Tekang Kbuten 1:27 - Udél Dwata: Gna Kesfasad ne Lomi Kesfasad

²⁷ Tahu se, nmò Dwata tau ne heskélen lu béléen. Nmoen logi ne nmoen libun.

Tekang Kbuten 1:27 Iomraidhean Croise

Tekang Kbuten 2:18

Yó bud mon Dwata, “Là hyuhen béléen nim tau nifilu ni ke tek sotuhen. Na mò béléen dumuhen seklóón mò tóbóng lówóhen.”

Tekang Kbuten 2:7

Bè yóm tehe kmò Dwata tau, wen tonok nwahen ne nifilen, henbalingen tau. Ominen myuf lem ilungen yóm nawa mò hlowil du ne tódô mnawa se yóm tau nifilen yó ne sen-gengen se mowil.

Tekang Kbuten 9:6

Abay se bè yóm kmou tau heskélu béléu. Yó gónóm mon, ke wen tau bnonoken ke dumun, yó se bud kun des bnonok.

Kem Lingón 139:14

Tey kdóyónu kóm, Dwata, tey minggel yóm kdê nô bè lówóhu. Tey bong hentaw yóm kdê deng nmoem béléu. Deng hol tngónu se dou yóm ni.

Isaya 43:7

Lu se yó kem hol dou tau. Deng nmou lu mò gónóhu hol megdóyón.”

Jirimaya 29:6

Myehen ye anì hol ye mból. Hyehen ye lu yó kem ngà ye anì mból le se kul. Hol ye hból.

Malakay 2:15

Dwata se deng tehe semsotu kuy yóm libun yehen ye. Yóm lówó ye ne lóyóf ye ke Dwata funen. Yó mu Dwata du yóm kesyehen ye anì wen kem ngà ye mò bud lemolò yó kem hloloen kuy. Yó gónóm mon, hol ye eles temgama, tódô ye hol hteneb bè yóm kuy tahu yehen lemwót bè klomi ye tau.

Matyu 19:4

Bnalà Jisas lu, monen, “Deng hónô senfala ye yóm monen bè Sulat Dwata. Bè yóm hol kbuten nmò Dwata yóm tau, logi ne libun.

Mark 10:6

Okóm bè yóm hol kbuten, bè yóm kedlimun Dwata yóm kdéen, yó monen bè Sulat Dwata, ‘Nmò Dwata yóm tau, logi ne libun.

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Ifisus 4:24

Hol nmò ye dé yóm nmò segtón bè yóm lomi klowil ye, yóm klowil heskél Dwata bè yóm kun kmò. Yó gónón gfan yóm lomi klowil ye, duhen yóm ktedeng nawa ye ne yóm klaen dù belenen sidek yóm gel nmò ye.

Dwata 4:32

Henkna ye dé yóm gnan kdaw, bè yóm kdaw gu laan ye là deng sut he, bè yóm tehe kdaw kifil Dwata tau mò nô te tonok. Hnénég ye dé yóm klamangen benwu. Deng wen kô sut lómón nim sut bélê tekuy ni? Deng wen kô mungol du nim lómónen ni?

Kulasi 1:15

Yóm Dwata, laen kô tau mton du. Okóm bè Krays hol gónó tekuy mton du yóm kun kmò. Gu laanen là deng wen dlimun Dwata he, deng sana kem yó ne ke Krays kun. Laen kô dù bè kdê deng dlimunen ke geta sentahen.

Kulasi 1:26

yóm tulón tehe bunihen bè yó kem kdéen tau gnan ekni, okóm deng hegfanen ni kmoen ni bè yó kem kun tau.

Kulasi 3:10

Deng wen ne yóm lomi klowil tekuy lemwót bè Dwata. Ne yó nmò Dwata, tódô senflósen hembaling du nim lomi klowil tekuy ni efet te baling hol skél bè kun kmò, anì hol tilob kesetngón tekuy ebéléen.