Tekang Kbuten 12:18 - Udél Dwata: Gna Kesfasad ne Lomi Kesfasad

¹⁸ Omin Faro tminok ke Abram ne yó monen mò du, “Moen de ke ni nmoem béléu? Moem là tódô tmulón du dou du ke du yehenem?

Tekang Kbuten 12:18 Iomraidhean Croise

Tekang Kbuten 12:19

Moen de ke mom monem libunem ne deng mom hlusem dou mò yehenu? Ni se yehenem, nwitem ne géhéli mdó bè ni.”

Tekang Kbuten 20:3

Okóm sotu kifu, hegfan bè kna Abimélék Dwata, ne monen mò du, “Dengi matay se kóm, abay se yóm libun nwahem ni, wen yehenen.”

Tekang Kbuten 29:25

Yó he ketngón Jakub du Liya yóm deng sentungóen, deng mwas. Ominen mógów ebè Laban ne monen mò du, “Moen de ke ni nmoem béléu? Yó gónóhu mò nmò béléem anì gyehenu Rakél. Moen se ni du ke snukatem ou?”

Tekang Kbuten 3:13

Ne snólók Dwata yóm libun, monen mò du, “Moen de ke nmoem nim ni?” Ne yó balaen du yóm libun, monen, “Yóm ulal fen smukat dou, yó sem gónóhu mken du.”

Tekang Kbuten 31:26

Bè yóm keston le, yó udél Laban ebè Jakub, monen, “Tey Tò, moen de ke tódói hlana, tódô nówóngem yó kem ngau libun? Hol lómó kmoem kul kem libun negef bè gida.

Tekang Kbuten 4:10

Omin Dwata bud mon du, “Tey, Kain, moen ni du ke nmoem nim tey sidek ni? Deng tonu litô twolihem dmanag bè tonok, lómón ke dawaten ou anì bnelesu.

Tekang Kbuten 44:15

Ne mudél ebélê le Jusif, monen, “Moen de ke lómón yó nmò ye béléu? Là tngón ye du kô lemwót bè yóm kegetahu, sal gel wen gónóhu temngel mò gónóhu temngón du yóm deng nmò ye yó?”

Kehewà 32:21

Monen mò ke Aron, “Tedu deng nmò le béléem ni kem tau ni? Moen ke hmoem kul nim tey salà bong ni?”

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Juswa 7:19

Yó mon Juswa mò du, “Tey Tò, hol tulónem ktahuhen bè ni bè solu Dwata, yóm Dwata hol gónó tekuy mogot kem tau Israél. Hol benkasem yóm deng nmoem. Tulónem dou kun, hol béem bnos béléu.”

Kmukum 2:2

Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

1 Samwél 14:43

Omin Sol smólók ke Junatan, monen mò du, “Tulónem do yóm deng nmoem?” Ne tulón Junatan du, monen, “Deng wen udì tneb duu bè tukô yóm tugedu ne kenu. Mataye du kô yóm yó?”