Tekang Kbuten 12:1 - Udél Dwata: Gna Kesfasad ne Lomi Kesfasad

¹ Yó mon Dwata mò ke Abram, monen, “Ó Abram, lemwóti ne. Tebelem nim benwu gónóhem nô ni ne yó kem dumuhem ne yó kem fes lówó maem, mógówi ebè yóm benwu naw e tolok kóm.

Tekang Kbuten 12:1 Iomraidhean Croise

Tekang Kbuten 15:7

Ne yó bud mon Dwata mò du, “Ou se yóm Dwata hol gónó mogot. Ou se yóm deng semgalak kóm gu bè Ur, yóm benwu snakuf Babilun, nitu uu ebè nim benwu ni mò hol kóm nfun.”

Tekang Kbuten 20:13

Bè yóm tehe kdók Dwata dou, anì hlayuke bè gónô mà, yó monu mò ke Sara, “Yó gónón gfan yóm kbong nawahem dou, balù kihu gónó te e solu, hol monem setwoli te.”

Tekang Kbuten 24:38

Hol ditu gónóm e solu bè yó kem kun kwen tehe mà ne bè kem dou dumu. Ditu gónóm mebel du yóm libun mò yehen yóm ngau.’

Tekang Kbuten 24:4

Holi mógów dou ebè yóm benwu tehe gónóhu sut, ne mebeli dou libun bè yó kem dou kwen mò yehen Isak.”

Tekang Kbuten 24:7

Yakà deng nwiten ou ebè yóm benwu ni yóm dou gónó mogot. Du se yóm Dwata nô bè longit. Niten ou gu lem gónô mà ne gu bè tonok yó kem dumuhu ne deng hol fasaden dou yóm angat keblayen du bè yó kem dou sfu nim tonok ni. Wen he hógów Dwata gu bè longit mò tukô gna kóm anì wen libun tonem ditu mò yehen yóm ngau.

Tekang Kbuten 26:2

Yó gónó Isak mógów ebéléen, abay se deng hegfan béléen Dwata ne deng monen mò du, “Ó Isak, béi abay mógów ebè Idyip na a mebel ken ditu. Tódói nô bè ni bè Kanan yóm benwu gónóhu hemsù kóm.

Nihimaya 9:7

Uu se yóm Dwata hol gónó me mogot tehe mélék ke Abram ne nwitem gu bè syudad Ur, yóm syudad glem lem Babilun ne deng tles boluyem du Abraham.

Isaya 37:12

Ngem yó kem tehe fuu, lu se tehe gembà yó kem syudad boluy le Gusan ne Haran ne Réséf. Ne bud lu se tehe hmatay yó kem tau Bét-édén, kem tau nô bè Til-asar ne là kô na a gbek yó kem dwata le lemwà kul.

Isaya 41:9

Deng gotu sentifunu yu lemwót gu bè hol són tonok, deng tnabahu yu lemwót gu bè doli benwu. Ne yó monu mò kuy, ‘Yu se yó kem mò tóbóng lówóhu.’ Là kô naw e kenbê kuy igò sem yu yóm dou nélék.

Isikél 33:24

“Ó Tau Tonok, yó tendo udél yó kem dù tau menwu bè yó kem syudad deng gbà bè Juda, mon le, ‘Tek sotuhen se kun yóm Abraham. Baluen ke tek sónen du, béléen gónó Dwata bemlay du yóm klamang tonok. Ne ni, deng tekuy baling dê, yake blayen tekuy yóm tonok ni mò nfun tekuy.’

2 Kurin 6:17

Duhen yó, bud mon yóm gónó tekuy mogot, “Hol ye hlayuk bè yó kem hemtahu bè dwata kéng. Htólóng ye yóm kuy klan. Hol bê ye abay bud nmò yóm là mólósen. Ke ni se nmò ye, angat henmóyóu yu.

Hibru 11:8

Dalang se ke Abraham ekni. Lemwót bè yóm kehtahuhen bè Dwata, yó gónón tódô mimón yóm ktaba Dwata du ebè yóm benwu deng fasaden du. Tódô tnagaken yóm kun benwu, balù yóm là ketngónen du gónón seblà yóm benwu deng fasad Dwata du.

Deng Hegfan 18:4

Ominu mungol yóm sotu mudél gu bè longit, monen, “Ó kem dou tau, mdó ye du ne yóm benwu yó. Hol bê ye abay gbót bè yó kem sidek nmoen anì là gomong ye bè yó kem glumfaken.