Tekang Kbuten 11:3 - Udél Dwata: Gna Kesfasad ne Lomi Kesfasad

³ Yó sentulón le, mon le, “Lemwót tekuy ne. Na tekuy mò ngom gónô lemwót bè tonok miket, hékéng tekuy bè ofi anì hol mgemel.” Tahu se, wen ngom gónô nmò le, ne wen dket le du anì hol tilob kesedket le.

Tekang Kbuten 11:3 Iomraidhean Croise

Tekang Kbuten 11:4

Omin le bud mon du, “Na tekuy hdà yóm tey syudad mung du yóm gónô geta gefet te kmawang anì hol tekuy tótól ne là sekla tekuy ebè klamangen benwu.” Tahu se, nbut le hdà du.

Tekang Kbuten 11:7

Hyu ke mnaul tekuy ebélê le,” mon Dwata, “na tekuy sentólóng udél le anì là bud le setngón.”

Tekang Kbuten 14:10

Yóm Datal Sidim, tey wen kem sol nelemen, hono hitok alì miket yóm lemen, yóm hitok boluyen aspaltu. Bè yóm kesgida le, là gemmò le yó kem tau hol geta lemwót bè Sodom ne Gomora, gotu le mlóy yó kem sendalù le. Wen se bélê le btang elem yó kem sol yó koni ne fen le mlóy etu lem bulul yó kem dumu.

2 Samwél 12:31

Gotu negefen yó kem tau bè yó, ne henbalingen lu mò hesek, dansóken lu lemgadì ne smokul ne mogot beyung, lelen dmansók kul mò yóm tonok miket nmò le mò ngom gónô. Bud yó snéen nmoen bè kdê yó kem syudad yó kem tau Amunayt. Omin Dabid mulék ebè Jirusalim, mung du yóm kdê sendaluen.

Kem Lingón 64:5

Sónmò le tendo sbót mò sidek ne matul hmolot. Yó mon le, “Laen kô dù tau mton kum.”

Kehewà 2:3

Timbow là bud gbeken bemnos du, yó nmoen, nwahen yóm sotu kfilù ne wen lumangen du anì là gógówen elemen él. Ne suen lemen yóm ngaen, ominen hemsù du ditu ta él bè yóm gónón tahà bnes bè kililen.

Kem Udél Hlalak Tehe Selumun 1:11

Hlingón te du, ke wen mon du mò kóm, “Mungi kum dé, na tekuy e hékét anì wen hnatay tekuy, balù yó kem tau laen dù duón kul.

Isaya 5:5

Ni se angat nmou bè yó kem huluhu yó. Angat kóhu labaten ne gotu lenbau yóm beng mbegel hilolen anì wen lan le elemen yó kem ógóf lem bnes ne anì ken le ne snóyów ndà le.

Isaya 65:3

Sónmò le hefebut dou yó kem tau yó, laen kô yak le. Wen gónó le gel demsù ebè yó kem dwata kéng lem blóng yó kem hulu hmilol kul gónô ne gel le mtem insinsu bélê le bè yó.

Nahum 3:14

Elesi htigel, Ninibi, abay se angat senibut le uu yó kem hohonem. Eles hengónem élem mò ninum yó kem tauhem. Hol hbegelem yóm gónó ye gel heklung. Eles tenlobem yó kem beng hmilol kóm. Mógówi elem sol nam e ma tonok miket mò tlob ye yóm beng yó.

Hibru 10:24

Hol gel hendem tekuy yó kem dumu tekuy ston nawa anì hol tekuy stóbóng mò du yóm kesbong nawa ne yóm kehyu nmò.

Hibru 3:13

Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.

Sulat Jim 4:13

Ni hol hnungol ye yu kem tau gel mon du, “Wen syudad gónó me e mógów kemdaw ni duhen ke haya. Na me nô ditu sfalay mò me udél swa anì wen filak me.”

Sulat Jim 5:1

Na, yu kem tau wen kendengenen, hol hnungol ye o. Olò dnumu nkik ye dé yó kem tey hlayam sut bélê ye.