Sifanaya 2:7 - Udél Dwata: Gna Kesfasad ne Lomi Kesfasad

⁷ Bè yó angat gónó le hótób ógóf le yó kem dù tau mowil bè Juda. Ke sok kifu gel le tungô bè yó kem gónô gtebel laen dù tauhen bè Askilun. Abay se yóm sana kul Dwata hol gónó mogot, là kô nan e klifót kul ne bud hen-guléken klowil le.”

Sifanaya 2:7 Iomraidhean Croise

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

Kem Lingón 80:14

Beklili ebélê me, Dwata, yakà uu du yóm Dwata laen dù là gbeken du. Temngeli gu dyó bè longit edini laan bélê me, géhél lenwaem mi kem kóm tau.

Kem Lingón 85:1

Ó Dwata, deng tódô kokem eta yóm tonokem yóm tóbóng là deng wen hnikót mton du. Deng bud hen-gulékem klowil me mi kem tau Israél.

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Isaya 14:1

Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Isaya 32:14

Balù yóm gónô bong yóm tau hol geta bélê ye, angat gotu tódô sentagak le. Yóm yê yó kem syudad ye, laen kô dù bud tauhen. Yó kem gónô bè yó ne yó kem gónô gónó le gel mentey yó kem sendalù ye, angat gotu gbà. Són yó kem kudà tabag ne yó kem ubiha bliwel mótób bè yó.

Jirimaya 23:3

Okóm yó angat nmou bè yó kem dou tau, gotu bud sentifunu lu yó kem dù tebel bè yó kem benwu deng tehe gónóhu e semkla kul. Gotu bud nwitu lu semfulék ebè yóm tehe kul benwu ne angat tey bud kból le bè yó.

Jirimaya 29:10

“Bè ktahuhen, na ye na hitu folò halay he nô bè Babilun. Kogolen bè yó, bud nwitu yu semfulék ne nmou bélê ye yó kem hyu deng fasadu kuy.

Jirimaya 29:14

Tahu se, angat ton ye o,” mon Dwata. “Angat bud nwitu yu semfulék ebè yóm hol kuy benwu. Angat gotu sentifunu yu gu bè yó kem benwu deng gónów e semkla kuy, nwitu yu semfulék ebè yóm hol kuy benwu.”

Jirimaya 3:18

Bè yóm kdaw yó, angat le slomong mulék yó kem tau tehe lemwót bè Juda ne yó kem tau tehe lemwót bè Israél, mulék le gu bè yóm benwu fi bwak tehe gónó le e megef kul. Gotu le mulék edini eta yóm tonok tehe fasadu yó kem fù le ekni mò hlós nfun le.

Jirimaya 30:3

Abay se angat wen kdawen bud kehguléku klowil le yó kem dou tau bè Israél ne bè Juda. Bud nwitu lu semfulék eta yóm tonok tehe blayu yó kem tehe fù le ne angat kul yóm tonok ni bud le nô tahen. Ou se Dwata nim mudél ni.”

Jirimaya 31:7

Ni bud udél Dwata, monen, “Hligal ye semngal gbak bè yó kem tau Israél. Mensag ye dé bè yóm kdóyón ye kul yó kem tau alì tnóbóng Dwata bè kdéen tau talak tonok. Hgel ye udél ye dmóyón kul, mon ye, ‘Ó Dwata, hol hewaem yó kem tauhem. Hol hewaem yó kem dù tebel bè yó kem tau Israél.’

Jirimaya 32:44

Okóm bè yóm hulin kdaw, bè tonok Bindyamin ne bè ni bè Jirusalim ne bè yó kem benwu bè Juda ne bè yó kem benwu lemnek lem bulul ne bè yó kem but bulul bè Juda ne bè Négéb snéen, angat wen bud sebli tonok du nmò le gónó fema ne denket le ne wen kem gemtanud du. Yakà wen he kdawen bud kehguléku klowil yó kem dou tau. Ou se Dwata nim mudél ni.”

Jirimaya 33:12

Yó udél yóm Dwata laen dù là gbeken du, monen, “Yóm benwu là hyu bud menwu du nim kmoen ni, laen dù tauhen kkólen bè yó kem ógóf deng le gotu lana, angat bud wen kem tau semgyok ubiha nô du.

Jirimaya 33:7

Angat bud hen-guléku klowil le yó kem tau bè Juda ne yó kem tau bè Israél. Gotu bud hdau yó kem syudad le.

Husiya 6:11

Dalang se kuy kem tau bè Juda, deng bnutengu ne yóm ktafaku kuy lemwót bè yó kem sidek deng gel nmò ye.” Là gomongen bè nili yóm tsaptér 7 kól bè tsaptér 10. Yó tulónen bè ni kem tsaptér ni yóm kbólów Husiya yó kem tau Israél bè yóm ktaba le ebè yó kem dwata kéng, lel le bud demsù ebè Dwata. Yó mung bè yóm gel ktaba le ebè yó kem dwata kéng, gel le stungô bè yó kem libun hdóyón Baal, lel le gel hlengel. Yó mò kul yó kem tau Israél, lana bélê le yóm khulung le hedem. Bè yóm salà nmò le ni gónó Dwata alì tmafak kul. Angat heglaen yóm benwu le ne hegefen lu bè yó kem tau Asirya.

