Sifanaya 3:2 - Udél Dwata: Gna Kesfasad ne Lomi Kesfasad

² Laen dù udél hnungol le, balù udél Dwata. Là kô le móyô ke wen tô hemtedeng kul. Là smalig le bè Dwata ne là se kô le hloni ebéléen.

Sifanaya 3:2 Iomraidhean Croise

Nihimaya 9:26

Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

Kem Lingón 10:4

Lemwót bè yóm alì kehegmón le, là kô le móyô mebel ke Dwata. Yó hendem le, “Laen kô dù Dwata.”

Kem Lingón 50:17

Yakà deng kenbê ye du yó kem dou hlolò kuy, ne là kô hnungol ye du yó kem dou udél ebélê ye.

Kem Lingón 73:28

Okóm béléu, alì hyu gemnóm du yóm kehlonihu ebè Dwata anì naw e heklung béléen, yóm Dwata hol gónó mogot. Tey hyu gemnóm du snéen yóm gel keheglalagu du yóm kdê gel nmoen.

Kem Lingón 78:22

abay se là kô hentahu le ke Dwata, ne là kô snalig le du yóm kesegyoken kul.

Kem Udél Hlalak Tehe Selumun 1:7

Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.

Kem Udél Hlalak Tehe Selumun 5:12

Mom yó he kmonem du, “Yake tehehe móyô hnau ne yake tehe nimónu yóm kul gel kbólów dou.

Isaya 1:5

Moen de ke tendo gel knogol ye Dwata? Móyô ye bud tnafak kô? Tey kem tau Israél, bè ktonu kuy lómón ke deng tfeng halì kulu ye. Là buden hyu knawa ye ne kehedem ye.

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

Isaya 43:22

Bud mon Dwata, “Okóm kuy kem tau Israél, deng ye tmakas béléu, là bud ye tmaba ebéléu.

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

Jirimaya 22:21

Yóm hanà tolo kegenem kwasa deng wen eles hetgamahu kóm, okóm là kô dog hnungolem dou. Tódô nbuten bè kegenem hanà ngà deng kem sana yó ne yóm kóm kmò, là kói móyô hmungol.

Jirimaya 32:33

Deng knogol le ou yóm kdê le là bud le móyô semfulék. Tódô senflósu tmolok kul yóm hyu, tnódónem là kô le móyô hmungol, là kô le móyô mimón.

Jirimaya 35:13

“Ni se udél yóm Dwata laen dù là gbeken du, yóm Dwata yó kem tau Israél, monen, Holi mógów ebè yó kem tau bè Juda ne bè Jirusalim, monem mò kul, ‘Ngem wen dnalang ye bè yóm là kimón ye dou.

Jirimaya 35:17

Yó gónóm mon, ni se udél yóm Dwata laen dù là gbeken du, yóm Dwata yó kem tau Israél, monen, Lemwót bè yóm là kóyô ye hmungol dou ke tnabahu yu, tenbóhu eta yó kem tau bè Juda ne eta yó kem tau bè Jirusalim kdê yó kem hlayam deng eles bantaku kul.”

Sifanaya 1:6

Angat gotu nmou són le yó kem tau deng kmogol dou, là kô le bud hloni ebéléu ne là se kô le bud halak béléu.”

2 Timuti 3:16

Kdê yó kem Udél Dwata deng tehe hsulaten, tey wen muhen bè yóm gel ktolok yóm ktahuhen, ne bè yóm gel kbólów yóm tolok sekban, ne bè yóm gel kestódô yó kem tau deng gesyat, ne yóm kehlau yó kem tau bè yóm kmò kwit le ktau le.

Hibru 10:22

Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.