Tekang Kbuten 1:5 - Udél Dwata: Gna Kesfasad ne Lomi Kesfasad

⁵ Yó boluyen du yóm layag, “kdaw,” ne yóm kkifuhen, “kifu.” Timbow deng kmoen du yóm yó, ominen kifu ne bud mwas, tu se yóm hol tanay kdaw.

Tekang Kbuten 1:5 Iomraidhean Croise

Tekang Kbuten 1:13

Timbow deng kmoen du yóm yó, ominen bud kifu ne bud mwas, tu se yóm getluhen kdaw.

Tekang Kbuten 1:19

Timbow deng kmoen du yóm yó, ominen bud kifu ne bud mwas, tu se yóm gfaten kdaw.

Tekang Kbuten 1:23

Timbow deng kmoen du yóm yó, ominen bud kifu ne bud mwas, tu se yóm glimuhen kdaw.

Tekang Kbuten 1:31

Omin Dwata bud temngel du yóm kdê deng dlimunen yó, ne tey bong hyu ktonen kul. Timbow deng kmoen du yóm yó, ominen bud kifu ne bud mwas, tu se yóm gnemen kdaw.

Tekang Kbuten 1:8

Yó boluy Dwata du yóm gónón sgawag, “longit.” Timbow deng kmoen du yóm yó, ominen bud kifu ne bud mwas, tu se yóm gewuhen kdaw.

Tekang Kbuten 8:22

Yóm igoen tolo wen benwu, sal gel wen bulón mulu ne wen bulón muta. Wen bulónen tnaw ne wen se bulónen kinì. Wen bulónen mnóng kdaw ne wen se bulónen kmulón. Senflósen wen kdaw ne senflósen wen se kifu.”

Kem Lingón 104:20

Deng nmoem yóm kifu, ne kdê yó kem ógóf lem bnes, gotu le hewà se kul ke deng kifu.

Kem Lingón 19:2

Tódô ket gel kwasen, lómón ke tendo heglalagen yóm kegeta Dwata. Ne ket kkifuhen, lómón ke bud sensuliten heglalag du yóm tey kegetahen.

Kem Lingón 65:8

Tey klikò le kóm yó kem tau bè klamangen benwu lan le mton yó kem hentaw ton gel nmoem. Gotu le hligal mensag yó kem tau mton du lenwóten bè doli tonok kól bè dolihen.

Kem Lingón 74:16

Uu se mò du yóm kdaw ne bulón. Yóm kdaw ne kifu, kóm funen.

Isaya 45:7

Ou se tehe dmimun du yóm layag ne bud ou se tehe dmimun du yóm kifu. Béléu gónón lemwót yóm gel tóbóng ne béléu se gónón lemwót yóm gel gfà. Ou se mò kul ni kem ni, yóm Dwata hol gónó mogot.

Jirimaya 33:20

“Tehe yu ekni, deng tehe wen senfasad me yóm kdaw ne kifu anì hol le gel msut bè yóm kul bantang gel ksut. Yóm tehe kesfasad me yó laen kô dù tau gembek gembà du.

Lista 20:29

Deng tódô tngón yó kem tau Israél yóm deng katay Aron ne botong tlu folò kdaw le kegen le lemangag du.

1 Kurin 3:13

Bè yóm kdaw kdà tekuy bè solu Krays, yó he kegfanen yóm deng leket tekuy du yó koni, ke hyu duhen ke là. Bè yóm kdaw yó, wen ofi gónó le tmilów du yóm gel nmò ket tau, nénég le ke là mlóben.

Ifisus 5:13

Okóm ke deng le kól lem layag, yó he kegfanen bélê le ksideken yóm gel nmò le.

1 Tisalunika 5:5

Yakà deng ye baling tau nô lem gónón lemayag. Là bud tekuy nô lemen ne yóm gónón kmifu.