Ubadaya 1:19

Ominen yó, yó kem dou tau nô bè benwu Négéb fi leged, angat gotu gfun le yó kem bulul bè Idom. Yó kem tau menwu bè but henfek bè benwu Juda fi desdef, angat gfun le yóm datal yó kem tau Flistin dalang se yóm tonok Ifraim ne tonok Samarya. Ne yó kem sfu Bindyamin, angat gfun le yóm tonok bè Gilyad.

Mika 2:12

Yó bud udél Dwata ebélê le, monen mò kul, “Okóm yu kem dù tebel bè yó kem tau Israél, hulin kdaw gotu bud sentifunu yu. Gotu bud nwitu yu semfulék lómón yó kem ubiha bud mulék ebè yóm hol kul gónó nô ne lómón yó kem ógóf bud mótób bè yóm hol kul gónó mótób. Yóm benwu ye, angat tey bud genged tauhen.”

Mika 4:10

Ó kem tau bè Jirusalim, hol ye mngawóy dé lómón yóm libun kmuleng blututen, abay se deng bang ktebel ye du ne yóm syudad ni, ditu gónó ye bud kmamfù bè yó kem lan. Angat negef le yu etu bè benwu Babilun. Okóm bè yó gónó Dwata bud lemwà kuy gu lem hólól yó kem hohon ye, ne bè yó bud gónón msok kuy.

Mika 4:7

Yó kem tau tugô tehe negef le yó, angat nmou lu kem tau dù tebel. Angat tey kehbólu kul, lelu bud hbegel kbenwu le. Ominen ou yóm angat mogot kul bè Bulul Sayun ne laen kô dù tul sónen yóm kogotu kul.”

Sifanaya 2:9

Yó gónóm mon, lemwót bè yóm là katayu, yó gónón dohò yóm udél deng monu, Angat genlau yó kem tau Muab ne yó kem tau Amun, lómón yóm tehe tódô sulék keglau yó kem tau bè yóm benwu Sodom ne Gmura. Yó angat kmou yóm kul tonok ni kem tau genlau ni, angat tódô tfeng tahen bnes semnual ne angat baling hono sol gónó le ma kahì, tonok laen dù bud muhen kól bè laen dù tul sónen. Yó kem dou tau dù tebel, angat wen megef yó kem kimu le ne gotu nwa le yó kem tonok le.”

Sifanaya 3:13

Yó kem dù tau Israél tebel yó, là kô le mò sidek bè kem dumu le, là kô le mò kéng ne là kô le smukat. Tey menek klowil le ne menek ktungô le ne laen kô dù bud tau hmikò kul.”

Sifanaya 3:20

Bè yóm kdaw yó, angat sentifunu yu ne bud nitu yu semfulék ebè yóm sana kuy benwu. Htótólu yu bè klamang benwu talak tonok ne ya tey kdóyón le kuy bè yóm bud khuléku du ebélê ye yóm tey kehyu klowil ye. Angat hol kuy mata se mton du nim ni. Ou se Dwata nim mudél ni.”

Hagay 1:12

Duhen yó, lemwót Sirubabél ne Juswa ne kdê yó kem tau deng mulék gu bè Babilun yóm benwu tehe megef kul, tódô gotu nimón le yóm dók Dwata kul. Tey klikò le, ne nimón le yóm udél Dwata ebélê le hlanen bè Hagay yóm tugoden.

Hagay 2:2

Bud hógówen Hagay ebè Sirubabél yóm gubérnor bè Juda ne ebè Juswa yóm geta bè yó kem gel demsù ebè Dwata ne ebè kdéen tau. Yó udél hwit Dwata ebélê le, monen mò kul,

Kun Snulat Luk 1:68

“Hol dóyón tekuy Dwata, yóm gónó tekuy mogot yóm kdê tekuy kem tau Israél. Yakà deng bud tnóbóngen tekuy kem kun tau, ne deng lenwaen tekuy.

Kun Snulat Luk 7:16

Tódô le se gotu likò yó kem tau mton du, mung du yóm tey kdóyón le ke Dwata, mon le, “Deng sut lem blóng tekuy yóm tugod Dwata alì mfasang.” Mon kem dumu, “Deng kól lem blóng tekuy ne Dwata nan e lenwà kem kun tau.”

Kul Nmò 8:26

Sotu kdaw bè yó, wen hógów Dwata lemwót gu bè longit gdek bè Filip, ne monen mò du, “Géhéli ne, mógówi mool, loloem yóm lan lemwót bè Jirusalim mógów ebè benwu Gasa.” Uma là klet lolò tau du yóm lan yó ni kmoen ni.

Kul Nmò 8:40

Là seknahem ke Filip kun, deng sana gefet bè yóm benwu Asdod. Yó gel nmoen, tódô keten yó kem benwu gónón tmulón du yóm Tulón Hyu efet kól bè yóm syudad Seseriya.

Sulat Pol Ebè Yó Kem Tau Hemtahu Bè Rom 11:5

Ne senged se nim kmoen ni. Wen se kem tau hemtahu, okóm là hol le wen. Deng tódô nélék Dwata lu lemwót bè yóm tey nawahen kul.

Rut 1:6

Timbow legen udì bè yó, gungol Numi yóm tey bud któbóng Dwata yó kem tauhen, yóm tey kehbunguhen yó kem hulu le. Yó gónón htifes mulék ebè yóm kun benwu, mung du yó kem lewu towuhen.