Tekang Kbuten 1:12 - Udél Dwata: Gna Kesfasad ne Lomi Kesfasad

¹² Tódô sut gu lem tonok kentihen tmowok talak tonok. Bè ket tmowok, sal stólóng lem le mò bud tmowok. Ne bè yóm bud ktowok le, tódô sulit bè yóm kul kmò. Ne tey hyu kton Dwata du yóm deng dlimunen yó.

Tekang Kbuten 1:12 Iomraidhean Croise

Tekang Kbuten 1:11

Yó bud mon Dwata, “Dlimunu kentihen kay hulu tmowok gu lem tonok, kem bnes ne kem hulu ne kem koyu. Bè ket hulu tmowok sal stólóng kbungu le ne eles wen lem le mò bud tmowok. Senged se bè koyu mungu, sal eles mung bè bungu le yóm lem le mò bud gel tmowok. Ne bè yóm bud gel ktowok le, tódô sulit bè yóm sana kul kmò.” Tahu se, tódô uliten du.

Tekang Kbuten 1:13

Timbow deng kmoen du yóm yó, ominen bud kifu ne bud mwas, tu se yóm getluhen kdaw.

Kem Lingón 104:14

Gel htowokem yó kem bnes mò nótób yó kem ógóf. Ne wen hulu blayem yó kem tau mò gel htowok le mò gónó le mowil.

Isaya 61:11

Sok deng huluhem yóm lem hulu, hol dohò tmowok se yó. Senged snéen yóm nmò Dwata, yóm Dwata hol dandónen geta gónó tekuy mogot. Angat dohò kehewaen kul yó kem tauhen ne gotu dóyón le Dwata yóm kdéen tau bè klamangen benwu. Là gomongen bè nili yóm tsaptér 62. Yó tulónen yóm kni Isaya bè Dwata gbak bè yóm syudad Jirusalim, yóm deng gotu kegbaen ne ktagak le du. Yó gel boluy le du yó kem dumu, Syudad Deng Tnagak Dwata, duhen ke Tonok Là Hyu Menwu Du. Okóm eles ton Isaya yóm mò kmoen bè hulin kdaw, ne tonen yóm kmò kehgulék Dwata yóm syudad Jirusalim ne yóm bud kehefdaen du. Mon Isaya bè bérs 7, “Hol ye gel mni bè Dwata efet henbalingen Jirusalim hol tótól bè klamangen benwu.” Bè yóm kdaw yó gotu bud sentifun Dwata yó kem kun tau, yó kem deng gotu sekla ebè klamangen benwu. Gotu nwiten lu mulék ne eles wen kem ofol mò blayen kul.

Mark 4:28

Tódô lemwót bè tonok se gónón tmowok yóm lem hulu efet mungu. Tanayen, nan lemsob, ominen dmoun, ngangen ne efet mlem.

Kun Snulat Luk 6:44

Kihu koyu, tódô dilóem bè bunguhen. Yóm koyu semnual, là kóen mungu soging. Dalang se yóm leteng, là kóen mungu kmatì.

2 Kurin 9:10

Dwata se gel bemlay yóm lem hulu mò hulu yó kem tau anì wen ken le. Bud lemwót bè Dwata snéen yóm gel blay tekuy, hol lómón ke lem hulu mò hulu tekuy. Ne bud Dwata se htowok du anì wen tey nuta tekuy.

Glasya 6:7

Bê ye hegsukat knô ye. Laen kô dù tau gemsukat ke Dwata. Yóm tau ke wen huluhen, yó se nutahen.

Hibru 6:7

Bélê tekuy kut kem tau hemtahu, hol lómón ke tonok tekuy. Ke gel hkulón Dwata etahen, ne ke tilob ktowok yó kem hulu nmò yóm funen, bong wen ofolen du, ne tey hyu nawa Dwata bè yóm ktonen du snéen.