Tekang Kbuten 1:26 - Udél Dwata: Gna Kesfasad ne Lomi Kesfasad

²⁶ Ne yó bud mon Dwata, “Mò tekuy tau dé, mkél bélê tekuy mò mogot yó kem kentihen mowil lem él, ne kentihen móyóng te kmawang ne kentihen kay ógóf, kem ógóf mò tnomò ne kem ógóf nô lem bnes, kewóten bè yó kem lebangen kkólen bè yó kem leneken.”

Tekang Kbuten 1:26 Iomraidhean Croise

Tekang Kbuten 11:7

Hyu ke mnaul tekuy ebélê le,” mon Dwata, “na tekuy sentólóng udél le anì là bud le setngón.”

Tekang Kbuten 2:19

Tahu se, gotu nwit Dwata ebè yóm tau nifilen yóm kentihen deng tehe dlimunen lemwót bè tonok, kentihen ógóf nô te tonok ne kentihen onuk móyóng te kmawang. Ne hmoen du boluy le. Ne yó se buten yóm kwen kul mdengen boluy yóm kdê le.

Tekang Kbuten 3:22

Ne yó bud mon Dwata yóm hol gónó mogot, “Ngem, yóm tau deng baling mkél tekuy, deng tngónen yóm hyu ne deng tódô tngónen se yóm sidek. Là kóen hyu ke ma bè yóm koyu hlowil tau, abay se ke kenen tódô hlós mowil.”

Tekang Kbuten 5:1

Ni se tutul yó kem kun ból Adam. Bè yóm tehe kifil Dwata kem tau, heskélen lu béléen.

Tekang Kbuten 9:6

Abay se bè yóm kmou tau heskélu béléu. Yó gónóm mon, ke wen tau bnonoken ke dumun, yó se bud kun des bnonok.

Job 39:11

Balù bè yóm tey kekgisen, gbekem smalig du kô anì nmoen béléem yóm tey nmò blat?

Job 5:23

Ne baluen ke alì bnotu yóm dnaduhem laen dù gónó le sidek yó kem huluhem. Dalang se yó kem ógóf lóbô lem bnes laen dù bélê le hemsidek kóm.

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

Kem Lingón 149:2

Ó kem tau Israél, hol hnigal ye yóm deng mifil kuy. Dalang se kuy, kem tau bè Jirusalim, hol hnigal ye yóm Hol Geta bélê ye.

Isaya 45:18

Yóm Dwata gónó tekuy mogot, du se dmimun yó kem longit seglafin. Tek sónen du yóm hol Dwata. Bud du se mò yóm tonok ne tey mbegel yóm kmoen du, là kóen mahil sidek. Yóm benwu nmoen yó, là kô henbalingen du benwu là hyu menwu du, okóm henbalingen benwu alì hyu menwu du. Du se yóm gel mon du, “Ou se yóm hol gónó mogot. Laen kô dù dumu dwata, són o.

Isaya 6:8

Ominu mungol yóm udél Dwata, yó monen, “Tau du se bang dóku du? Tau du se bang hógów tekuy du?” Tódô bnalau se, monu, “Ou dé hógówem.”

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Kun Snulat Jan 14:23

Bnalà Jisas, monen, “Yó se tau kembong nawa dou, nimónen yóm dou tolok. Tey angat kbong nawa Mà du snéen kun, ne angat me tódô setnù béléen lewu me Mà.

Kun Snulat Jan 5:17

Okóm yó balà Jisas kul, monen, “Yóm Mà, senflósen mò nmò, là kóen hegnô. Senged se dou, tódô senflósu mò nmò.”

Kul Nmò 17:20

Wen se gel tulónem là deng gungol me du he. Kóyô me ke hol tngón me lanen.”

Kul Nmò 17:26

Tek sotu tau nifil Dwata bè kbuten,” mon Pol. “Yó se gónón lemwót kdéen kay but tau. Hnóen lu bè klamang benwu nmoen. Eles tngónen snéen yó kem benwu gónón hemsù kul yó kem ket but tau, ne tngónen snéen yóm kegen le nô du.

1 Kurin 11:7

Okóm bè logi kun, ke gel mni bè Dwata, là hyuhen ke wen sukuben bè kuluhen, abay se bè yóm kmò Dwata yóm logi, heskélen bè kun knô ne bè kun kmò. Okóm yó dum libun bè yóm kmò Dwata du, heskélen bè kun kmò yóm logi.

2 Kurin 3:18

Duhen yó, kdê tekuy deng hemtahu, deng gfan lem uyó tekuy ne yóm kun keslinang yóm gónó tekuy mogot, ne laen kô dù bud sengen ne. Yóm gfan bélê tekuy yó, hol lemwót gu bè yóm gónó tekuy mogot. Bè yóm igò tekuy temngel ebéléen, igoen hembaling tekuy mò mkél béléen, ngangen mò du efet tekuy hol mkél du. Yóm gónó tekuy mogot yó, du se yóm hol Tulus Dwata.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Ifisus 4:24

Hol nmò ye dé yóm nmò segtón bè yóm lomi klowil ye, yóm klowil heskél Dwata bè yóm kun kmò. Yó gónón gfan yóm lomi klowil ye, duhen yóm ktedeng nawa ye ne yóm klaen dù belenen sidek yóm gel nmò ye.

Kulasi 1:15

Yóm Dwata, laen kô tau mton du. Okóm bè Krays hol gónó tekuy mton du yóm kun kmò. Gu laanen là deng wen dlimun Dwata he, deng sana kem yó ne ke Krays kun. Laen kô dù bè kdê deng dlimunen ke geta sentahen.

Kulasi 3:10

Deng wen ne yóm lomi klowil tekuy lemwót bè Dwata. Ne yó nmò Dwata, tódô senflósen hembaling du nim lomi klowil tekuy ni efet te baling hol skél bè kun kmò, anì hol tilob kesetngón tekuy ebéléen.

Sulat Jim 3:7

Yóm tau gbeken hnalam yó kem ógóf lem bnes, ne yó kem onuk koyu, ne yó kem utón nô lem mohin. Balù yó kem ulal, gbeken hnalam kul.

Sulat Jim 3:9

Bè sumóng tekuy gónón lemwót yóm kdóyón tekuy yóm gónó tekuy mogot, yóm Mà tekuy. Ne bud bè sumóng se gónón lemwót yóm gel kehtolo tekuy kem dumu tau, igò Dwata deng mò du yóm tau, ne heskélen bè kun knô.

1 Jan 5:7

Wen tlu gónó tekuy dmilô du ke du yóm hol Ngà Dwata: