kbuten 18:18

Blaem yó kem angat lugoden, baling le sotu but tau alì mbegel kbenwu le ne angat mlan béléen gónóhu tmóbóng yóm kdê kay but tau talak tonok.

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Tekang Kbuten 19:29

Okóm bè yóm keglà Dwata yó kem syudad nô bè yóm datal gónón menwu Lat, là homongen ke Lat abay se là klifóten du yóm hni Abraham béléen.

Tekang Kbuten 24:1

Deng tey tuha ne Abraham ne tey tendo gel któbóng Dwata du bè ket yó kem gel nmoen.

Tekang Kbuten 24:35

Tey deng bong któbóng Dwata du yóm gónóhu mogot yó ne deng henbalingen tau bong kendengenen. Tey wen ubihahen ne kambingen ne safien. Wen se tahu blówónen ne wen se blówón bukayen. Ke bè kem heseken, wen se kem hesek logihen ne wen se kem hesek libunen. Tey wen se kem kamélen ne tey wen se kem kudà asnuhen.

Tekang Kbuten 25:11

Kogol yóm katay Abraham, tey któbóng Dwata ke Isak ne bè yó gónó Isak nô moni bè yóm kokol boluy le du, “Kokol yóm Dwata mowil yóm mton dou.”

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Tekang Kbuten 26:4

Angat hwenu bólem, lómón kwen le blotik bè longit. Angat gotu blayu kul yóm klamang yóm benwu Kanan ni. Ne angat mlan bélê le gónóhu tmóbóng yóm kdéen but tau bè klamangen benwu.

Tekang Kbuten 27:29

Yó kem dumu but tau, baling le tóbóng lówóhem ne mtud le bukol bè soluhem. Uu gónó le kmulu yó kem dumuhem setwoli ne mtud le bukol bè soluhem yó kem dumu ngà yéem logi. Yó kem tau hemmulà kóm angat tnafak Dwata lu. Ne yó kem tau tmóbóng kóm bud tnóbóng Dwata lu.”

Tekang Kbuten 28:14

Tey angat kehwenu kul yó kem sfuhem yó, lómón kwen le kfung te tonok. Angat tey kehlamang le du yóm kbenwu le, gbek le hlamang du fi e desdef ne fi e dmata kdaw ne fi edebwak ne fi eleged. Hlanu béléem ne bè yó kem sfuhem yóm angat któbóngu yóm kdéen but tau bè klamangen benwu.

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

2 Samwél 7:9

Ket gónóhem e solu, elese tendo nô béléem, ne gotu genlau yóm kdê hohonem bè ket kesfatayem. Ne ni, htótólu boluyem bè klamangen benwu lómón któtól boluy yóm tau alì mfasang talak tonok.

1 Bok Kem Tau Hol Geta 1:47

Deng le gotu mógów ebè Dabid yóm kdê genlalen na le e hegfan béléen yóm kehyu nawa le bè yóm deng nmoen yó, mon le, ‘Yó hem Dwata hol htótól ke Selumun senta yóm kóm któtól, ne hegetahen yóm kun benwu nogot senta yóm kóm nogot.’ Omin yóm tau hol geta mni bè Dwata bè yóm gónón hlilil bè katrihen,

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.

Kehewà 1:7

Okóm yó kem sfu le, yóm bnoluy le kem tau Israél sónmò le mból. Tey kwen le ne tey le kemgis. Botong tô gotu lengeb le yóm benwu Idyip.

Kehewà 32:10

Ne ni béem henseng o, tey kebutu kul ne gotu genlau lu. Ne yó tles nmou angat tey kehbólu kóm ne yó kem angat semfu gu béléem. Nmou yu sotu bung tau alì mbegel.”

Isikél 34:26

Tendo nuyagu lu yó kem dou tau ne suu lu hilol yóm dou bulul, bè yó gónóhu tmóbóng kul. Hkulónu elem benwu le bè yóm kdaw wen mu le du. Bud lómón yó se angat tendo kehkulónu du ebélê le yóm tóbóngu kul.

Mika 7:20

Angat hol hegfanem bè yó kem kóm tau yóm là konol nawam ebélê me ne yóm tey kbong nawahem kum, lómón yóm deng tehe fasadem bè yó kem tehe fù me ekni le Abraham ne Jakub.

Sikaraya 8:13

Ó kem tau bè Juda ne kem tau bè Israél, bè kton le kuy yó kem tau bè tólóng benwu, yu se yó kem tau deng henmulà Dwata. Okóm ni, là ne. Lenwau yu ne hlanu bélê ye yóm któbóngu yó kem dumu tau. Yó gónóm mon, bê ye abay hlikò, hol hgel ye nawa ye, henlel ye mò du yóm dou Gónô.

Lista 14:12

Tódô genlau lu ne hlanu bè yóm des mekto hwitu elem blóng le. Bong béléem kóm, Musis, hol hbegelu yó kem bólem ne henbalingu uu mò mà yóm sotu bung tau alì wen senta ni kem tau ni.”

Lista 22:12

Ne yó mon Dwata mò ke Balaam, “Béi abay mung kul ni kem tau ni ne béem abay henmulà lu yó kem tau Israél abay se ou yóm gel tmóbóng kul.”

Lista 23:20

Yó hmoen do mò fen gel muyag. Yóm Dwata ke wen tau nuyagen, là kô gbeku temles du.

Sulat Pol Ebè Yó Kem Tau Hemtahu Bè Rom 4:11

Deng gegna ne yóm kehtahu Abraham ke Dwata ominen yó he htulì. Hmò Dwata du yóm yó mò ilô yóm deng ktedeng ktonen du lemwót bè yóm deng kehtahu Abraham béléen. Ne duhen yó, lemwót bè yóm kehtahu Abraham ke Dwata, yó gónóhen baling mà kdéen tau hemtahu bè Dwata, baluen he ke là Ju le, ne baluen he ke là tnulì le. Tódô lemwót bè kehtahu le gónón tedeng kton Dwata kul.

Glasya 3:14

Yó gónó Krays msok tekuy gu lem hatay mò gónón dohò yóm tehe fasad Dwata ke Abraham bè yóm khomong któbóngen yóm kdéen tau là Ju le. Yó gónóm mon, lemwót bè yóm kehtahu tekuy bè Krays gónó Dwata bemlay du tekuy yóm kun Tulus, yóm tehe fasaden tekuy.

Glasya 3:7

Yó gónóm mon, yó kem tau hemtahu, lómón ke lu yóm hol semfu gu bè Abraham.

Dwata 26:5

Ne bè yó bè solu Dwata, yó udélem monem, ‘Yóm tehe fuu, tau Aramiyan se kun laen dù mdengen gónón nô. Tehe nwiten yó kem fes lówóhen ebè Idyip ne ditu gónó le nô. Bè yóm tehe kógów le yó, là kô le wen okóm deng tey kból le bè yó bè Idyip ne baling sotu but benwu alì mbegel.