Tekang Kbuten 1:3 - Udél Dwata: Gna Kesfasad ne Lomi Kesfasad

³ Ne yó udél Dwata, monen, “Dlimunu layag.” Tahu se, tódô sen-gengen se lemayag.

Tekang Kbuten 1:3 Iomraidhean Croise

Tekang Kbuten 2:4

Yó se tehe kmò kedlimun Dwata du yóm longit ne yóm tonok ne yóm kdéen ton. Bè yóm tehe kedlimun yóm sana Dwata hol gónó mogot yóm longit ne yóm tonok,

Job 38:19

Tngónem kô kóm gónón gu lemwót yóm layag, duhen ke gónón e solu yóm kifu?

Kem Lingón 104:2

Hol lómón ke tendo legmotem yóm tey layagem. Ne yó kem longit seglafin, lómón ke ketefem yóm klamangen tonok.

Kem Lingón 118:27

Dwata se yóm gónó tekuy mogot. Tey hyu yóm deng nmoen bélê tekuy. Nbut tekuy yóm kehligal nmò kuy béléen. Mógów ye lemibut yóm gónó ye gel demsù ebè Dwata, kmulóng ye kem ngà hanga koyu.

Kem Lingón 148:5

Yake tódô kdê le gotu dmóyón ke Dwata. Bè yóm tehe kedlimun Dwata kul, olo lemwót bè udélen.

Kem Lingón 33:6

Yóm tehe kedlimun Dwata yó kem longit seglafin, tódô lemwót bè udélen. Bud lemwót bè udélen snéen yóm tehe kedlimunen yóm kdaw ne bulón ne yó kem blotik.

Kem Lingón 33:9

Abay se tek bè olo udélen, tódô gónón baling yóm benwu. Bud bè udélen snéen, tódô gónón baling yóm kdéen ton tahen.

Kem Lingón 97:11

Yó nmò Dwata bè yó kem tau mimón du, sal gel wen layag bélê le, ne gel hefligalen yó kem tau tedeng nmò le.

Isaya 45:7

Ou se tehe dmimun du yóm layag ne bud ou se tehe dmimun du yóm kifu. Béléu gónón lemwót yóm gel tóbóng ne béléu se gónón lemwót yóm gel gfà. Ou se mò kul ni kem ni, yóm Dwata hol gónó mogot.

Isaya 60:19

Bè yóm kdaw kehewau kóm yó, laen dù bud muhem du ne yóm nóng kdaw duhen ke nóng bulón. Abay se ou yóm gónóhem mogot mò layagem laen dù tul sónen. Yóm alì keslinangu, yó se tódô seflós mnóng ebéléem.

Matyu 8:3

Tahu se, na e nenok Jisas yóm tau yó, monen, “Móyóe tmóbóng kóm. Mkó ne desem.” Ne tahu se, tódô sen-gengen se mkó béléen yóm des mifù yóm tau yó.

Kun Snulat Jan 1:5

Yóm layag yó, tódô senflósen lemayag lem gónón kmifu, ne là kô na a gbek kifu hemseng du.

Kun Snulat Jan 1:9

Yóm layag tulónen yó, yó se yóm hol tahu layag gdek lem benwu mò hlayag kdéen tau te tonok.

Kun Snulat Jan 11:43

Timbow deng yóm kni Jisas yó koni, ominen tmaba, hgelen udélen, monen, “Ó Lasarus, hewai.”

Kun Snulat Jan 3:19

Ni se hol gónó tau megtuled. Deng kól lem benwu ne yóm layag. Okóm mom yó nóyô tau yóm gónón kmifu senta yóm layag lemwót bè yóm gel kmò le sidek.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

1 Jan 1:5

Ni sii yóm deng tehe gel gungol me tulón Jisas, yóm Ngà Dwata, ne ni se yóm bud heglalag me bélê ye: Lómó kmoen kun yóm Dwata, lómón ke yóm layag, ne laen kô bang bolen kifu bè yóm layag monu yó, bà udì.

1 Jan 2:8

Bede boluy tô duónen là lomi du nim hlau ni? Yó se gónón lomi bélê ye, abay se deng ton ye ktahuhen lemwót bè yóm kimón Krays du, ne lemwót bè yóm deng kimón ye se kuy minut mkó ne yóm kifu ne deng nbuten se gfan yóm tahu layag.