Sifanaya 1:7 - Udél Dwata: Gna Kesfasad ne Lomi Kesfasad

⁷ Bê ye abay mudél bè solu yóm Dwata hol dandónen geta, yakà móyónen kól ne yóm kdaw kkukum Dwata tau. Deng eles fan Dwata lu yó kem tauhen mò hfatayen ne deng eles tinoken yó kem hohon le mò gemlà kul.

Sifanaya 1:7 Iomraidhean Croise

Kem Lingón 46:10

Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”

Isaya 2:12

Bè yóm kdaw yó, gotu heglaan Dwata yó kem tau alì mfasang, yó kem tau hegmón, yó kem tau hegeta knô. Yó se angat nmò yóm Dwata laen dù là gbeken du.

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Juwél 1:15

Deng mdulen ne yóm kun kdaw Dwata, yóm kdaw nan e kegbà klamangen yóm Dwata laen dù là gbeken du. Tey sidek knikò yóm kdaw yó.

Juwél 2:11

Bè yóm igò Dwata malak kul, tódô mensag. Ya tey kwen le yó kem nwiten ne gotu nimón le yóm kdê dóken kul. Tey kenyó yóm kun kdaw Dwata, ne tey sidek. Tau du de gembek hembala du yóm kdaw yó?

Juwél 2:31

Gu laanen là deng sut yóm kdaw alì knikò yó, yóm kun kdaw Dwata, angat baling kmifu yóm nóng kdaw ne yóm bulón angat tódô baling tógó hulô, lómón khulóen litô.

Amus 6:10

Ne ke wen sotu dumu le mógów elem gónô mò ma lówó yó kem deng matay anì ntemen bè lewà, tmaba yóm tau yó ebè yóm sotu tau tolo mowil lem gónô, monen, “Tolo wen dù tau nô béléem bè yó kô?” Ne yó balaen du yóm sotu dù mowil, monen, “Laen duen.” Ne yó angat mon yóm tau tmaba, “Béi mudél, hol bê te abay bnoluy yóm boluy Dwata.”

Amus 8:3

Bè yóm kdaw yó, yóm kesngal le lem Gónô Dwata angat baling ngawóy le. Tódô hgasà tau matay bè gida. Tódô bot le lu bè lewà yóm syudad, balù sekteb ke wen mudél. Ou se yóm Dwata hol dandónen geta nim mudél ni.”

Hbakuk 2:20

Okóm kun yóm sana Dwata hol gónó mogot, deng nô bè yóm kun Gónô alì mólós. Yó kem kdéen tau talak tonok, bê ye abay bud mudél ke nô ye bè soluhen.”

Sifanaya 1:14

Deng moni ne yóm hol kun kdaw Dwata, yóm kdaw alì knikò. Deng tey moni ne yóm kdaw yó, lelen alì meslò. Hnungol ye, balù yó kem sendalù alì lóbô, sana klangat le. Hol kdawen héét yóm kdaw yó.

Sikaraya 14:1

Ngem, móyón kól yóm kdaw kkukum Dwata. Gotu nuku kem hohon ye yó kem kimu ye ne gotu sensólól le igò ye temngel.

Sikaraya 2:13

Yóm kkól Dwata bè ni gu bè yóm kun gónó nô hol mólós, hol bê le abay hebnes bè soluhen yóm kdéen tau.”

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Matyu 22:4

Ominen wen dumu tau bud hógówen etu bélê le, monen mò kul, ‘Tulón ye kul deng deng ne yóm ken nmou. Deng wen kem safì tnétéu, dalang se yó kem ngà safì mabù, deng gotu tnétéu. Deng gotu deng ne kdéen. Géhél le do edini ne bè nim ken bong nmou bè lówó yóm ngau logi.’

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Sulat Pol Ebè Yó Kem Tau Hemtahu Bè Rom 9:20

Ni se balau du yóm monem yó, “Tmau kóm de tô gembek smabà ke Dwata? Là gbek yóm kuleng tonok smabà yóm tau mifil du, ke monen ‘Moen ke lómón ni kifilem do?’ ”

Flipay 4:5

Hol hen-ganag ye nawa ye bè yóm kdéen tau. Móyónen kól ne yóm gónó tekuy mogot.

1 Samwél 16:5

Bnalà Samwél se lu, monen, “Laen dù sidek du. Yó nógówu naw e demsù ebè Dwata, hfólós ye knô ye anì mung ye do demsù.” Omin Samwél stulón ke Jisi anì hfólósen knóen dalang se yó kem ngaen anì mung le du bè yóm kedsuen.

1 Samwél 20:26

Okóm laen dù mon Sol bè yóm kdaw yó. Yó hendemen, “Déke deng wen gónón là mólós bè solu Dwata Dabid ne là hyu kmungen bè nim kehligal ni.”