Tekang Kbuten 1:6 - Udél Dwata: Gna Kesfasad ne Lomi Kesfasad

^6-7 Ne yó bud mon Dwata, “Na sen-gawag dé yóm él anì wen lewu gónón nô.” Tahu se, tódô sgawag yóm él. Wen él nô tofi laan, ne wen se él nô tofi ta.

Tekang Kbuten 1:6 Iomraidhean Croise

Tekang Kbuten 1:14

Omin Dwata bud mon du, “Dlimunu yó kem mnóng bè longit mò semtólóng yóm kdaw bè yóm kifu, ne mò gónó milô yóm sendaw ne yóm sfalay ne yóm bulón kmò hulu.

Tekang Kbuten 1:20

Yó bud mon Dwata, “Dlimunu kentihen mowil lem él mò nô bè yóm él deng bnusungu anì hol wen nô lemen. Ne dlimunu se kentihen gel móyóng te kmawang anì hol wen móyóng ta.”

Kem Lingón 104:2

Hol lómón ke tendo legmotem yóm tey layagem. Ne yó kem longit seglafin, lómón ke ketefem yóm klamangen tonok.

Kem Lingón 148:4

Bud yóm hol són longit tofi ta, ne yó kem tey él nô tahen, hol gel dóyón ye Dwata se kuy.

Kem Lingón 150:1

Hol dóyón tekuy Dwata. Hol dóyón tekuy Dwata ditu bè yóm kun Gónô. Hol dóyón tekuy yóm alì kfasangen bè longit.

Kem Lingón 19:1

Tódô dilô bè kdéen ton bè longit yóm kegeta Dwata. Tey mtukul kegfanen yóm deng gendeng Dwata.

Kem Lingón 19:2

Tódô ket gel kwasen, lómón ke tendo heglalagen yóm kegeta Dwata. Ne ket kkifuhen, lómón ke bud sensuliten heglalag du yóm tey kegetahen.

Kem Lingón 33:6

Yóm tehe kedlimun Dwata yó kem longit seglafin, tódô lemwót bè udélen. Bud lemwót bè udélen snéen yóm tehe kedlimunen yóm kdaw ne bulón ne yó kem blotik.

Kem Lingón 33:9

Abay se tek bè olo udélen, tódô gónón baling yóm benwu. Bud bè udélen snéen, tódô gónón baling yóm kdéen ton tahen.

Kehedem Tau Tmolok 11:3

Ke alì mfól lobun, ayawen demsù kulón. Yóm koyu, ke hugón esubô duhen ke hugón ebwak, bè yó se gónón masà.

Isaya 40:22

Yó tehe mò du yóm benwu, tek són yóm Dwata myón kmamal senta tonok bè hol gónón geta sentu longit. Bè ktonen yó kem tau te tonok tey le lemnek, lómón ke gulom. Bè yóm tehe kmoen yóm longit, hol lómón ke hnal nes lenulun mò ketef yóm gónó le nô yó kem tau.

Jirimaya 10:10

Okóm uu, Dwata yóm hol gónó mogot, tahuhi Dwata se kóm. Uu se yóm Dwata là matayen, uu se yóm laen dù tul són yóm kegetahen. Ke sok bangem lembut tódô megsinsig yóm klamangen tonok. Gotu le hebnos yó kem tau bè dumu benwu lemwót bè yóm kebutem.

Sikaraya 12:1

Yóm udél Dwata ni, gbak ebè yó kem tau Israél. “Ni se udél yóm Dwata mból longit ne mò tud blóngón tonok ne hlowil tau, monen,

2 Pitér 3:5

Okóm yó kem tau mon du yóm yó koni, deng tódô klifót le yóm tehe kedlimun Dwata yóm longit ne tonok mlan bè udélen. Yóm tonok tehe nmoen, tódô lemwót gu lem él, ne bè él snéen gónón lemwót mowil yóm kdéen mowil te tonok.