Tekang Kbuten 11:31 - Udél Dwata: Gna Kesfasad ne Lomi Kesfasad

³¹ Bè yóm kdaw yó, yó nmò Tira nwiten Abram yóm ngaen logi, ne Lat yóm téméen, ne Saray yóm towuhen yehen Abram. Tebelen yóm syudad Ur snakuf Babilun, tô mógów etu bè Kanan. Ngang le mò du mógów efet le kól bè yóm syudad boluyen Haran ne bè yó gónó le henek nô.

Tekang Kbuten 11:31 Iomraidhean Croise

Tekang Kbuten 11:32

Bè yóm knô le bè yó, matay Tira. Ne deng 205 halayen ne bè yóm katayen.

Tekang Kbuten 12:4

Bè yóm kewót Abram bè yó, deng hitu folò limu ne halayen. Tódô lemwót, tebelen yóm syudad Haran lómón yóm deng mon Dwata mò du ne mung du Lat.

Tekang Kbuten 12:5

Bè yóm kewót Abram yó, nwiten Saray yóm yehenen, ne Lat yóm ngà twoguhen ne kdê yó kem kendengen le, ne kdê yó kem hesek deng nwa le bè Haran. Tódô le lemwót, mógów le etu bè yóm benwu boluyen Kanan. Timbow le kól ditu bè Kanan,

Tekang Kbuten 14:12

Bè yóm kdê deng negef le yó, gomong lemen Lat, yóm ngà twoli Abram nô bè Sodom ne kdê yó kem kimuhen.

Tekang Kbuten 15:7

Ne yó bud mon Dwata mò du, “Ou se yóm Dwata hol gónó mogot. Ou se yóm deng semgalak kóm gu bè Ur, yóm benwu snakuf Babilun, nitu uu ebè nim benwu ni mò hol kóm nfun.”

Tekang Kbuten 24:10

Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 24:15

Bè yóm tolo lelen mni, tódô sut yóm sotu sawang libun boluyen Ribika, wen lebwón hyónen te abalen. Yóm Ribika ni ngà Bituél. Yóm Bituél ngà Milka lewu le Nahor, yóm Nahor twoli Abraham.

Tekang Kbuten 27:43

Yó nmoem, géhéli lemwót etu bè Haran bè yóm logihu Laban.

Tekang Kbuten 28:10

Kewót Jakub bè yó bè yóm kun benwu bè Birsiba, mógów etu ebè Haran.

2 Bok Kem Tau Hol Geta 19:12

Bè yóm tehe keglà yó kem tehe fù me yóm benwu Gusan, ne Haran, ne Réséf, ne yó kem tau Édén nô bè Til-asar, là kô gbek kem dwata lennged le lemwà kul.

Nihimaya 9:7

Uu se yóm Dwata hol gónó me mogot tehe mélék ke Abram ne nwitem gu bè syudad Ur, yóm syudad glem lem Babilun ne deng tles boluyem du Abraham.

Job 1:17

Gu laanen là deng gfu se kun kudél yóm tau yó, bud wen sotu tau sut ne monen, “Botong tlu lumbuk tau Kaldiyan mundug kum ne gotu nwa le yóm kdê kamélem ne yó kem mentey kul gotu hnatay tnibó le lu. Tek són o là matayen. Tódóe mlóy edini naw e tulón kóm.”

Isaya 37:12

Ngem yó kem tehe fuu, lu se tehe gembà yó kem syudad boluy le Gusan ne Haran ne Réséf. Ne bud lu se tehe hmatay yó kem tau Bét-édén, kem tau nô bè Til-asar ne là kô na a gbek yó kem dwata le lemwà kul.

Hibru 11:8

Dalang se ke Abraham ekni. Lemwót bè yóm kehtahuhen bè Dwata, yó gónón tódô mimón yóm ktaba Dwata du ebè yóm benwu deng fasaden du. Tódô tnagaken yóm kun benwu, balù yóm là ketngónen du gónón seblà yóm benwu deng fasad Dwata du.