Sifanaya 2:8 - Udél Dwata: Gna Kesfasad ne Lomi Kesfasad

⁸ Yó bud udél yóm Dwata laen dù là gbeken du, yóm Dwata yó kem tau Israél, monen, “Deng gungolu yóm tendo kehnê kem tau Muab ne yó kem tau Amun yó kem dou tau ne deng tonu yóm kalu le mled yóm tonok le.

Sifanaya 2:8 Iomraidhean Croise

Tekang Kbuten 19:37

Tikóng mngà yóm twogu ne logi yóm ngaen, yó boluyen du Muab. Du se gónó le gu semfu yóm kdéen tau Muab ni kmoen ni.

Tekang Kbuten 19:38

Ominen bud mngà logi se kun yóm twoli, yó boluyen du Binami. Du se kul gónó gu semfu yó kem tau Amunayt ni kmoen ni.

Jirimaya 12:14

Yó udél Dwata, monen, “Ni se udélu ebè yó kem tólóng tau sidek nmò le deng tô mled yóm tonok tehe blayu bè yó kem dou tau Israél. Angat gotu kendutu lu ta yóm kul tonok lómón yóm angat kekdutu yó kem tau bè Juda ta yóm kul tonok.

Isikél 36:2

Ni se udél yóm sana Dwata hol dandónen geta, monen, Yó udél le heklabak yó kem hohon ye, mon le, ‘Wóyón dé, deng tekuy funen ne yó kem bulul legen bè Israél.’

Amus 1:13

Yó bud udél yóm sana Dwata hol gónó mogot, monen, “Deng tendo sensulit le mò sidek yó kem tau bè Amun, là gbeku du ke là tnafaku kul. Bè yóm kundug le ebè benwu Gilyad anì hlamang le yóm són tonok le, mom gotu snifal tnibó le yó kem libun mlutut bè yó.

Amus 2:1

Yó bud udél Dwata, monen, “Deng tendo sensulit le mò sidek yó kem tau bè Muab, là kô gbeku du ke là tnafaku kul. Gotu genbà le yóm lebeng yóm tau hol geta bè Idom ne gotu dnutung le kem tiolen efet baling kohù.

Sifanaya 2:10

Yó se balà yóm alì keheklabak yó kem tau Muab ne yó kem tau Amun, yakà deng hennê le yó kem kun tau yóm Dwata laen dù là gbeken du.

Juswa 5:9

Yó bud udél Dwata ebè Juswa, monen, “Kemdaw ni henwósu ta ye yóm tehe kyak ye bè yóm tehe keghesek ye bè Idyip.” Ne yó gónó le moluy du Gilgal yóm benwu yó efet ni kmoen ni.