Tekang Kbuten 12:15 - Udél Dwata: Gna Kesfasad ne Lomi Kesfasad

¹⁵ Wen bè yó kem genlal bè Faro bélê le mton ke Saray ne tulón le du yóm tey ktiloben ne yó gónó Faro hangay ke Saray ebè gónô bongen.

Tekang Kbuten 12:15 Iomraidhean Croise

Tekang Kbuten 12:14

Tahu se, timbow gefet bè Idyip Abram, ton yó kem tau bè yó tey tilob libun yóm yehenen.

Tekang Kbuten 20:2

Yó tulón Abraham yó kem tau bè yó, yóm yehenen Sara libunen. Duhen yó, tinok yóm tau hol geta bè yó boluyen Abimélék Sara anì nwit le ebéléen ebè gónô bongen.

Tekang Kbuten 26:7

Tikóng snólók yó kem logi menwu bè yó Isak gbak bè yehenen Ribika, yó tulónen kul, monen, “Libunu.” Likò tmulón du ke yehenen. Yó hendemen, “Angat hnatay le o anì nwa le béléu, yakà teyen tilob.”

Tekang Kbuten 40:2

Tey kebut Faro kul yóm lewu kem tau snaligen yó.

Tekang Kbuten 41:1

Timbow deng bud lewu halayen bè yó, wen kna yóm Faro bè Idyip. Yó knahen, mdà bè kilil yóm tey él bong boluyen Nayl.

1 Bok Kem Tau Hol Geta 3:1

Lemwót Selumun mit sbilà bè Faro yóm tau hol geta bè Idyip, ne yehenen yóm sotu ngà Faro libun. Nwit Selumun ebè Syudad Dabid yóm libun yó, nô le ditu efet deng yóm gónô bong hefdaen, ne yóm Gónô Dwata hefdaen, dalang se yóm beng hmilol syudaden.

2 Bok Kem Tau Hol Geta 18:21

Ngem, tô snalig ye yó kem tau Idyip kô? Ke yó tô snalig ye, hol lómón ke tmuged ye seben mufê gotu hnalien ke wen tmuged du. Lómón yó se kmoen yóm tau hol geta bè Idyip ke wen smalig béléen.

Kem Lingón 105:4

Hol hnebel ye Dwata ne yóm tey kgisen tmóbóng tekuy. Senflós ye tendo mni ebéléen.

Kehewà 2:15

Timbow gungol Faro yóm nmò Musis yó, yó nmoen tô hfatayen Musis okóm deng sana mlóy ebè benwu yó kem tau Midyan ne bè yó gónóhen nô. Sotu kdaw, yóm igò Musis myón ditu bè yóm sotu kokol, gdek se yóm hitu kem ngà libun yóm sotu tau boluyen Jitru yóm tau gel demsù ebè Dwata bè yó bè Midyan. Yó nmò le, nlem le él yóm gónó le gel minum yó kem ubiha ne kambing mà le.

Kehewà 2:5

Bè yóm igoen mentey bè yó, sut se yóm ngà Faro boi nan e dyo. Bè yóm igoen dyo lemwót yó kem libun tóbóng lówóhen, mógów le gu hilol yóm él anì laen dù tau hloni ebè yó. Ne tódô geslà ton yóm libun boi yóm kfilù nô lem yóm gónón tahà bnes, ominen hwa du bè yóm sotu tóbóng lówóhen.

Kem Udél Hlalak Tehe Selumun 29:12

Yóm tau mogot benwu ke nmungen yóm kéng gotu le baling mò kéng se kul yó kem tau smugung béléen.

Kem Udél Hlalak Tehe Selumun 6:29

Lómón se ni laen dù tau smamuk tuha libun dumu tau, duhen ke mogot du ke là megtafaken.

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.