Tekang Kbuten 1:11 - Udél Dwata: Gna Kesfasad ne Lomi Kesfasad

¹¹ Yó bud mon Dwata, “Dlimunu kentihen kay hulu tmowok gu lem tonok, kem bnes ne kem hulu ne kem koyu. Bè ket hulu tmowok sal stólóng kbungu le ne eles wen lem le mò bud tmowok. Senged se bè koyu mungu, sal eles mung bè bungu le yóm lem le mò bud gel tmowok. Ne bè yóm bud gel ktowok le, tódô sulit bè yóm sana kul kmò.” Tahu se, tódô uliten du.

Tekang Kbuten 1:11 Iomraidhean Croise

Tekang Kbuten 1:12

Tódô sut gu lem tonok kentihen tmowok talak tonok. Bè ket tmowok, sal stólóng lem le mò bud tmowok. Ne bè yóm bud ktowok le, tódô sulit bè yóm kul kmò. Ne tey hyu kton Dwata du yóm deng dlimunen yó.

Tekang Kbuten 1:29

Blayu kuy kentihen hulu tmowok te tonok ne kentihen bungu koyu mò ken ye.

Tekang Kbuten 2:16

Yó mon Dwata bè yóm tau nifilen yó, “Hyu mken du balù kihu bungu koyu bè nim hungul ni.

Tekang Kbuten 2:5

laen kô dù hulu tonem tahen yóm tonok duhen ke laen dù lem hulu lemsob tahen, abay se là deng hkulón Dwata du he, lelen laen deng tau mò hulu.

Tekang Kbuten 2:9

Tódô kentihen koyu alì tilob mton du gotu htowok Dwata bè yó, hono kem koyu tilob kbungu le. Bè hol gónón sóól yóm hungul nmoen yó, wen sotu koyu mteg bè yó ke gken tau bunguhen tódô hlós mowil. Ne wen bud sotu koyu mteg bè yó ke gken tau bunguhen, tódô tngónen yóm hyu ne tódô tngónen se yóm sidek.

Kem Lingón 1:3

Yó kem tau yó, hol lómón ke koyu mteg hilol él. Ke bud kól bè yóm bulón le mungu, tey kbungu le, ne là kóen na a menes doun le. Lómón yó se kmò le yó kem tau ke tendo lolò le yó kem kun hlau Dwata, bè ket nmò le, sal gfu.

Kem Lingón 147:8

Gbek hlobun Dwata bè klamangen longit, ne hkulónen etalak tonok. Htowoken yó kem bnes gu lem bulul lemnek.

Isaya 61:11

Sok deng huluhem yóm lem hulu, hol dohò tmowok se yó. Senged snéen yóm nmò Dwata, yóm Dwata hol dandónen geta gónó tekuy mogot. Angat dohò kehewaen kul yó kem tauhen ne gotu dóyón le Dwata yóm kdéen tau bè klamangen benwu. Là gomongen bè nili yóm tsaptér 62. Yó tulónen yóm kni Isaya bè Dwata gbak bè yóm syudad Jirusalim, yóm deng gotu kegbaen ne ktagak le du. Yó gel boluy le du yó kem dumu, Syudad Deng Tnagak Dwata, duhen ke Tonok Là Hyu Menwu Du. Okóm eles ton Isaya yóm mò kmoen bè hulin kdaw, ne tonen yóm kmò kehgulék Dwata yóm syudad Jirusalim ne yóm bud kehefdaen du. Mon Isaya bè bérs 7, “Hol ye gel mni bè Dwata efet henbalingen Jirusalim hol tótól bè klamangen benwu.” Bè yóm kdaw yó gotu bud sentifun Dwata yó kem kun tau, yó kem deng gotu sekla ebè klamangen benwu. Gotu nwiten lu mulék ne eles wen kem ofol mò blayen kul.

Jirimaya 17:8

Hol mkél bè yóm koyu mteg hilol él gefet bè él dolilen. Ke bangen kinì kdaw yóm kdawen là kmulón, laen kô dù bang tnafa nawahen. Sana kenawen yóm dounen ne tendo senflósen wen bunguhen.

Matyu 3:10

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu ke là gulit kbunguhen, angat senfeken, ne tódô tudà elem ofi.”

Matyu 6:30

Là kóen tahà se kul klowil yó kem bulók, olo le sut nim kdaw ni, ne bud le menes elem haya, ne tódô bot lu elem ofi. Ke minggel kmò Dwata kul yó kem bulók balù yóm tey kukol klowil le, mom milud he knesen kuy. Tey udì kehtahu ye nim yu.

Mark 4:28

Tódô lemwót bè tonok se gónón tmowok yóm lem hulu efet mungu. Tanayen, nan lemsob, ominen dmoun, ngangen ne efet mlem.

1 Kurin 15:38

Okóm deng eles tngón Dwata ne yóm angat gónón e hembaling du yóm lem hulu yó. Sal stólóng se gónón e hembaling du yóm ket kay lem hulu.

Hibru 6:7

Bélê tekuy kut kem tau hemtahu, hol lómón ke tonok tekuy. Ke gel hkulón Dwata etahen, ne ke tilob ktowok yó kem hulu nmò yóm funen, bong wen ofolen du, ne tey hyu nawa Dwata bè yóm ktonen du snéen.

Sulat Jim 3:12

Laen dù koyu fig ke mungu bungu ulib. Ne laen dù grép ke mungu bungu fig. Ne laen dù él tahu gwahem bè él mohin.