Taytus 1:3 - Udél Dwata: Gna Kesfasad ne Lomi Kesfasad

³ Deng eles bnutengen yóm keheglileben du bè kem tau yóm klowil laen dù sónen yó, hlanen bè yóm tulón lemwót béléen. Ne nim tulón ni, deng sigangen tahu, duhen yó sem tendo tulónu ebè kem tau. Ni se yóm hmò Dwata dou, yóm Dwata deng lemwà tekuy gu lem hatay.

Taytus 1:3 Iomraidhean Croise

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Isaya 45:15

Yóm Dwata yó kem tau Israél yóm lemwà kul, du se yóm Dwata là ton du.

Isaya 45:21

Géhél ye stifun anì snabà ye yóm kkukumu kuy. Eles ye stulón són yu. Tau du de deng gna eles tmulón du yóm kegbà Babilun yó? Kaem ou se yóm eles tmulón du, yóm Dwata gbeken lemwà yó kem tauhen. Laen kô dù dumu dwata bè klamangen, tek sotuhu.

Danyél 8:23

Ke deng moni yóm hol són yóm kul kyón yó kem tau hol geta yó ne ke deng gulé yó kem salà gel nmò le, wen sotu tau hol geta alì lóbô bud sut, yóm tau hol geta alì hulung smukat, du bud tles myón.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Hbakuk 2:3

Okóm yóm htonu kóm ni, olohem na smulat du abay se là deng ni du he ksuten, bede angat hol dohò. Ke malù legen ksuten, nahem hol nangat, abay se ke deng kól yóm kdawen, là kóen ganggà.

Mark 1:15

Yó gel tulónen, monen, “Ni se deng bang kgefeten yóm kuy kdaw. Móyónen hto ne yóm buteng Dwata mogot tau. Hegsel ye ne, knogol ye lu ne yó kem sidek gel nmò ye, ne hol hentahu ye yóm Tulón Hyu lemwót bè Dwata.”

Mark 13:10

Bede nan glalag bè kdéen tau bè klamangen benwu he yóm Tulón Hyu yó, ominen yó kól yóm hol són kdaw.

Mark 16:15

Omin Jisas bud mon du mò kul, “Mógów ye do ebè klamangen benwu, na ye e tulón bè kdéen tau yóm Tulón Hyu lemwót bè Dwata.

Kun Snulat Luk 1:47

ne tey kehyu nawahu ebè Dwata, yóm deng lemwà do gu lem hatay.

Kul Nmò 10:36

Deng tngón ye yóm tulón hwit Dwata ebè yó kem tau Israél, duhen yóm Tulón Hyu mò lan tau mit sefyu ebéléen hlanen bè Jisas Krays, yóm hol gónó le mogot yóm kdéen tau.

Kul Nmò 17:26

Tek sotu tau nifil Dwata bè kbuten,” mon Pol. “Yó se gónón lemwót kdéen kay but tau. Hnóen lu bè klamang benwu nmoen. Eles tngónen snéen yó kem benwu gónón hemsù kul yó kem ket but tau, ne tngónen snéen yóm kegen le nô du.

Sulat Pol Ebè Yó Kem Tau Hemtahu Bè Rom 15:19

duhen yó kem hentaw ton gel hmoen do, ne yóm tey kfasangen bélê le yóm Tulus Dwata. Tehe lemwót bè syudad Jirusalim efete kól ditu bè yóm sotu prubinsya Ilirikum, gotu hetngónu bélê le yóm Tulón Hyu gbak ebè Krays.

Sulat Pol Ebè Yó Kem Tau Hemtahu Bè Rom 16:25

Hol dóyón tekuy dé Dwata. Du se yóm gembek hol hbegel kuy bè kehtahu ye hlanen bè yóm Tulón Hyu gel nitu gbak ebè Jisas Krays. Nim Tulón Hyu ni, ni se yóm tehe gbuni bè yó kem tau gnan ekni.

Sulat Pol Ebè Yó Kem Tau Hemtahu Bè Rom 16:26

Okóm nim kmoen ni, deng hetngón Dwata hlanen bè yóm deng snulat yó kem tehe tugoden ekni. Yó hol hmò Dwata kum, hol hetngón me nim tulón ni ebè kdéen tau bè klamangen benwu anì hemtahu le, ne nimón le snéen. Ni se hol kun kóyô yóm Dwata laen dù tul katayen.

Sulat Pol Ebè Yó Kem Tau Hemtahu Bè Rom 5:6

Yóm tolo knô tekuy lem salà, là kô gbek tekuy lemwà knô tekuy. Okóm bè yóm kehto yóm buteng Dwata du, fen tódô matay bélê tekuy Krays.

