Tekang Kbuten 1:20 - Udél Dwata: Gna Kesfasad ne Lomi Kesfasad

²⁰ Yó bud mon Dwata, “Dlimunu kentihen mowil lem él mò nô bè yóm él deng bnusungu anì hol wen nô lemen. Ne dlimunu se kentihen gel móyóng te kmawang anì hol wen móyóng ta.”

Tekang Kbuten 1:20 Iomraidhean Croise

Tekang Kbuten 1:14

Omin Dwata bud mon du, “Dlimunu yó kem mnóng bè longit mò semtólóng yóm kdaw bè yóm kifu, ne mò gónó milô yóm sendaw ne yóm sfalay ne yóm bulón kmò hulu.

Tekang Kbuten 1:19

Timbow deng kmoen du yóm yó, ominen bud kifu ne bud mwas, tu se yóm gfaten kdaw.

Tekang Kbuten 1:21

Tahu se, dlimun Dwata yó kem klambaden utón nô lem mohin dalang se yó kem kentihen mowil gel nô lem él. Ne yó kem kentihen gel móyóng te kmawang, gotu dlimun Dwata lu. Ne kdê yó kem dlimunen yó, bè yóm bud kból le tódô sulit bè yóm sana kul kmò. Ne tey hyu kton Dwata du yóm deng dlimunen yó.

Tekang Kbuten 1:22

Ne wen oluhen kul, yó monen, “Hol ye mból anì hol wen nô lem él ne nô lem mohin, ne anì hol wen móyóng te kmawang.”

Tekang Kbuten 1:30

Okóm bè yó kem ógóf te tonok ne yó kem onuk móyóng te kmawang, deng tey dê kay bnes dlimunu bélê le mò kul ken.” Ne tahu se, tódô uliten du.

Tekang Kbuten 2:19

Tahu se, gotu nwit Dwata ebè yóm tau nifilen yóm kentihen deng tehe dlimunen lemwót bè tonok, kentihen ógóf nô te tonok ne kentihen onuk móyóng te kmawang. Ne hmoen du boluy le. Ne yó se buten yóm kwen kul mdengen boluy yóm kdê le.

Tekang Kbuten 7:21

Tódô kdê yó kem mowil talak tonok gotu le matay. Kdê kem onuk koyu ne kdê kem ógóf ne kdê kem tau gotu le matay.

Tekang Kbuten 8:17

Gotu nitem lu hewà yóm kentihen kay onuk koyu ne kay ógóf deng tehe nwitem anì hol le mngà ne mból talak tonok.”

1 Bok Kem Tau Hol Geta 4:33

Gotu tngónen kdéen gbak bè yó kem hulu, lenwóten bè yóm tey koyu bong boluyen sidar bè Libanun, efet kól bè yóm ngà hulu boluyen hisop gel tmowok bè yóm beng botu deng setngag. Tngónen snéen yóm kdéen kay ógóf ne kdéen kay onuk koyu, ne kdéen kay ulal ne kdéen kay utón él.

Kem Lingón 148:10

Ne kdéen ógóf mayal ne ógóf tnomò, kdéen kmadaw bè tonok ne kdéen onuk koyu, hol gel dóyón ye Dwata se kuy.

Kul Nmò 17:25

Ne laen se kô gónón htóbóng bè tau, abay se laen dù gónón élél. Mom du ne hlowil tau, ne bemlay kul nawa le, ne kdê yó kem wen mu le du.