Sifanaya 3:1 - Udél Dwata: Gna Kesfasad ne Lomi Kesfasad

¹ Yó udél Sifanaya, monen, “Angat tey sidek kegbaen yóm syudad Jirusalim. Hono kem tau là mimón ke Dwata yó kem tau nô lemen. Hono tau tendo gel mò sidek, balù kul kwen gel hen-gnok le.

Sifanaya 3:1 Iomraidhean Croise

Isaya 30:12

Okóm ni se kun udél ebélê le yóm Dwata yó kem tau Israél yóm Dwata laen dù belenen, monen, “Là kenmón ye du yóm dou udél. Tódô snalig ye yóm kehsidek ye tau ne yóm ksukat ye kul.

Isaya 5:7

Yó kem tau Israél lómón ke tonok gónó Dwata mò hulu, yóm Dwata laen dù là gbeken du. Ne yó kem tau semfu gu bè tehe Juda lómón ke lu yóm grép huluhen. Yó hendónen bélê le ke hyu nmò le okóm là. Mom yó nmò le deng le mom monok. Hendónen bélê le ke tedeng yóm kwit le kukum okóm là. Deng mom yó gungolen taba yó kem tau là tedeng kwit le kul. Là gomongen bè nili yóm bérs 8 kól bè 30. Lem ni kem bérs ni yó tulón Isaya yóm khilu dulék Dwata mon du, “Là megewu nawan gemlà kul.” Deng gotu listahen salà yó kem tau. Bérs 8-10 Yóm udélen ebè yó kem tau tendo hlamang tonok anì laen dù gónó le nô kem dumu. Bérs 11-17 Udélen ebè yó kem tau alì móyô mken ne minum okóm balù udì ke hendem le yó kem nmò Dwata. Bérs 18-19 Udélen ebè yó kem gel mò kéng ne hemlò ke Dwata yóm gel mon du, “Géhél htonem kum kun ke wen gbekem. Móyô me mton du ke wen atulem.” Bérs 20 Udélen ebè yó kem tau mon du, “sidek yóm hyu ne hyu yóm sidek.” Bérs 21 Udélen ebè yó kem tau hemdem du, tey le temngón. Bérs 22-23 Udélen ebè yó kem tau gel ma mò wa nawa, fen hewà le yó kem tau wen salaen ne fen tnafak le yó kem tau laen dù salà le. Lemwót bè yóm kdê salà le ni, gotu htaba Dwata yó kem dumu benwu mò na a gembà yóm benwuhen ne yó kem tauhen.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Jirimaya 22:17

“Okóm kóm Jihuyakim, teyi seglom, geli tmulón kéng. Gel hnatayem yóm tau laen dù salaen ne gel hen-gnokem yó kem tau élél ne tey sidek kwitem kul yó kem tauhem.”

Amus 3:9

Ni mò eles heglalag ye bè yó kem tau malak bè Idyip ne bè syudad Asdod, mon ye mò kul, “Hol ye stifun bè yó kem bulul bè Samarya, tenngel ye yóm tey kesbewegen bè yóm benwu yó ne yóm tey kmò le sidek lemen yó kem tau Israél bè yó.”

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Mika 2:2

Yó kem tau matul mò sidek yó, ke nóyô le ma tonok sotu tau, tódô nled le. Ke nóyô le gónô kem dumu le, tódô nwa le. Laen kô dù tau menek kkimuhen bélê le.

Sikaraya 7:10

Bê ye abay hen-gnok yó kem libun bolu ne yó kem ngà hikit, dalang se yó kem tau milo elem blóng ye ne yó kem tau élél. Hol bê ye abay mò atul sidek ebè kem dumu ye.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.