Tekang Kbuten 11:7 - Udél Dwata: Gna Kesfasad ne Lomi Kesfasad

⁷ Hyu ke mnaul tekuy ebélê le,” mon Dwata, “na tekuy sentólóng udél le anì là bud le setngón.”

Tekang Kbuten 11:7 Iomraidhean Croise

Tekang Kbuten 1:26

Ne yó bud mon Dwata, “Mò tekuy tau dé, mkél bélê tekuy mò mogot yó kem kentihen mowil lem él, ne kentihen móyóng te kmawang ne kentihen kay ógóf, kem ógóf mò tnomò ne kem ógóf nô lem bnes, kewóten bè yó kem lebangen kkólen bè yó kem leneken.”

Tekang Kbuten 11:5

Omin Dwata yó mnaul elaan nan e hnénég yóm syudad ne yóm gónô geta nbut hdà yó kem tau.

Tekang Kbuten 3:22

Ne yó bud mon Dwata yóm hol gónó mogot, “Ngem, yóm tau deng baling mkél tekuy, deng tngónen yóm hyu ne deng tódô tngónen se yóm sidek. Là kóen hyu ke ma bè yóm koyu hlowil tau, abay se ke kenen tódô hlós mowil.”

Tekang Kbuten 42:23

Tódô tngón Jusif yóm sentulón le okóm kul, là kô tngón le du ke tngón Jusif yóm kul kestulón abay se bè yóm kudél le ebéléen, wen fen tmugod du.

Kem Lingón 2:4

Bè yóm kungol Dwata du ditu bè yóm gónón myón kmamal bè longit yóm udél le yó, mom knulihen lu. Hennéen yóm atul le, atul laen dù olò gónón e mefet.

Kem Lingón 33:10

Yóm dê atul yó kem tau mogot benwu talak tonok, gbek henseng Dwata. Hensengen sok là hyuhen anì là gfuhen.

Kem Lingón 55:9

Hensengem yóm atul le, Dwata, ne senbewegem kudél le, yakà deng tonu du yóm tey kehsidek le tau lem syudad, lel le semfatay kul yó kem tau bè yó.

Kehewà 4:11

Yó bud balà Dwata du, monen, “Tau du se mò du yóm sumóng tau? Tau du se hbokong du ne humew du? Tau du se hton du ne hbutô du? Ou se mò du, yóm sana Dwata hol gónó mogot.

Isaya 33:19

Là bud ton ye kul ne yó kem tau heklabak lemwót bè dumu benwu gel mudél yóm udél là deng tngón ye du.

Isaya 6:8

Ominu mungol yóm udél Dwata, yó monen, “Tau du se bang dóku du? Tau du se bang hógów tekuy du?” Tódô bnalau se, monu, “Ou dé hógówem.”

1 Kurin 14:23

Duhen yó, ke wen tau là hemtahuhen mung smimba bélê ye, ke són yó udél ye yóm kdê ye, són yóm udél là tngón le du, ngem kà mon le du lengel mata ye.

Dwata 28:49

Angat wen sotu but tau hwit Dwata ebélê ye lemwót bè yóm benwu bè hol són tonok mò gmida kuy, yóm benwu là deng kuy hnikót tngón du udél le. Yóm kmò le kuy, hol lómón ke semkot kemfô yóm banug.