Tekang Kbuten 1:24 - Udél Dwata: Gna Kesfasad ne Lomi Kesfasad

²⁴ Yó bud mon Dwata, “Dlimunu tódô lemwót gu bè tonok yó kem kentihen kay ógóf mò nô talak tonok, kem ógóf mò tnomò ne kem ógóf nô lem bnes, kewóten bè yó kem lebangen kkólen bè yó kem leneken. Ne kdê yó kem dlimunu yó, bè yóm bud kból le tódô sulit bè yóm sana kul kmò.” Ne tahu se, tódô uliten du.

Tekang Kbuten 1:24 Iomraidhean Croise

Tekang Kbuten 1:23

Timbow deng kmoen du yóm yó, ominen bud kifu ne bud mwas, tu se yóm glimuhen kdaw.

Tekang Kbuten 2:19

Tahu se, gotu nwit Dwata ebè yóm tau nifilen yóm kentihen deng tehe dlimunen lemwót bè tonok, kentihen ógóf nô te tonok ne kentihen onuk móyóng te kmawang. Ne hmoen du boluy le. Ne yó se buten yóm kwen kul mdengen boluy yóm kdê le.

Tekang Kbuten 7:14

Ne mung kul kentihen kay ógóf, yó kem ógóf tnomò ne yó kem ógóf nô lem bnes, kewóten bè yó kem lebangen kkólen bè yó kem leneken ne kentihen kay onuk koyu, gotu mung kul.

Tekang Kbuten 8:19

Mung kul yóm kentihen kay ógóf ne kentihen kay onuk koyu deng tehe nwiten elem kafal, bede sal mlan bè ket kayen yóm kmò kehewà le.

Job 39:1

Yó bud udél Dwata ebè Job, monen, “Yó kem kambing lem bnes gel nô bè yó kem bulul geta, deng tngónem kô kóm yóm kdaw ksut blutut le? Deng gtanudem kô kngà yó kem uhu?

Job 39:19

Uu kô, Job, tehe bemlay kul kgis yó kem kudà? Uu kô bemlay du kul yó kem blugal tahà le mò klóón le?

Job 39:5

Tmau du se hlayal kul yó kem kudà asnu lem bnes? Tmau du se htagaw kul anì bliwel le?

Job 39:9

Gbekem hnalam du kô yóm safì lem bnes? Móyô kô ke htungóem bè yóm gónô gónóm gel hemsu ógóf ke kifu?

Kem Lingón 104:18

Yó kem kambing lem bnes, gotu le nô ta yó kem bulul geta. Ne yó kem ungé botu, gotu le hebnos lem sol botu.

Kem Lingón 104:23

Okóm kul yó kem tau, na le e btik mò nmò efet kifu.

Kem Lingón 148:10

Ne kdéen ógóf mayal ne ógóf tnomò, kdéen kmadaw bè tonok ne kdéen onuk koyu, hol gel dóyón ye Dwata se kuy.