Tekang Kbuten 1:17 - Udél Dwata: Gna Kesfasad ne Lomi Kesfasad

¹⁷ Suen bè longit yó kem mnóng yó mò lemayag ete tonok,

Tekang Kbuten 1:17 Iomraidhean Croise

Tekang Kbuten 9:13

wen léwés suu bè yó kem lobun te kmawang. Yó se ilô yóm deng fasadu ebè yóm kentihen mowil te tonok, hol fasad laen kô dù tul sónen.

Job 38:12

Kmò kóm se, Job, bè klawihem mowil deng gbekem mdók du kô yóm kdaw anì baling hlafus?

Kem Lingón 8:1

Ó Dwata, yóm hol gónó me mogot, deng tey gfan bè klamangen benwu yóm alì kegeta yóm boluyem Botong gefet ditu ta yó kem longit seglafin yóm tey keslinangem.

Kem Lingón 8:3

Ke gele lengalà ebè longit yóm deng tehe nmoem, tonu yóm bulón ne yó kem blotik deng eles mdengen gónóm hemsù kul.

Jirimaya 33:20

“Tehe yu ekni, deng tehe wen senfasad me yóm kdaw ne kifu anì hol le gel msut bè yóm kul bantang gel ksut. Yóm tehe kesfasad me yó laen kô dù tau gembek gembà du.

Jirimaya 33:25

Okóm ni se balau kul, ‘Là kô bud kenbéu kul ne yó kem dou tau. Yóm là kekbéu kul yó, hol lómón yó se là ketlesu kógów yóm kdaw ne kifu ne tonok ne longit.

Kul Nmò 13:47

Yakà ni du se yóm deng hmò Dwata kum, tehe monen mò kum, ‘Yóm khógówu kuy ni, hol lómón ke yu yóm layag lem blóng yó kem tau là Ju le, anì gefet bè klamangen benwu yóm lan tau gewà gu lem hatay.’ ”