Sifanaya 2:1 - Udél Dwata: Gna Kesfasad ne Lomi Kesfasad

¹ Yó udél Sifanaya ebè yó kem tau bè Juda, monen, “Géhél ye stifun kem tau laen dù yak, gotu ye stifun yóm kdê ye.

Sifanaya 2:1 Iomraidhean Croise

2 Tutul Israél 20:4

Tahu se, tódô kdéen tau nô bè yó kem benwu glem lem Juda, gotu le stifun ebè Jirusalim mni le bè Dwata bè yó.

Nihimaya 8:1

Bè yóm ghituhen bulón, deng le gotu henek ne bè yó kem kul benwu yó kem tau Israél lomi mulék. Bè yóm tanay kdaw bè yóm bulón yó, gotu le stifun bè Jirusalim bè yóm plasa moni bè yóm bak tikeb boluy le du Bak Tikeb Él. Yó nmò le, hwa le ke Isra yóm bok gónóhen nô yó kem Hlau Dwata, yó kem hlau tehe blay Dwata yó kem tau Israél hlanen bè Musis. Nim Isra ni, tau gel blóng ebè Dwata ne megdidif ketngónen du yóm hlau Dwata.

Nihimaya 9:1

Bè yóm gewuhen folò fat kdaw bè yóm bulón yó, gotu le bud stifun yó kem tau Israél. Bè yóm kestifun le ni là mken le, gotu le lemsek nes sakù ne hensù le kfung ta kulu le mò gónó le hegfan yóm tey kegbeng lem le.

Istér 4:16

“Gotu sentifunem kdéen Ju bè Susa anì gotu ye fasting. Hol bê ye tagad mken duhen ke minum lem yóm tlu buteng. Senged se dou ne yó kem ngà libun gel tóbóng lówóhu bud nmò me se kum. Sok deng yó, mógówe ebè tum tau hol geta baluen ke nuléhu yóm udinen. Ke mataye du nim nmou ni kem kunen ne.”

Jirimaya 6:15

Kenyak le kô nim sidek nmò le ni? Là. Là kô kenyak le du, balù udì ke ton bélê le ke wen kyak le. Yó gónóm mon, angat le gotu mung masà lem blóng yó kem tau matay bè gida. Gotu le matay ke deng tnafaku lu mlan bè kebutu,” mon yóm sana Dwata hol gónó mogot.

Juwél 1:14

Eles heglalag ye yóm sotu kdaw htólóng ye mò kdaw ye fasting mni bè Dwata. Hol htaba ye yó kem tau anì na ye gotu stifun tmaba ebè Dwata. Nwit ye yó kem tuha gel malak dalang se yóm kdéen tau bè Juda, nwit ye lu elem Gónô Dwata, omin ye hol hkodu mni tóbóng bè yóm sana kuy Dwata hol gónó mogot.

Sifanaya 3:5

Okóm yóm Dwata, sana knóen bè yó lem syudad le, laen kô dù sidek nmoen. Tódô ket kdawen mò du yóm tedeng bè yó kem kun tau, okóm là kô dilô le du. Laen kô gónó le myak yó kem tau gel mò sidek.”

Matyu 18:20

Baluen he ke tek lewu duhen ke tlu tau stifun mlan bè dou boluy, senged knóu bélê le.”