1 Kurin 9:17

Ke tódô dou lenbù nmò nim ni, knóón ke gmutahe du sukéy. Okóm ni se hmò Dwata do, ne tey mget ksigangen du tahu.

Glasya 4:4

Okóm yóm kehto yóm buteng deng tehe fét Dwata, tódô hógówen yóm hol kun Ngà mò na a hbaling ngà tau, bede nan sut bè libun. Bè yóm deng kbongen nim Ngà ni, tódô gotu loloen yóm kum hlau kem tau Ju.

Ifisus 1:10

Yó atulen, duhen yóm gotu kessotuhen gónó le kmulu yó kem kentihen nô bè longit ne kentihen nô te tonok. Ne yó gónó le mogot, duhen Krays. Gotu nmoen nim atulen ni sok deng hto yóm butengen mò du.

Ifisus 2:17

Duhen yó, yó gónón sut Krays anì hetngónen tekuy yóm Tulón Hyu mò lan tekuy mit sefyu ebè Dwata. Hetngónen kuy yu kem tau là Ju le, kem tau tehe mayuk bè Dwata. Bud hetngónen kum mi kem tau Ju, kem tau tehe moni béléen.

Flipay 1:13

Balù yóm kdéen sendalù yóm tau hol geta bè ni, dalang se yó kem dumu tau bè ni, gotu tngón le ou se sotu tóbóng lówó Krays, yó se but yóm gónóhu geblanggù.

Kulasi 1:23

Song tahu eta ye nim ni ke là monol nawa ye bè yóm kehtahu ye. Yó gónóm mon, hbegel ye yóm kehtahu ye anì là sliwo kehedem ye du yóm hendón nefet nawa ye lemwót bè yóm Tulón Hyu deng gungol ye. Nim Tulón Hyu monu ni, deng gefet bè kdéen tau bè klamangen benwu ne, ne ou Pol sotu tóbóng lówó Dwata mò fen heglalag du.

Kulasi 1:6

Yóm Tulón Hyu yó, tódô senflósen tmóbóng tau ne tódô senflósen se mból ebè yó kem dumu benwu. Hol lómón se yóm deng gendengen lem blóng ye lemwót bè yóm hol tanay kdaw kungol ye du yóm kun tóbóng Dwata, ne yóm kegnóm ye yóm kehyuhen bélê ye.

1 Tisalunika 2:4

Okóm yóm gel tulón me, sal gel lemwót bè kun kóyô Dwata, abay se deng néléken mi, ne deng sigangen ta me yóm Tulón Hyu. Yó gónóm mon, là kô tau du yóm hefligal me, kaem Dwata yóm fen hemklol du yóm hol nô bè nawa me.

1 Timuti 1:1

Ou se Pol gónóhen lemwót nim sulat ni. Ou se sotu tau fen gel hógów Krays Jisas. Nim kógówu ni, hol lemwót bè Dwata, yóm deng lemwà kut gu lem hatay, ne Krays Jisas, yóm tendo hendón nangat te.

1 Timuti 1:11

Yóm monu tahu tolok ni, yó sem Tulón Hyu deng sigang Dwata tahu mò hetngónu ebè yó kem tau. Nim Tulón Hyu ni, lemwót bè Dwata, yóm hol hyu bè kdéen, yóm knóón dmóyón du.

1 Timuti 2:3

Tey hyu se ke lómón ni yóm gel nmò te, ne tey hligal du Dwata snéen, yóm deng lemwà tekuy gu lem hatay.

1 Timuti 4:10

Yó gónóhu hol hmotu són gelu mò du yóm deng hmò Dwata dou, abay se du se mò nefet nawa te, yóm Dwata là wen tul katayen. Yakà deng lenwaen kdéen tau gu lem hatay, sélétem ne bè yó kem tau deng hemtahu.

2 Timuti 4:17

Okóm yóm gónó tekuy mogot, là kô bayaen dou, ne du fen temgel nawahu anì hol gotu gtulónu yó kem tau là Ju le bè yó yóm mò lan le gewà gu lem hatay. Ne deng lenwà Dwata ou bè yóm tô khatay le do.

Taytus 2:10

ne bê le se abay tódô temsob. Yake lu dé yóm tau hol mfesek anì seklóón ebè yóm gel nmò le yóm dnalang le gbak ebè Dwata, yóm deng lemwà tekuy gu lem hatay.

Taytus 2:13

Ni se hol nmò tekuy yóm igò tekuy semsangat du yóm kdaw hendón nefet nawa te, duhen yóm kdaw kesfuléken edini Jisas Krays, yóm Dwata tekuy, yóm deng lemwà tekuy gu lem hatay. Angat hol gfan bè yóm kdaw yó yóm alì kegetahen.

Deng Hegfan 14:16

Tahu se, gmalab yóm myón ta yóm lobun, ne sulék nutahen yóm klamangen benwu.